Aristotle, Constitution of the Athenians, ed. Frederic G. Kenyon, 34

Search the Perseus Catalog for:

← Previous Next →

XXXIV. τούτους μὲν οῦν ἀφείλετο τὴν πολιτείαν ὁ δῆμος διὰ τάχους· ¹ ἒτει δ’ ἑβδόμῳ μετὰ τὴν τῶν τετρακοσίων κατάλυσιν, ἐπὶ Καλλίου τοῦ Ἀγγελῆθεν ἂρχοντος, γενομένης τῆς ἐν Ἀργινούσσαις ναυμαχίας, πρῶτον μὲν τοὺς δέκα στρατηγοὸς τοὺς τῇ ναυμαχίᾳ νικῶντας συνέβη κριθῆναι μιᾷ
κειροτονίᾳ πάντας, τοὺς μὲν οὐδὲ συνναυμαχήσαντας, τοὺς δ’ ἐπ’ ἀλλοτρίας νεῶς σωθέντας, ἐξαπατηθέντος τοῦ δήμου διὰ τοὺς παρορλίσαντας· ἂπειτα βουλομένων Λακεδαιμόνίων ἐκ Δεκελείας ἀπιέναι καὶ ἐφ’ οἶς ἒχουσιν ἐκάτεροι εἰρήνην ἂγειν ἒνιοι μὲν ἐσπόύδαζον, τὸ δὲ πλῆθος | οὐκ ὑπήκουσεν ²³⁴⁵ ἐξαπατηθέντες ὑπὸ Κλεοφῶντος, ὃς ἐκώλυσε γενέσθαι τῆν εἰρήνην ἐλθὼν ⁶ εἰς τὴν ἐκκλησίαν μεθύων καὶ θώρακα ἐνθεδυκώς, οὑ φάσκων ἐπιτρέψειν, ἐὰν μὴ πάσας ἀφιῶσι Λακεδαιμονιοι τὰς πόλεις. οὑ χρησάμενοι δὲ ⁷ παλῶς τότε τοῖς πράγμασι μετ’ οὐ πολὺν χρόνον ἒγνωσαν τὴν ἀμαρτίαν.
τῷ γὰρ ὓστερον ἒτει ἐπ’ Ἀλεξίου ἂρχοντος ἠτύχησαν τὴν ἐν Αἰγὸς ποταμοῖς ναυμαχίαν, ἐξ ἦς συνέβη κύριον γενόμενον τῆς πόλεως Λύσανδρον καταστῆσαι τοὺς τριάκοντα τρόπῳ τοιῷδε. τῆς εἰρήνης γενομένης αὐτοῖς ⁸ ἐφ’ ᾦ τε πολιτεύσονται τὴν πάτριον πολιτείαν, οἱ μὲν δημοτικοὶ διασῴζειν ἐπειρῶντο τὸν δῆμον, τῶν δὲ γνωρίμων οἱ μὲν ἐν ταῖς ἐταιρείαις ὂντες καὶ
τῶν φυγάδων οἱ μετὰ τὴν εἰρήνην κατελθόντες ὀλιγαρχίας ἐπεθύμουν, οἱ δ’ ἐν ἐταιρείᾳ μὲν οὐδεμιᾷ αυγκαθεστῶτες [ἄ]λλως δὲ δοκοῦντες οὐδενὸς τῶν πολιτῶν τὴν πάτριον πολιτείαν ἐζήτουν. ὦν ἦν μὲν καὶ Ἀρχῖνος καὶ Ἄνυτος καὶ Κλειτοφῶν καὶ Φορμίσιος καὶ ἓτεροι πολλοί, προειστήκει δὲ μάλιστα Θηραμένης. Λυσάνδρου δὲ προσθεμένου τοῖς ὀλιγαρχικοῖς
καταπλαγεὶς ὁ δῆμος ἠναγκάσθη γειροτονεῖν τῆν ὀλιγαρχίαν. ἒγραψε δὲ τὸ ψήφισμα Δρακοντίδης Ἀφιδναῖος.

