Aristotle, Constitution of the Athenians, ed. Frederic G. Kenyon, 27

Search the Perseus Catalog for:

← Previous Next →

XXVII. μετὰ δὲ ταῦτα πρὸς τὸ δημαγωγεῖν ἐλθόντος Περικλέους καὶ ¹ πρῶτον εὐδοκιμήσαντος ὃτε κατηγόρησε τὰς εὐδύνας Κίμωνος στρατη- ² γοῦντος νέος ὤη δημοτικωτέραν ἒτι συνέβη γενέσθαι τὴν πολιτείαν· καὶ γὰρ τῶν Ἀρεοπαγιτῶν ἒνια παρείλετο εαὶ μάλιστα προύτρεψεν τὴν πόλιν
ἐπὶ τὴν ναυτικὴν δύναμιν, ἐξ ἦς συνέβη δαρρήσαντας τοὺς πολλοὺς ἃπασαν τὴν πολιτείαν μᾶλλον ἂγειν εἰς αὑτους. μετὰ δὲ τὴν ἐν Σαλαμῖνι ναυ- ³ μαχίαν ἑνὸς δεῖ πεντηκοστῷ ἒτει ἐπὶ Πυθοδώρου ἂρχοντος ὃ προὸς Πελοποννηδίους ἐνέστη πόλεμος, ἐν ᾦ κατακλειδθεὶς ὁ δῆμος ἐν τῷ ἂστει καὶ συνεθισθεὶς ἐν ταῖς στρατείαις μισθοφορεῖν, τὰ μὲν ἑκὼν τὰ δὲ ἂκων προῃ-
ρεῖτο τὴν πολιτείαν διοικεῖν αὐτός. ἐποίησε δὲ καὶ μισθοφόρα τὰ δικαστήρια ⁴ Πςρικλῆς πρῶτος, ἀντιδημαγωγῶν πρὸς τὴν Κίμωνος εὐπορίαν. ὁ γὰρ Κίμων, ἃτε τυραννικὴν ἒχων οὐσίαν, πρῶτον μὲν τὰς κοινὰς λῃτουργίας ἐλῃτούργει λαμπρῶς, ἒπειτα τῶν δημοτῶν ετρεφε πολλούς· ἐξῆν γὰρ τῷ βουλομένῳ Λακιαδῶν καθ’ ἑκάστην τὴν ἡμέραν ἑλθόντι παρ’ αὐτὸν ἒχειν
τὰ μέτρια, ἒτι δὲ τὰ χωρία πάντα ἂφφακτα ἦν, ὃπως ἐξῇ τῷ βουλομένῳ τῆς ὀπώρας ἀπολαύειν. πρὸς δὴ ταύτην τὴν χορηγίαν ἐπιλειπόμενος ὁ ⁵ Περικλῆς τῇ οὐσίᾳ, συμβουλεύσαντος αὐτῷ Δκμωνίδου τοῦ Οἲηθεν ὃς ἐδόκει τῶν πολλῶν εἰσηγητὴς εἶναι τῷ Περικλεῖ· διὸ καὶ ὠστράκισαν αὐτὸν ὓστερον), ἐπεὶ τοῖς ἰδίοις ἡττᾶτο, διδόναι τοῖς πολλοῖς τὰ αὑτῶν,
κατεσκεύασε μισθοφορὰν τοῖς δικασταῖς· ἀφ’ ὦν αἰτιῶνταί τινες χείρω γενέσθαι, κληρουμένων ἐπιμελῶς ἀεὶ μᾶλλον τῶν τυχόντων ἢ τῶν ἐπιεκῶν ἀνθρώπων. ἢρξατο δὲ μετὰ ταῦτα καὶ τὸ δεκάζειν, πρώτου κατασείξαντος ⁶ Ἀνύτου μετὰ τὴν ἐν Πύλῳ στρατηλίαν. κρινόμενος γὰρ ὑπό τινων διὰ τὸ ἀποβαλεῖν Πύλον, δεκάσας τὸ δικστὴριον ἀπέφυγεν.

⁷⁸⁹¹⁰¹¹¹²

Constitution of the Athenians. Aristotle. ed. Frederic G. Kenyon. Germany. 2017.

Current edition First1KGreek

Res Publica Atheniensium (Greek) (Aristotle. Aristotelis Res Publica Atheniensium. Kenyon, Frederic, editor. Berlin: Reimer, 1903.)

