Severus 22

1 Signa mortis eius haec fuerunt: ipse somniavit quattuor aquilis et gemmato curru praevolante nescio qua ingenti humana specie ad caelum esse raptum; cumque raperetur, octoginta et novem numeros explicuisse, ultra quot annos ne unum quidem annum 2 vixit, nam ad imperium senex venit, cumque positus ^{1 2 3 4} esset in circulo ingenti aereo, diu solus et destitutus stetit, cum vereretur autem, ne praeceps rueret, a Iove se vocatum vidit atque inter Antoninos locatum. 3 die circensium cum tres Victoriolae more solito essent locatae gypseae cum palmis, media, quae ipsius nomine adscriptum orbem tenebat, vento icta de podio stans decidit et humi constitit; at quae Getae nomine inscripta erat, corruit et omnis conminuta est; illa vero quae Bassiani titulum prae ferebat, 4 amissa palma venti turbine vix constitit, post murum apud Luguvallum visum in Britannia cum ad proximam mansionem rediret non solum victor sed etiam in aeternum pace fundata, volvens animo quid ominis sibi occurreret, Aethiops quidam e numero militari, clarae inter scurras famae et celebratorum semper locorum, cum corona e cupressu facta eidem 5 occurrit, quem cum ille iratus removeri ab oculis praecepisset, et coloris eius tactus omine ⁵ et coronae, dixisse ille dicitur ioci causa: Totum fuisti, ⁶ totum 6 vicisti, iam deus esto victor . et in civitatem veniens eum rem divinam vellet facere, primum ad Bellonae templum ductus est errore haruspicis rustici, deinde ^{7 8 9 10} 7 hostiae furvae sunt adplicitae. quod cum esset aspernatus atque ad Palatium se reciperet, neglegentia ministrorum nigrae hostiae et usque ad limen domus Palatinae imperatorem secutae sunt.