Constitution of the Athenians. Aristotle. ed. Frederic G. Kenyon. Germany. 2017.

Current edition First1KGreek

Res Publica Atheniensium (Greek) (Aristotle. Aristotelis Res Publica Atheniensium. Kenyon, Frederic, editor. Berlin: Reimer, 1903.)

Editions (1)

Ἀθηναίων πολιτεία Perseus (Aristotle. Aristotelis Atheniensium Respublica. Kenyon, Frederic G, editor. Oxford: Clarendon Press, 1920.) — 34 focus

τούτους μὲν οὖν ἀφείλετο τὴν πολιτείαν ὁ δῆμος διὰ τάχους. ἔτει δʼ ἕκτῳ μετὰ τὴν τῶν τετρακοσίων κατάλυσιν, ἐπὶ Καλλίου τοῦ Ἀγγελῆθεν ἄρχοντος, γενομένης τῆς ἐν Ἀργινούσσαις ναυμαχίας, πρῶτον μὲν τοὺς δέκα στρατηγοὺς τοὺς τῇ ναυμαχίᾳ νικῶντας συνέβη κριθῆναι μιᾷ χειροτονίᾳ πάντας, τοὺς μὲν οὐδὲ συνναυμαχήσαντας, τοὺς δʼ ἐπʼ ἀλλοτρίας νεὼς σωθέντας, ἐξαπατηθέντος τοῦ δήμου διὰ τοὺς παροργίσαντας· ἔπειτα βουλομένων Λακεδαιμονίων ἐκ Δεκελείας ἀπιέναι καὶ ἐφʼ οἷς ἔχουσιν ἑκάτεροι εἰρήνην ἄγειν, ἔνιοι μὲν ἐσπούδαζον, τὸ δὲ πλῆθος ι οὐχ ὑπήκουσεν ἐξαπατηθέντες ὑπὸ Κλεοφῶντος, ὃς ἐκώλυσε γενέσθαι τὴν εἰρήνην, ἐλθὼν εἰς τὴν ἐκκλησίαν μεθύων καὶ θώρακα ἐνδεδυκώς, οὐ φάσκων ἐπιτρέψειν ἐὰν μὴ πάσας ἀφῶσι Λακεδαιμόνιοι τὰς πόλεις.

οὐ χρησάμενοι δὲ καλῶς τότε τοῖς πράγμασι, μετʼ οὐ πολὺν χρόνον ἔγνωσαν τὴν ἁμαρτίαν. τῷ γὰρ ὕστερον ἔτει, ἐπʼ Ἀλεξίου ἄρχοντος, ἠτύχησαν τὴν ἐν Αἰγὸς ποταμοῖς ναυμαχίαν, ἐξ ἧς συνέβη κύριον γενόμενον τῆς πόλεως Λύσανδρον καταστῆσαι τοὺς τριάκοντα τρόπῳ τοιῷδε.

τῆς εἰρήνης γενομένης αὐτοῖς ἐφʼ ᾧ τε πολιτεύσονται τὴν πάτριον πολιτείαν, οἱ μὲν δημοτικοὶ διασῴζειν ἐπειρῶντο τὸν δῆμον, τῶν δὲ γνωρίμων οἱ μὲν ἐν ταῖς ἑταιρείαις ὄντες, καὶ τῶν φυγάδων οἱ μετὰ τὴν εἰρήνην κατελθόντες ὀλιγαρχίας ἐπεθύμουν, οἱ δʼ ἐν ἑταιρείᾳ μὲν οὐδεμιᾷ συγκαθεστῶτες, ἄλλως δὲ δοκοῦντες οὐδενὸς ἐπιλείπεσθαι τῶν πολιτῶν, τὴν πάτριον πολιτείαν ἐζήτουν· ὧν ἦν μὲν καὶ Ἀρχῖνος καὶ Ἄνυτος καὶ Κλειτοφῶν καὶ Φορμίσιος καὶ ἕτεροι πολλοί, προειστήκει δὲ μάλιστα Θηραμένης. Λυσάνδρου δὲ προσθεμένου τοῖς ὀλιγαρχικοῖς, καταπλαγεὶς ὁ δῆμος ἠναγκάσθη χειροτονεῖν τὴν ὀλιγαρχίαν. ἔγραψε δὲ τὸ ψήφισμα Δρακοντίδης Ἀφιδναῖος.

