>ΠΕ΄
ΙΙροσευχὴ τῷ Δαυεἰδ.
Κλῖνον, Κύριε, τὸ οὖς σου καὶ εἰσάκουσόν μου,
ὅτι πτωχὸς καὶ πένης εἰμὶ ἐγὼ.
φύλαξον τὴν ψυχήν μου, ὅτι ὅσιός εἰμι
σῶσον τὸν δοῦλόν σου, ὁ θεός μου, τὸν ἐλπίζοντα ἐπὶ σέ.
ἐλέησόν με, κύριε, ὅτι πρὸς σέ κεκράξομαι ὅλην τὴν ἡμέραν.
εὔφρανον τὴν ψυχὴν τοῦ δούλου σου,
ὅτι πρὸς σέ, κύριε, ἤρα τὴν ψυχὴν μου.
ὅτι σύ, κύριε. χρηστὸς καὶ ἐπιεικὴς
καὶ πολυέλεος πᾶσι τοῖς ἐπικαλουμένοις σε.
ἐνώτισαι, Κύριε, τὴν προσευχὴν μου.
καὶ πρόσχες τῇ φωνῇ τῆς δεήσεώς μου.
ἐν ἡμέρᾳ θλίψεως μου ἐκέκραξα πρὸς σέ, ὅτι εἰσήκουσάς μου.
οὐκ ἔστιν ὅμοιός σοι ἐν θεοῖς, κύριε.
καὶ οὐκ ἔστιν κατὰ τὰ ἔργα σου.
πάντα τὰ ἔθνη ὅσα ἐποίησας ἥξουσιν
καὶ προσκυνήσουσιν ἐνώπιόν σου, Κύριε,
καὶ δοξάσουσιν τὸ ὄνομά σου·
ὅτι μέγας εἶ σὺ καὶ ποιὥν θαυμάσια,
σὺ εἶ ὁ θεὸς μόνος ὁ μέγας.
δήγησόν με, Κύριε, τῇ ὁδῷ σου,
καὶ πορεύσομαι τῇ ἀληθείᾳ σου·
εὐφρανθήτω ἡ καρδία μου τοῦ φοβεῖσθαι τὸ ὄνομά σου.
ἐξομολογήσομαί σοι, Κύριε ὁ θεός μου, ἐν ὅλῃ καρδίᾳ μου,
καὶ δοξάσω τὸ ὄνομά σου εἰς τὸν αἰῶνα·
ὅτι τὸ ἔλεός σου μέγα ἐπʼ ἐμέ,
καὶ ἐρρύσω τὴν ψυχήν μου ἐξ ᾄδου κατωτάτου.
ὁ θεός, παράνομοι ἐπανέστησαν ἐπʼ ἐμέ,
καὶ συναγωγὴ κραταιῶν ἐζήτησαν τὴν ψυχήν μου·
οὐ προέθεντό σε ἐνώπιον αὐτῶν.
καὶ σύ, Κύριε ὁ θεός, οἰκτίρμων καὶ ἐλεήμων,
μακρόθυμος καὶ πολυέλεος καὶ ἀληθινός.
ἐπίβλεψον ἐπʼ ἐμὲ καὶ ἐλέησόν με,
δὸς τὸ κράτος σου τῷ παιδί σου, καὶ σῶσον τὸν υἱὸν τῆς
παιδίσκης σου.
ποίησον μετʼ ἐμοῦ σημεῖον εἰς ἀγαθόν,
καὶ ἰδέτωσαν οἱ μισοῦντές με καὶ αἰσχυνθήτωσαν,
ὅτι σύ, Κύριε, ἐβοήθησάς μοι καὶ παρεκάλεσάς με.
Psalms. Septuaginta. ed. Henry Barclay Swete D.D.. United States. 2017.
Funding provided by Harvard Library Arcadia Fund.