Editions (1)

Ἀθηναίων πολιτεία Perseus (Aristotle. Aristotelis Atheniensium Respublica. Kenyon, Frederic G, editor. Oxford: Clarendon Press, 1920.) — 27 focus

μετὰ δὲ ταῦτα πρὸς τὸ δημαγωγεῖν ἐλθόντος Περικλέους, καὶ πρῶτον εὐδοκιμήσαντος, ὅτε κατηγόρησε τὰς εὐθύνας Κίμωνος στρατηγοῦντος νέος ὤν, δημοτικωτέραν ἔτι συνέβη γενέσθαι τὴν πολιτείαν. καὶ γὰρ τῶν Ἀρεοπαγιτῶν ἔνια παρείλετο, καὶ μάλιστα προύτρεψεν τὴν πόλιν ἐπὶ τὴν ναυτικὴν δύναμιν, ἐξ ἧς συνέβη θαρρήσαντας τοὺς πολλοὺς ἅπασαν τὴν πολιτείαν μᾶλλον ἄγειν εἰς αὑτούς.

μετὰ δὲ τὴν ἐν Σαλαμῖνι ναυμαχίαν ἑνὸς δεῖ πεντηκοστῷ ἔτει, ἐπὶ Πυθοδώρου ἄρχοντος, ὁ πρὸς Πελοποννησίους ἐνέστη πόλεμος, ἐν ᾧ κατακλεισθεὶς ὁ δῆμος ἐν τῷ ἄστει, καὶ συνεθισθεὶς ἐν ταῖς στρατείαις μισθοφορεῖν, τὰ μὲν ἑκὼν τὰ δὲ ἄκων προῃρεῖτο τὴν πολιτείαν διοικεῖν αὐτός.

ἐποίησε δὲ καὶ μισθοφόρα τὰ δικαστήρια Περικλῆς πρῶτος, ἀντιδημαγωγῶν πρὸς τὴν Κίμωνος εὐπορίαν. ὁ γὰρ Κίμων ἅτε τυραννικὴν ἔχων οὐσίαν, πρῶτον μὲν τὰς κοινὰς λῃτουργίας ἐλῃτούργει λαμπρῶς, ἔπειτα τῶν δημοτῶν ἔτρεφε πολλούς. ἐξῆν γὰρ τῷ βουλομένῳ Λακιαδῶν, καθʼ ἑκάστην τὴν ἡμέραν ἐλθόντι παρʼ αὐτὸν ἔχειν τὰ μέτρια. ἔτι δὲ τὰ χωρία πάντα ἄφρακτα ἦν, ὅπως ἐξῇ τῷ βουλομένῳ τῆς ὀπώρας ἀπολαύειν.

πρὸς δὴ ταύτην τὴν χορηγίαν ἐπιλειπόμενος ὁ Περικλῆς τῇ οὐσίᾳ, συμβουλεύσαντος αὐτῷ Δαμωνίδου τοῦ Οἴηθεν ʽὃς ἐδόκει τῶν πολλῶν εἰσηγητὴς εἶναι τῷ Περικλεῖ· διὸ καὶ ὠστράκισαν αὐτὸν ὕστερον̓, ἐπεὶ τοῖς ἰδίοις ἡττᾶτο, διδόναι τοῖς πολλοῖς τὰ αὑτῶν, κατεσκεύασε μισθοφορὰν τοῖς δικαστηρίοις· ἀφʼ ὧν αἰτιῶνταί τινες χείρω γενέσθαι, κληρουμένων ἐπιμελῶς ἀεὶ μᾶλλον τῶν τυχόντων ἢ τῶν ἐπιεικῶν ἀνθρώπων. ἤρξατο δὲ μετὰ ταῦτα καὶ τὸ δεκάζειν,

πρώτου καταδείξαντος Ἀνύτου μετὰ τὴν ἐν Πύλῳ στρατηγίαν. κρινόμενος γὰρ ὑπό τινων διὰ τὸ ἀποβαλεῖν Πύλον, δεκάσας τὸ δικαστήριον ἀπέφυγεν.

Notes on the current edition

Constitution of the Athenians

1. 1

2. p. 11

3. 2

4. 3

5. 4

6. 5

7. 2 πρωτου L, προτοὺ Jackson, πρῶτον BL, al. 3 ετι L*, πι L1 5 πασαν L*, α superscr. L1 7 δεῖ] cf. p. 23,8 8 κατακλισθεις L, κλῃσθεὶς K-W, al.; cf. p. 18,7 9 στρατιαις L, corr. K-W, al. 13 τους ante πολλους L*, del. L1? 15 εξην L 17 ὃς] ους L*, fortasse correctum, ut putat Wn. 20 χείρους Newman, al., at cf. önert Philol. 61, 182 21 μαλλον om. L*, superscr. L4 23 ’AvuTOu] auTou L, corr. ex Harp. (v. testim.)

