M. Tullius Cicero Pro Cn. Plancio 67

ed. Albert Curtis Clark

Search the Perseus Catalog for:

← Previous Next →

[67] eadem igitur, Cassi, via munita Laterensi est, idem virtuti¹ cursus ad gloriam, hoc facilior fortasse quod ego huc a me ortus et per me nixus ascendi, istius² egregia virtus adiuvabitur commendatione maiorum.

sed ut redeam ad Plancium, numquam ex urbe is afuit³ nisi sorte⁴, lege, necessitate; non valuit rebus isdem quibus fortasse non nulli, at valuit adsiduitate⁵, valuit observandis⁶ amicis, valuit liberalitate; fuit in oculis⁷, petivit, ea⁸ est usus ratione vitae⁹ qua minima invidia novi homines plurimi sunt eosdem honores consecuti.

Pro Cn. Plancio. M. Tullius Cicero. ed. Albert Curtis Clark. Oxford. 1911.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Pro Cn. Plancio (Latin) (Cicero. M. Tulli Ciceronis Orationes, Vol. 6. Clark, Albert Curtis, editor. Oxford: Clarendon Press, 1911.)

Notes on the current edition

Pro Cn. Plancio

1. virtuti TE: virtutis cett.

2. istius om. T

3. is afuit Garatoni: isfuit T: abfuit cett.

4. forte bp χϚ

5. valuit ... adsiduitate om. T

6. adservandis TE: servandis cett.: corr. Naugerius (2)

7. fuit in oculis fuit T

8. ea TE: om. cett.

9. vitae TE: om. cett. sunt hoc loco hab. TE, post consec. b 2k χ, om. cett.

Search the Perseus Catalog for:

Search the Perseus Catalog for:

Current edition Perseus

Notes on the current edition

Stable identifiers