Scholia in Pindarum, Scholia in Pindarum Olympian Odes, ed. A. B. Drachmann, 4.3

τεαὶ γὰρ ὧραι: αἱ γὰρ ὧραι ἑλίσσουσαι, τουτέστι περικυκλοῦσαι ἔπεμψάν με.

Διὸς δὲ ὥρας τὰς Ὀλυμπιάδας νῦν λέγει.

Ζεῦ, τεαὶ γὰρ ὧραι: τὸ ἑξῆς· Ζεῦ, τεαὶ γὰρ ὧραι ἑλισσόμεναί με ἔπεμψαν ὑψηλοτάτων μάρτυρ᾿ ἀέθλων, ³ ὑπὸ ποικιλοφόρμιγγος ἀοιδᾶς.

ἵν᾿ ᾖ, αἱ γὰρ σαὶ ὧραι τῶν ἐνιαυτῶν ἔπεμψαν. Ὅμηρος (Β 551) · περιτελλομένων ἐνιαυτῶν.

μάρτυρα δὲ ἀντὶ τοῦ ὑμνητήν· διὰ γὰρ τῶν ποιημάτων καὶ ὕμνων ἐκδηλότεροι οἱ νικῶντες καὶ ἀίδιος ἡ μαρτυρία.

τὸ δὲ, ὑπὸ ποικιλοφόρμιγγος ἀοιδᾶς, τῇ ὑπό ἀντὶ τῆς μετά κέχρηται· ἵν᾿ ᾖ, μετὰ ποικιλοφορμίγγων ᾠδῶν | ἔπεμψάν με αἱ τεαὶ ὧραι.

ποικιλοφόρμιγγα δὲ εἷπεν, ⁴ ἐπειδὴ σὺν μουσικοῖς ὀργάνοις, αὐλῷ τε καὶ κιθάρᾳ, ᾖδον.

τῇ δὲ ὑπό ἀντὶ τῆς μετά καὶ Ὅμηρος κέχρηται (Σ 492) · δαΐδων ὑπὸ λαμπομενάων· ἀντὶ τοῦ μετὰ δαΐδων.

Διὸς ὥρας τὰς Ὀλυμπιάδας λέγει. ⁵ k. περισσὸς δὲ ὁ γάρ σύνδεσμος. ⁶

Scholia in Pindarum Scholia in Pindarum Olympian Odes 4.3