[48]
verum si quis est qui etiam meretriciis amoribus interdictum iuventuti putet, est ille quidem valde severus — negare non possum — sed abhorret non modo ab huius
1
saeculi licentia verum etiam a maiorum consuetudine atque concessis
2
.
quando enim hoc non factitatum
3
est, quando reprehensum, quando non permissum, quando denique fuit ut quod licet non liceret?
hic ego ipsam rem definiam
4
, mulierem nullam nominabo; tantum in medio relinquam.
Pro M. Caelio. M. Tullius Cicero. ed. Albert Curtis Clark. Oxford. 1908.
Sponsored by Perseus Project, Tufts University.
Funding provided by National Endowment For The Humanities (NEH).