Suda Suidae lexicon 3.Κ.2804

2804 Κυψελιδῶν ἀνάθημα ἐν Ὀλυμπίᾳ: Πλάτων ἐν Φαίδρῳ. ¹ παρὰ τὸ Κυψελιδῶν ἀνάθημα ϲφυρήματοϲ ἐν Ὀλυμπίᾳ ἑϲτάθη κολοϲϲόϲ· ἀλλ’ οὐ τῶν Κυψελιδῶν. Κυψέλου δέ φαϲι τὸ ἀνάθημα, ὡϲ Ἀγακλυτὸϲ ἐν τῇ π’ Ὀλυμπιάδι φηϲὶν οὕτωϲ· ναὸϲ τῆϲ Ἡραϲ παλαιόϲ, ἀνάθημα Σκιλλουντίων· οὗτοι δέ εἰϲιν Ἤλείων. ἔνεϲτι δὲ ἐν ^{2 3 4} αὐτῷ χρυϲοῦϲ κολοϲϲόϲ, ἀνάθημα Κυψέλου τοῦ Κορινθίου· φαϲὶ γὰρ τὸ Κύψελον εὐξάμενον, εἰ Κορινθίων τυραννεύϲειε, τὰϲ οὐϲίαϲ πάντων εἰϲ δέκατον ἔτοϲ ἀνιερώϲειν, τὰϲ δεκάταϲ τῶν τιμημάτων εἰϲπραξάεμενον καταϲκευάϲαι τὸν ϲφυρήλατον κολοϲϲόν. Δίδυμοϲ δὲ καταϲκευάϲαι τὸν κολοϲϲὸν φηϲὶ Περίανδρον ὑπὲρ τοῦ τῆϲ τρυφῆϲ καὶ τοῦ
θράϲουϲ ἐπιϲχεῖν τοὺϲ Κορινθίουϲ. καὶ γὰρ Θεόφραϲτοϲ ἐν τῷ Περὶ καιρῶ β΄ λέγει οὕτωϲ· ἕτεροι δ’ εἰϲ ἀνδρωδέϲτερα καταδαπανῶντεϲ, οἷο ϲτρατιὰϲ ἐξάγοντεϲ καὶ πολέμουϲ ἐπαναιρούμενοι, καθάπερ καὶ Διονύϲιοϲ ὁ τύραννοϲ. ἐκεῖνοϲ γὰρ οὐ μόνον ᾤετο δεῖν τὰ τῶν ἄλλων καταναλίϲκειν, ἀλλὰ καὶ τὰ αὐτοῦ, πρὸϲ τὸ μὴ ὑπάρχειν
ἐφόδιον τοῖϲ ἐπιβουλεύουϲιν. ἐοίκαϲι δὲ καὶ αἱ πυραμίδεϲ ἐν Αἰγύπτῳ καὶ ὁ τῶν Κυψελιδῶν κολοϲϲὸϲ καὶ πάντα τὰ τοιαῦτα τὴν αὐτὴν καὶ παραπληϲία ἔχειν διάνοιαν. φέρεται δέ τι καὶ ἐπίγραμμα τοῦ κολοϲϲοῦ· αὐτὸϲ ἐγὼ χρυϲοῦϲ ϲφυρήλατόϲ εἰμι κολοϲϲόϲ· ἐξώληϲ εἴη Κυψελιδῶν γενεά. ὅπερ Ἀπελλᾶϲ ὁ Ποντικὸϲ οὕτω ποοφέρεται· εἰμὶ ἐγὼ
Νάξιοϲ, παγχρύϲεοϲ εἰμὶ κολοϲϲόϲ· ἐξώληϲ εἴη Κυψελιδῶν γενεά.