Septuaginta, Ecclesiasticus sive Siracides (Sapientia Jesu filii Sirach), ed. Henry Barclay Swete D.D., 43

Search the Perseus Catalog for:

← Previous Next →

γαυρίαμα ὕψους στερέωμα καθαριότητος,

εἶδος οὐρανοῦ ἐν ὁράματι δόξης.

ἥλιος ἐν ὀπτασίᾳ διαγγέλλων ἐν ἐξόδῳ,

σκεῦος θαυμαστόν, ἔργον Ὑψίστου·

ἐν μεσημβρίᾳ αὐτοῦ ἀναξηραίνει χώραν.

καὶ ἐναντίον καύματος αὐτοῦ τίς ὑποστήσεται;

κάμινον φυλάσσων ἐν ἔργοις καύματος,

(4)τριπλασίως ἥλιος ἐκκαίων ὄρη·

ἀτμίδας πυρώδεις ἐμφυσῶν,

καὶ ἐκλάμπων ἀκτῖνας ἀμαυροῖ ὀφθαλμούς.

μέγας Κύριος ὁ ποιήσας αὐτόν,

καὶ ἐν λόγοις αὐτοῦ κατέσπευσεν πορείαν·

καὶ ἡ σελήνη ἐν πᾶσιν εἰς καιρὸν αὐτῆς,

ἀνάδειξιν χρόνων καὶ σημεῖον αἰῶνος·

ἀπὸ σελήνης σημεῖον ἑορτῆς,

φωστὴρ μειούμενος ἐπὶ συντελείας·

μὴν κατὰ τὸ ὄνομα αὐτῆς ἐστιν,

αὐξανομένη θαυμαστῶς ἐν ἀλλοιώσει.

¹³

(9)σκεῦος παραβολῶν ἐν ὕψει,

ἐν στερεώματι οὐρανοῦ ἐκλάμπων·

κάλλος οὐρανοῦ, δόξα ἄστρων,

κόσμος φωτίζων, ἐν ὑψίστοις Κύριος·

ἐν λόγοις ἁγίοις στήσονται κατὰ κρίμα,

καὶ οὐ μὴ ἐκλυθῶσιν ἐν φυλακαῖς αὐτῶν.

ἴδε τόξον, καὶ εὐλόγησον τὸν ποιήσαντα αὐτό,

σφόδρα ὡραῖον ἐν τῷ αὐγάσματι αὐτοῦ·

ἐγύρωσεν οὐρανὸν ἐν κυκλώσει δόξης,

χεῖρες Ὑψίστου ἐτάνυσαν αὐτό.

προστάγματι αὐτοῦ κατέπαυσεν χιόνα,

καὶ ταχύνει ἀστραπὰς κρίματος αὐτοῦ·

διὰ τοῦτο ἠνεῴχθησαν θησαυροί,

καὶ ἐξέπτησαν νεφέλαι ὡς πετεινά·

ἐν μεγαλείῳ αὐτοῦ ἴσχυσεν νεφέλας,

καὶ διεθρύβησαν λίθοι χαλάζης.

καὶ ἐν ὀπτασίαις αὐτοῦ σαλευθήσεται ὄρη,

ἐν θελήματι πνεύσεται νότος.

φωνὴ βροντῆς αὐτοῦ ὠνείδισεν γῆν,

καὶ καταιγὶς βορέου καὶ συστροφὴ πνεύματος.

(19)ὡς πετεινὰ καθιπτάμενα πάσσει χιόνα,

καὶ ὡς ἀκρὶς καταλύουσα ἡ κατάβασις αὐτῆς·

κάλλος λευκότητος αὐτῆς ἐκθαυμάσει ὀφθαλμός,

καὶ ἐπὶ τοῦ ὑετοῦ αὐτῆς ἐκστήσεται καρδία.

καὶ πάχνην ὡς ἅλα ἐπὶ γῆς χέει,

καὶ παγεῑσα γίνεται σκολόπων ἄκρα.

ψυχρὸς ἄνεμος βορέης πνεύσει,

καὶ παγήσεται κρύσταλλος ἀφʼ ὕδατος·

ἐπὶ πᾶσαν συναγωγὴν ὕδατος καταλύσει,

καὶ ὡς θώρακα ἐνδύσεται τὸ ὕδωρ.

