101 P.L.M.
Foeda est in coitu et brevis voluptas
et taedet Veneris statim peractae.
Non ergo ut pecudes libidinosae
caeci protinus irruamus illuc
(nam languescit amor peritque flamma);
sed sic sic sine fine feriati
et tecum iaceamus osculantes.
Hic nullus labor est ruborque nullus:
hoc iuvit, iuvat et diu iuvabit;
hoc non deficit incipitque semper.
phi0972.phi001p. Petronius. Michael Heseltine (Editor). London. 1913.
Sponsored by Perseus Project, Tufts University.
Funding provided by Tufts University.