Notes on the current edition

Constitution of the Athenians

1. 1

2. p. 15

3. 1 τ|η (vel ισ) χανουσιν L*, υγ fine prioris versus scr. L4 et η delevit, ita ut maneat τυγ|χανουσιν ουκ L 4 πολιται L μνασιμακος L*. corr. L2 5. 6 τη . . . naymaxia L*, ι bis add. L4 6 Πρην L*, corr. L4 ωριον L ἐνενκοντες L*, corr. L4 7 τη συμφορα L*, ι add. L4 9 παρεδεθωκαν L*, corr. L? 10 μιστ σθ suprascr. L2?) οφφρων L; μισθοφόρον J. B. Mayor, al. 12 τετρακοσιος L*, corr. L4 γενομενοις L*, γει — L2 14 δε κατεστωτος L*, corr. L4 14. 15 πολιτιας L 16 ο(υν) om. L*, suprascr. L4 πολιτιαν L ο δημος om. L*, suprascr. L4 17 ὲτι L ἑβδόμῳ] ita L, sed praestat ἓκτῳ legere με L*, τα suprascr. L4 18 ανγεληθεν L*, αγγ- L4 αργινουσας L*, ουσσαις L4 19 post νικωντας ας rescr. L4) τους δολι L*, sed corr inter scriben- dum L2 20 χιρονονια L*, corr. L4 21 νεος L*, corr. L4 εξαπατηδεντες L επιτα L 22 ανιεναι L, απ- schoL Arist. Ran. 1532 ἐφ’ οἶς ἒχ. ἑκ. καὶ εἰp. ἂγειν K-W, BI e schol. (v. testim.) 23 ιρηνην εκατεροι L αγιν L*, ε suprascr. L4

4. 3 Harpocr. s. v. τετρακόσιοι: . . . οἱ τετρακόσιοι πρὸ ἐπτὰ ἐτῶν κατέστησαν τῶν λ ρυραύνων παρ’ Ἀθηναίοις, οἳτινες τέτταρας μῆνας ἦρξαν τῆς πόλεως, ὣς φησιν Ἀριστοτέλης ἐν Ἀθηναίων πολιτείᾳ (Epitomen exscr. Phot. Suid.).

5. 22 Schol. Ar. Ran. 1532 (V, dett.) Κλεοφῶν δὲ μαχέσθω] παρόσον ὡς Ἀριστοτέλης φησί, μετὰ τὴν ἐν Ἀργινούσαις ναυμαχίαν Λακεδαιμονίων βουλομένων ἐκ Δεκελείας ἀπιέναι ἐφ’ oT; ἒχουσαιν ἑκάτεροι καὶ εἰρήνην ἂγειν ἐπὶ τοῦ Καλλίου, Κλεοφῶν ἒπεισε τὸν δῆμον μὴ προσδέξασθαι, ἐλθὼν εὶς τὴν ἐκκλησίαν μεθύων καὶ θώρακα ἐνδεδυκώς, οὐ φάσκων ἐπιτρέψειν, ἐὰν μὴ πάσας ἀφῶσι τὰς πόλεις οἱ Λακεδαιμόνιοι.

6. p. 15

7. 2

8. 3

Aristotle Constitution of the Athenians 34

ed. Frederic G. Kenyon

Search the Perseus Catalog for:

Current edition First1KGreek

Notes on the current edition

Stable identifiers