Severus 2

1 Iuventam plenam furorum, nonnumquam et criminum 2 habuit, adulterii causam dixit absolutusque est a Iuliano proconsule, cui et in proconsulatu successit et in consulatu collega fuit et in imperio item 3 successit, quaesturam diligenter egit omisso tribunatu ¹ militari, post quaesturam sorte Baeticam accepit atque inde Africam petiit, ut mortuo patre rem 4 domesticam componeret, sed dum in Africa est, ^{2 3} pro Baetica Sardinia ei attributa est, quod Baeticam 5 Mauri populabantur. acta igitur quaestura Sardiniensi 6 legationem proconsulis Africae accepit, in qua legatione cum eum quidam municipum suorum Leptitanus ⁴ praecedentibus fascibus ut antiquum contubernalem ipse plebeius amplexus esset, fustibus eum sub eiusmodi elogio ⁵ praeconis cecidit: Legatum populi Romani homo plebeius temere amplecti noli. 7 ex quo factum ut in vehiculo etiam legati sederent, 8 qui ante pedibus ambulabant. tunc in quadam civitate Africana, cum sollicitus mathematicum consuluissem positaque hora ingentia vidisset astrologus, dixit ei: Tuam non alienam pone genituram. 9 cumque Severus iurasset suam esse, omnia ei dixit quae postea facta sunt.