M. Tullius Cicero Pro L. Cornelio Balbo 14

ed. William Peterson

Search the Perseus Catalog for:

← Previous Next →

[14] 6 gratificatur mihi gestu accusator: inscientem Cn. Pompeium fecisse significat,—quasi vero levius¹ sit, cum in tanta re publica versere et maximis negotiis praesis, facere aliquid quod scias non licere, quam² omnino non scire³ quid liceat! etenim utrum qui in⁴ Hispania bellum acerrimum et maximum gesserat quo iure Gaditana civitas esse nesciebat, an, cum ius⁵ illius populi nosset, interpretationem foederis non tenebat? id igitur quisquam Cn. Pompeium ignorasse dicere audebit quod mediocres homines, quod nullo usu, nullo studio praediti militari, quod librarioli denique scire se⁶ profiteantur?

Pro L. Cornelio Balbo. M. Tullius Cicero. ed. William Peterson. Oxford. 1909.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Pro L. Cornelio Balbo (Latin) (Cicero. M. Tulli Ciceronis Orationes, Vol. 5. Peterson, William, editor. Oxford: Clarendon Press, 1909.)

Notes on the current edition

Pro L. Cornelio Balbo

1. levius codd. ( Cl. Qu. iv. 176): non levius om. vero b, et ita Lamb. (peius, nequius, turpius et similia edd.)

2. quam Pantagathus: an codd. praeter G 2 (aut)

3. nescire Hbk ed. R

4. qui in suppl. Lamb. (etenim cum in Hk et mg. Σ)

5. cum ius Madv.: cuius PB: cui GE (cuius linguam populi non nosset Hbk ed. R.)

6. se ante scire add. Lamb.: post scire Zielinsk.: abesse malit Reid

Search the Perseus Catalog for:

Search the Perseus Catalog for:

Current edition Perseus

Notes on the current edition

Stable identifiers