M. Tullius Cicero Pro M. Caelio 49

[49] si quae non nupta mulier domum suam patefecerit omnium cupiditati palamque sese in meretricia vita conlocarit ¹ , virorum alienissimorum conviviis uti instituerit, si hoc in urbe ² , si in hortis, si in Baiarum illa celebritate faciat ³ , si denique ita sese gerat ⁴ non incessu solum sed ornatu atque comitatu, non flagrantia oculorum, non libertate sermonum ⁵ , sed etiam complexu, osculatione, actis ⁶ , navigatione, conviviis, ut non solum meretrix sed etiam ⁷ proterva meretrix procaxque videatur: cum hac si qui adulescens forte fuerit, utrum hic tibi, L. L uci Herenni, adulter an amator, expugnare pudicitiam an explere libidinem voluisse videatur?