M. Tullius Cicero Pro L. Cornelio Balbo 15

ed. William Peterson

Search the Perseus Catalog for:

← Previous Next →

[15] equidem contra existimo, iudices, cum in omni genere ac varietate artium, etiam illarum quae sine summo otio non facile discuntur, Cn. Pompeius excellat, singularem quandam laudem et¹ praestabilem eius² esse scientiam in foederibus, pactionibus, condicionibus populorum, regum, exterarum nationum, in universo denique belli iure atque pacis; nisi forte ea quae nos libri docent in umbra atque otio, ea Cn. Pompeium neque cum requiesceret litterae, neque cum rem gereret regiones ipsae docere potuerunt.

atque, ut ego sentio, iudices, causa dicta est. temporum magis ego nunc vitiis quam³ genere iudici⁴ plura dicam; est enim haec saeculi quaedam macula atque labes, virtuti invidere, velle ipsum florem dignitatis infringere. etenim si Pompeius⁵ abhinc annos quingentos fuisset,

Pro L. Cornelio Balbo. M. Tullius Cicero. ed. William Peterson. Oxford. 1909.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Pro L. Cornelio Balbo (Latin) (Cicero. M. Tulli Ciceronis Orationes, Vol. 5. Peterson, William, editor. Oxford: Clarendon Press, 1909.)

Notes on the current edition

Pro L. Cornelio Balbo

1. et codd.: suam et b: eius et ed. Hervag.: eius Bait.

2. eius hic addidi (suam c)

3. vitiis quam Baiter: vitiis (ut iis P, ut his BH) inquam codd. (§ 9): vitio quam Madv.

4. Num iudici ⟨inductus⟩?

5. Cn. Pompeius HGEb Ϛ

Search the Perseus Catalog for:

Search the Perseus Catalog for:

Current edition Perseus

Notes on the current edition

Stable identifiers