8. 4 cf. testim. ad p. 2825.

9. 10 ARIST. Pol. B 22. 127a8 τὰ δὲ δικαστήρια μισθοφόρα κατέστησε Περικλῆς.

10. 11 Plut. Per. 9 ἐν ἀρχῇ μὲν γὰρ, ὣσπερ εἲρηται, πρὸς τὴν Κίμωνος δόξαν ἀντιταττόμενος ὑπεποιεῖτο τὸν δῆμον, ἐλαττούμενος δὲ πλούτῳ καὶ χρήμασιν, ἀφ’ ὦν ἐκεῖνος ἀνελάμβανε τοὺς πένητας δεῖπνόν τε καθ’ ἡμέραν τῷ δεομένῳ παρέχων Ἀθηναίων καὶ τοὺς πρεσβυτέρους ἀμφιννύων τῶν τε χωρίων τοὺς φραγμοὺς ἀφαιρῶν, ὃπως ὀπωρίζωσιν οἱ βουλόμενοι, τούτοις ὁ Περικλῆς καταδημαγωγούμενος τρέπεται πρὸς τὴν τῶν δημοσίων διανομήν, συμβουλεύσαντος αὐτῷ Δαμωνίδου δημωνίδου libri, corr. Sintenis) τοῦ Οἲηθεν (sic codex Seitenstettensis), ὡς Ἀριστοτέλης ἰστόρηκε. ib. 4 de Damone: τῷ δὲ Περικλεῖ συνῆν καθάπερ ἀθλητῇ τῶν πολιτικῶν ἀλείπτης καὶ διδάσκαλος.

11. 13 Plut. Cim. 10 ὠς δ’ Ἀριστοτέλης φησίν, οὐχ ἀπάντων Ἀθηναίων, ἀλλὰ δημοτῶνδ αὐτοῦ Λκαιασῶν παρεσκευάζετο τῷ βουλομένῳ τὸ δεῖπνον.

12. 22 Harpocr. s. v δελἀζων: . . . . . Ἀριστοτέλης δ’ ἐν Ἀθηναίων πολιτείᾳ Ἄνυτόν φησι καταδεῖξαι τὸ δεκάζειν τὰ δικαστήρια. — Adde glossas Lex. Bekk. quinti (BA 211,31) Ἄνυτος· οὖτος πρῶτος δικαστήριον κατέδειξεν (lege κατεδέκασεν) et (ib. 236,3) δεκάζειν: τὸ διαφθείρειν τοὺς δικαστὰς ἢ ἐκκλησίας τοῖς. (lege ἐκκλησιαστὰς) χρήμασι καὶ δώροισ. ἐκλήθη δὲ τὸ πρᾶγμα οὓτως, ἐπεὶ κατὰ δέκα συναθροιζόμενοι ἐλάμβανον τὰ δῶρα. πρῶτος δ’ ἐδόκει δεκάσαι Μέλης (sic!) τὰς εὐθύνας διδοὺς τῆς ὲν Πύλῳ στρατηγίας, ἣν κακῶς ἐστρατήγησεν, quae glossa exscripta est [ex Photio] ab Etym. gen. (unde Symeo et Et..M. 254,28) δεκάζειν: διαφθείρειν τοὺς δικάζοντας ἢ τοὺς ἐκκλησιαστὰς χρήμασι καὶ δώροις. ἐκλήθη δὲ ἀπὸ τοῦ κατὰ δέκα ἀθροιζομένους λαυβάνειν τὰ δῶρα. πρῶτον δὲ φασι δεκάσαι Μέλητα . . . . . ἐκ τοῦ ῥητορικοῦ. Schol. Aeschin I 87 ἐδέκαζεν οὖν διέφθειρεν ἀργυρίῳ τοὺς δικαστάς. ἢρξατο δὲ τοῦ τοιουτου πρῶτος Ἄνυτος.

Aristotle Constitution of the Athenians 27

ed. Frederic G. Kenyon

Search the Perseus Catalog for:

Current edition First1KGreek

Notes on the current edition

Stable identifiers