Gallieni Duo 2

1 Ergo Macrianus undique auxilia petiit occupatis a se partibus, quas ipse posuerat ¹ ita ut firmaret imperium, deinde bellum ita instruxit ut par esset omnibus, quae contra eum poterant cogitari. ² 2 idem Macrianus Pisonem, unum ex nobilibus ac ³ principibus senatus, ad Achaiam destinavit ob hoc ut Valentem, qui illic proconsulari imperio rem publicam 3 gubernabat, opprimeret. sed Valens, comperto quod Piso contra se veniret, sumpsit imperium. Piso igitur ^{4 5 6 7} 4 in Thessaliam se recepit, ubi missis a Valente militibus cum plurimis interfectus est. ipse quoque imperator appellatus cognomento Thessalicus. 5 Et ⁸ Macrianus retento in oriente uno ex filiis, pacatis iam rebus, Asiam primum venit et ⁹ Illyricum 6 petiit, in Illyrico cum Aureoli imperatoris, qui contra Gallienum imperium sumpserat, duce, Domitiano nomine, manum conseruit, unum ex filiis secum 7 habens et triginta milia militum ducens, sed victus est Macrianus cum filio Macriano nomine deditusque omnis exercitus Aureolo imperatori.