καταφάγεται ὄρη καὶ ἔρημον ἐκκαύσει,

⁴⁵

καὶ ἀποσβέσει χλόην ὡς πῦρ.

⁶

ἴασις πάντων κατὰ σπουδὴν ὁμίχλη,

δρόσος ἀπαντῶσα ἀπὸ καύσωνος ἱλαρώσει.

λογισμῷ αὐτοῦ ἐκόπασεν ἄβυσσον,

καὶ ἐφύτευσεν αὐτὴν Ἰησοῦς.

οἱ πλέοντες τὴν θάλασσαν διηγοῦνται τὸν κίνδυνον αὐτῆς,

καὶ ἀκοαῖς ὠτίων ἡμῶν θαυμάζομεν·

καὶ ἐκεῖ τὰ παράδοξα καὶ θαυμάσια ἔργα,

ποικιλία παντὸς ζῴου, κτίσις κητῶν.

δι᾿ αὐτὸν εὐωδία τέλος αὐτοῦ,

καὶ ἐν λόγῳ αὐτοῦ σύνκειται πάντα.

πολλὰ ἐροῦμεν καὶ οὐ μὴ ἀφικώμεθα,¶

⁷

καὶ συντέλεια λόγων Τὸ πᾶν ἐστιν αὐτός.

δοξάζοντες ποῦ ἰσχύσωμεν

αὐτὸς γὰρ ὁ μέγας παρὰ πάντα τὰ ἔργα αὐτοῦ.

φοβερὸς Κύριος καὶ σφόδρα μέγας.

καὶ θαυμαστὴ ἡ δυναστεία αὐτοῦ.

δοξάζοντες Κύριον ὑψώσατε

καθʼ ὅσον ἂν δύνησθε, ὑπερέξει γὰρ καὶ ἔτι·

(3⁴)καὶ ὑψοῦντες αὐτὸν πληθύνατε ἐν ἰσχύι·

μὴ κοπιᾶτε, οὐ γὰρ μὴ ἀφίκησθε.

τίς ἑόρακεν αὐτὸν καὶ ἐκδιυηγήσεται;

καὶ τίς μεγαλυνεῖ αὐτὸν καθώς ἐστιν;

πολλὰ ἀπόκρυφά ἐστιν μείζονα τούτων,

ὀλίγα γὰρ ἑωράκαμεν τῶν ἔργων αὐτοῦ.

πάντα γὰρ ἐποίησεν ὁ κύριος,

καὶ τοῖς εὐσεβέσιν ἔδωκεν σοφίαν.

Πατέρων ὕμνος.

Ecclesiasticus sive Siracides (Sapientia Jesu filii Sirach). Septuaginta. ed. Henry Barclay Swete D.D.. United States. 2017.

Funding provided by Harvard Library Arcadia Fund.

Current edition First1KGreek

Σοφία Ἰησοῦ Σειράχ (Greek) (Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.)

Editions (1)

Ἐκκλησιαστικός First1KGreek (Septuaginta. Ecclesiasticus: the Greek text of Codex 248. Hart, John Henry Arthur, editor. Cambridge: Cambridge University Press, 1909.) — 43 focus

γαυρίαμα ὕψους στερέωμα καθαριότητος, εἶδος οὐρανοῦ ἐν ὁράματι δόξης.

ἥλιος ἐν ὀπτασίᾳ διαγγέλλων ἐν ἐνδόξῳ, σκεῦος θαυμαστόν, ἔργον Ὑψίστου·

ἐν μεσημβρίᾳ αὐτοῦ ἀναξηραίνει χώραν, καὶ ἐναντίον καύματος αὐτοῦ τίς ὑποστήσεται;

κάμινον φυσῶν ἐν ἔργοις καύματος, τριπλάσιον ἥλιος ἐκκαίων ὄρη· ἀτμίδας πυρώδεις ἐκφυσῶν, καὶ ἐκλάμπων ἀκτῖνας ἀμαυροῖ ὀφθαλμούς.

μέγας Κύριος ὁ ποιήσας αὐτόν, καὶ ἐν λόγοις αὐτοῦ κατέπαυσε πορείαν.

