[69]
me quidem miseret parietum ipsorum atque tectorum.
quid enim umquam domus illa viderat nisi pudicum, quid
1
nisi ex optimo more et sanctissima disciplina?
fuit enim ille vir, patres conscripti, sicuti scitis, cum foris clarus tum domi admirandus, neque rebus externis magis laudandus quam institutis domesticis.
huius in sedibus
2
pro cubiculis stabula, pro conclavibus popinae
3
sunt.
etsi iam negat.
nolite quaerere; frugi factus est: illam suam
4
suas res sibi habere iussit, ex duodecim tabulis clavis
5
ademit, exegit.
quam porro spectatus civis, quam probatus!
cuius ex omni vita nihil est honestius quam quod cum
6
mima fecit divortium.
Philippicae. M. Tullius Cicero. ed. Albert Curtis Clark. Oxford. 1918.
Sponsored by Perseus Project, Tufts University.
Funding provided by National Endowment For The Humanities (NEH).