M. Tullius Cicero, Pro Q. Ligario, ed. Albert Curtis Clark, 33

Search the Perseus Catalog for:

← Previous Next →

[33] quid de fratribus dicam? noli, Caesar, putare de unius capite nos agere: aut tres Ligarii retinendi in civitate¹ sunt aut tres ex² civitate exterminandi. quodvis³ exsilium his est optatius quam patria, quam domus, quam di penates, illo uno⁴ exsulante. si fraterne, si pie, si cum dolore faciunt, moveant te horum lacrimae, moveat pietas, moveat germanitas; valeat tua vox illa quae vicit. te enim dicere audiebamus nos omnis adversarios putare, nisi qui nobiscum essent; te omnis qui contra te non essent tuos. videsne igitur hunc splendorem omnem⁵, hanc Brocchorum domum, hunc L. Marcium, C. Caesetium, L. Corfidium, hos omnis equites Romanos qui adsunt veste mutata, non solum notos tibi verum etiam probatos viros⁶. atque his irascebamur, hos requirebamus, his non nulli etiam minabantur⁷. conserva igitur tuis suos ut, quem ad modum cetera quae dicta sunt a te, sic hoc verissimum reperiatur.

Pro Q. Ligario. M. Tullius Cicero. ed. Albert Curtis Clark. Oxford. 1918.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Pro Q. Ligario (Latin) (Cicero. M. Tulli Ciceronis Orationes, Vol. 6. Clark, Albert Curtis, editor. Oxford: Clarendon Press, 1918.)

Notes on the current edition

Pro Q. Ligario

1. tibi ante in add. α, ante Lig. β, post Lig. γ

2. e HDE

3. nam quodvis β

4. illo uno α: uno illo βγ

5. omnium β

6. viros tecum fuisse add. αγ: qui tecum fuerunt add. β: del. Nohl e cod. Barberino, ego e coni. ( Anecd. p. xxxv)

7. minabamur β

Commentary

Commentary on Plea for Ligarius (Select Orations of Cicero (Allen and Greenough's Edition). Greenough, James Bradstreet; Kittredge, George Lyman, editors. Boston, London: Ginn & Company, 1897.) focus

quodvis , any whatever (emphatic). 236.28

vox , the expression which follows. 236.29

vicit , i.e. it was this sentiment of Caesar, as opposed to the bloodthirstiness of the Pompeians, that won him the victory in the Civil War.

nos , i.e. the party of Pompey. 236.30

nisi qui , except those who. 237.4

veste mutata , in mourning (see note on p. 236, l. 21 , above). 237.5

tecum fuerunt , on your side, i.e. as holding aloof from the other side. Being neutrals, they had been threatened by the Pompeians. 237.6

non nulli , some of us. 237.7

tuis suos , to your friends their friends.

M. Tullius Cicero Pro Q. Ligario 33

ed. Albert Curtis Clark

Search the Perseus Catalog for:

Current edition Perseus

Notes on the current edition

Commentary

Stable identifiers