Suda Suidae lexicon 3.Λ.8

[8] 8 Λάβραξ: εἶδοϲ ἰχθύοϲ. καὶ παροιμία· λάβρακαϲ Μιληϲίουϲ. τὴν ¹ δὲ προϲηγορίαν πεποίηται, διότι κέχηνεν αὐτοῦ τὸ ϲτόμα, καὶ ἀθρόωϲ
καὶ λάβρωϲ τὸ δέλεαρ καταπίνει· ὅθεν καὶ εὐχερῶϲ ἁλίϲκεται. ἐν Μιλήτῳ δὲ τῆϲ Ἀϲίαϲ μέγιϲτοι γίνονται λάβρακεϲ καὶ πλεῖϲτοι. Μίλητοϲ δὲ πόλιϲ Ἀϲίαϲ, ἔνθα πολλοὶ γίνονται λάβρακεϲ, διὰ τὴν ἐκδιδοῦϲα λίμνην εἰϲ θάλαϲϲαν. χαίροντεϲ γὰρ οἱ ἰχθύεϲ τῷ γλυκεῖ ὕδατι εἰϲ τὴν λίμνην ἀνατρέχουϲιν ἐκ τῆϲ θαλάϲϲηϲ καὶ οὕτω πληθύνουϲι
παρὰ Μιληϲίοιϲ.