[14]
ille exercitum Cn. Domiti, amplissimi viri, suis tectis et copiis sustentavit; ille Ephesum ad eum quem tu ex tuis fidelissimum
1
et probatissimum
2
omnibus delegisti pecuniam misit; ille iterum, ille tertio auctionibus factis pecuniam dedit qua ad bellum uterere
3
; ille corpus suum periculo obiecit, tecumque in acie contra Pharnacem fuit tuumque hostem esse duxit suum.
quae quidem a te in eam partem accepta sunt, Caesar, ut eum amplissimo regis honore et nomine adfeceris.
Pro Rege Deiotaro. M. Tullius Cicero. ed. Albert Curtis Clark. Oxford. 1918.
Sponsored by Perseus Project, Tufts University.
Funding provided by National Endowment For The Humanities (NEH).