καὶ σελήνην ἐποίησεν εἰς στάσιν εἰς καιρὸν αὐτῆς, ἀνάδειξιν χρόνων καὶ σημεῖον αἰῶνος.

καὶ ἀπὸ σελήνης σημεῖον ἑορτῆς, φωστὴρ μειούμενος ἐπὶ συντελείας·

μὴν κατὰ τὸ ὄνομα αὐτῆς ἐστιν·

αὐξανόμενος ἐθαυμάστωσεν ἀλλοιώσει, σκεῦος παρεμβολῶν ἐν ὕψει, ἐν στερεώματι οὐρανοῦ ἐκλάμπων·

κάλλος οὐρανοῦ, δόξα ἄστρων, κόσμος φωτίζων ἐν ὑψίστοις κυρίου.

ἐν λόγοις ἁγίου στήσονται κατάκριμα, καὶ οὐ μὴ ἐκκαυθῶσιν ἐν φυλακῇ αὐτῶν.

ἴδε τόξον, καὶ εὐλόγησον τὸν ποιήσαντα αὐτό, σφόδρα ὡραῖον ἐν τῷ αὐγάσματι αὐτοῦ·

ἐγύρωσεν οὐρανὸν ἐν κυκλώσει δόξης, χεῖρες Ὑψίστου ἐτάνυσαν αὐτό.

προστάγματι αὐτοῦ κατέπαυσε χιόνα, ¹ καὶ ταχύνει ἀστραπὰς κρίματος αὐτοῦ·

διὰ τοῦτο ἠνεῴχθησαν θησαυροί, καὶ ἐξέπτησαν νεφέλαι ὡς πετεινά.

ἐν μεγαλείῳ αὐτοῦ ἴσχυσαν νεφέλας, καὶ διεθρύβησαν λίθοι χαλάζης.

φωνῇ βροντῆς αὐτοῦ ὠσίνησε γῆν, καὶ ἐν ὀπτασίᾳ αὐτοῦ σαλεύεται ὄρη·

ἐν θελήματι αὐτοῦ πνεύσεται νότος καὶ καταιγὶς βορέου καὶ συστροφὴ πνεύματος. ὡς πετεινὰ καθιπτάμενα πάσσει χιόνα, καὶ ὡς ἀκρὶς καταλύουσα ἡ κατάβασις αὐτῆς·

κάλλος λευκότητος αὐτῆς ἐκθαυμάσει ὀφθαλμός, καὶ ἐπὶ τοῦ ὑετοῦ αὐτοῦ ἐκστήσεται καρδία.

καὶ πάχνην ὡς ἅλας ἐπὶ γῆν χέει, καὶ παγεῖσα γίνεται σκολόπων ἄκρα.

ψυχρὸς ἄνεμος βορέας πνεύσει, καὶ παγήσεται κρύσταλλος ἀφ’ ὕδατος· ἐπὶ πᾶσαν συναγωγὴν ὕδατος καταλύσει, καὶ ὡς θώρακα ἐνδύσεται τὸ ὕδωρ.

καταφάγεται ὄρη καὶ ἔρημον ἐκκαύσει, καὶ ἀποσβέσει χλόην ὡς πῦρ.

ἴασις πάντων κατὰ σπουδὴν ὀμίχλη, δρόσος ἀπαντῶσα ἀπὸ καύσωνος ἱλαρώσει.

λογισμῷ αὐτοῦ ἐκόπασεν ἄβυσσος, καὶ ἐφύτευσεν ἐν αὐτῇ

νήσους. οἱ πλέοντες τὴν θάλασσαν διηγοῦνται τὸν κίνδυνον αὐτῆς, καὶ ἀκοαῖς ὠτίων ἡμῶν θαυμάζομεν·

καὶ ἐκεῖ τὰ παράδοξα καὶ θαυμάσια ἔργα, ποικιλία παντὸς ζῴου, κρίσις κητῶν.

καὶ δι’ αὐτὸν εὐοδοῖ ὁ ἄγγελος αὐτοῦ, καὶ ἐν λόγῳ αὐτοῦ σύγκειται τὰ πάντα.

