P. Papinius Statius, Silvae, ed. John Henry Mozley, 4.1

Laeta bis octonis accedit purpura factis

1

Caesaris insignemque aperit Germanicus annum

atque oritur eum sole novo, cum grandibus astris

clarius ipse nitens et primo maior Eoo.

exsultent leges Latiae. gaudete curules,

5

et septemgemino iactantior aethera pulset

Roma iugo. plusque ante alias Evandrius arces

collis ovet: subiere novi Palatia fasces,

et requiem bissenus ¹ honos precibusque receptis

curia Caesareum gaudet vicisse pudorem.

10

ipse etiam immensi reparator maximus aevi

attollit vultus et utroque a limine grates

Ianus agit, quem tu vicina Pace ligatum

omnia iussisti componere bella novique

in leges iurare fori, levat ecce supinas

15

hinc atque inde manus geminaque haec voce profatur:

‘Salve, magne parens mundi, qui saecula mecum

instaurare paras, talem te cernere semper

mense meo tua Roma cupit; sic tempora nasci,

sic annos intrare decet, da gaudia fastis

20

continua: hos umeros multo sinus ambiat ostro

et properata tuae manibus praetexta Minervae,

aspicis ut templis alius nitor, altior aris ⁴

ignis et ipsa meae tepeant tibi sidera brumae?

moribus atque tuis gaudent turmaeque tribusque

25

purpureique patres, lucemque a consule ducit

omnis honos? quid tale. precor, prior annus habebat:

dic age, Roma potens, et mecum, longa Vetustas,

dinumera fastos nec parva exempla recense,

sed quae sola meus dignetur vincere Caesar.

30

ter Latio deciesque tulit labentibus annis

Augustus fasces, sed coepit sero mereri:

tu iuvenis praegressus avos. et quanta recusas,

quanta vetas! flectere tamen precibusque senatus

promittes hunc saepe diem. manet insuper ordo

35

longior, et totidem felix tibi Roma curules

terque quaterque dabit, mecum altera saecula condes,

et tibi longaevi renovabitur ara parentis 2:

mille tropaea feres, tantum permitte ⁵ triumphos:

restat Baetra novis, restat Babylona tributis

40

frenari; nondum gremio Iovis Indica laurus,

nondum Arabes Seresque rogant, nondum omnis honorem

annus habet, cupiuntque decem tua nomina menses.’

Sic Ianus clausoque libens se poste recepit,

tune omnes patuere dei laetoque dederunt

45

signa polo. longamque tibi. dux ⁹ magne, iuventam

annuit atque suos promisit Iuppiter annos.

P. Papinius Statius Silvae 4.1

ed. John Henry Mozley

Search the Perseus Catalog for:

Septimus Decimus Consulatus Imp. Aug. Germanici

Current edition Perseus

Notes on the current edition

Stable identifiers