M. Tullius Cicero Pro Cn. Plancio 27

[27] 11 vitia me hercule Cn. Planci res eae ¹ de quibus dixi tegere ² potuerunt, ne tu in ea vita de qua iam dicam tot et tanta adiumenta huic honori fuisse mirere. hic est ³ enim qui adulescentulus cum A. Torquato profectus in Africam sic ab illo gravissimo et ⁴ sanctissimo atque omni laude et honore dignissimo viro dilectus ⁵ est ut et contuberni necessitudo et adulescentis ⁶ modestissimi pudor postulabat, quod ⁷ , si adesset, non minus ille declararet quam hic illius frater patruelis et socer, T. Torquatus, omni illi ⁸ et virtute ⁹ et laude par, qui est quidem cum illo maximis vinclis ¹⁰ et propinquitatis ¹¹ et adfinitatis coniunctus, sed ita magnis ¹² amoris ut illae necessitudinis causae leves esse videantur. fuit in Creta postea contubernalis Saturnini, propinqui sui, miles huius Q. Metelli; cui ¹³ cum fuerit probatissimus hodieque sit, omnibus esse se ¹⁴ probatum sperare debet ¹⁵ . in ea provincia legatus fuit C. Sacerdos, qua virtute, qua constantia vir! L. Flaccus, qui homo, qui civis! qualem ¹⁶ hunc putent, adsiduitate testimonioque declarant.