πολλὰ ἐροῦμεν καὶ οὐ μὴ ἐφικώμεθα, καὶ συντέλειαν λόγων αὐτός ἐστι τὸ πᾶν. δοξάζοντες ποῦ ἰσχύσομεν ;

αὐτὸς γὰρ μέγας πάρα πάντα τὰ ἔργα αὐτοῦ.

φοβερὸς Κύριος καὶ μέγας σφόδρα, καὶ θαυμαστὴ ἡ δυναστείααὐτοῦ.

δοξάζοντες Κύριον ὑψώσατε καθ’ ὅσον ² δύνασθε, ὑπερέξει γὰρ καὶ ἔτι·

καὶ ὑψοῦντες αὐτὸν πληθύνατε ἐν ἰσχύι· μὴ κοπιᾶτε, οὐ γὰρ μὴ ἐφίκησθε. τίς ἑώρακεν αὐτὸν καὶ ἐκδιηγήσεται;

κοὶ τίς μεγαλυνεῖ αὐτὸν καθώς ἐστι;

πολλὰ ἀπόκρυφα ἐστὶ μείζονα τούτων, ὀλίγα ἑωράκαμεν τῶν ἔργων αὐτοῦ.

πάντα γὰρ ἐποίησεν ὁ κύριος, ὁ κύριος, καὶ τοῖς εὐσεβέσιν ἔδωκε σοφίαν.

Notes on the current edition

Σοφία Ἰησοῦ Σειράχ

1. U+05D0AC

1. 21 εκοσμησε C | και εως] ως U+05D0 ος AC | ηλασσωθη U+05D0A | και ου] ουδε U+05D0* ¹ (ӄ ου U+05D0c.a) | συμβουλου] pr ανδρος U+05D0* (om U+05D0c.a) 22 ως σπινθηρος] εως σπινθ. U+05D0C (εωσπ.) | om εστιν U+05D0 | θεωρησαι] επιθεωρησαι U+05D0 24 εκλιπον] εκλειπον Bᵃᵇvid Cᵛⁱᵈ ενλειπον U+05D0 ελλιπον A XLIII 1 καθαριοτητος] και καθαριοτης U+05D0 | ουρανου] ανου U+05D0* (ουνου U+05D0 c.a) 2 διαγγελλων] αγγελλων U+05D0c.a διαγγελων A 4 φυλασσων] φυσων U+05D0c.a A | τριπλασιων A | εμφυσων] εκφυσων U+05D0AC 5 Κυριος] pr ο A | αυτον] αυτους U+05D0* (-τον U+05D0c.a) | κατε- σπευσεν] κατεπαυσεν U+05D0c.a | ποριαν U+05D0C 7 συντελειας] συντελεια αιωνος U+05D0* συντελεια U+05D0¹ A συντελειαις (sic) U+05D0c.a 8 αυξανομενος U+05D0AC | θαυμαστος U+05D0

3. B

4. U+05D0AC

5. 8 παραβολων] παρεμβολων U+05D0AC 9 αστερων U+05D0 | Κυριος] κυ U+05D0c.a AC 10 αγιου U+05D0AC 11 αυτο] αυτον AC 12 αυτο] αυτον C 13 κατεπαυσεν B*ᵛⁱᵈU+05D0] κατεσπευσεν Bᵃᵇ (εσπευ sup ras) AC 15 νεφελαις A | χαλα- ζης] post ζ ras 1 lit Aᵃ 16 οπτασια U+05D0AC | σαλευθησεται] σαλευθησονται U+05D0A σαλευονται C | εν 2⁰] pr και AC | θεληματι] + αυτου U+05D0AC 17 ωνει- δισεν] ωδινησεν A | γην] γη A | κατιπταμενα B 18 αυτης 2⁰] αυτο inceb U+05D0* (-της U+05D01c.a 19 παχνη U+05D0* (-χνην U+05D0c.a) 20 βορεας U+05D0AC | αφ υδατος] εφ υδατος U+05D0Α φυδατος (sic) C | επι] pr και C | εκδυσεται U+05D0

6. B

7. ¶C

Septuaginta Ecclesiasticus sive Siracides (Sapientia Jesu filii Sirach) 43

ed. Henry Barclay Swete D.D.

Search the Perseus Catalog for:

Current edition First1KGreek

Notes on the current edition

Stable identifiers