Eusebius, Praeparatio Evangelica, ed. Wilhelm Dindorf, 9.29.16

[16]

κράτιστε Μωσῆ, πρόσχες, οἷον εὕρομεν

τόπον πρὸς αὐτῇ τῇδέ γ’ εὐαεῖ νάπῃ.

446

ἔστιν γὰρ, ὡς που καὶ σὺ τυγχάνεις ὄρων,

ἐκεῖ. τόθεν δὲ φέγγος ἐξέλαμψέ νιν,

κατ’ εὐφρόνην σημεῖον ὡς στῦλος πυρός.

ἐνταῦθα λειμῶν’ εὕρομεν κατάσκιον,

ὑγράς τε λιβάδας · δαψιλὴς χῶρος βαθὺς,

πηγὰς ἀφύσσων δώδεκ’ ἐκ μιᾶς πέτρας ·

στελέχη δ’ ἐρυμνὰ πολλὰ φοινίκων πέλει

ἔγκαρπα, δεκάκις ἑπτὰ, καὶ ἐπίρρυτος

πέφυκε χλοίη θρέμμασιν χορτάσματα.

εἶτα ὑποβὰς περὶ τοῦ φανέντος ὀρνέου διεξέρχεται

ἕτερον δὲ πρὸς τοῖσδ’ εἴδομεν ζῷον ξένον,

θαυμαστὸν, οἷον οὐδέπω ὥρακέ τις.

διπλοῦν γὰρ ἤν τὸ μῆκος ἀετοῦ σχεδὸν,

πτεροῖσι ποικίλοισιν ἠδὲ χρώμασι.

στῆθος μὲν αὐτοῦ πορφυροῦν ἐφαίνετο,

σκέλη δὲ μιλτόχρωτα, καὶ κατ’ αὐχένα

κροκωτίνοις μαλλοῖσιν εὐτρεπίζετο.

κάρα δὲ κοττοῖς ἡμέροις παρεμφερὲς,

καὶ μηλίνῃ μὲν τῇ κόρῃ προσέβλεπε

κύκλῳ· κόρη δὲ κόκκος ὡς ἐφαίνετο·

φωνὴν δὲ πάντων εἶχεν ἐκπρεπεστάτην.

βασκλεὺς δὲ πάντων ὀρνέων ἐφαίνετο,

ως ἠν νοῆσαι. πάντα γὰρ τὰ πτήν’ ὁμοῦ

ὄπισθεν αὐτοῦ δειλιῶντ’ ἐπέσσυτο,

αὐτὸς δὲ πρόσθεν, ταῦρος ὣς γαυρούμενος,

ἔβαινε κραιπνὸν βῆμα βαστάζων ποδός.’

καὶ μετὰ βραχέα

‘‘ Ἐπιζητεῖν δέ τινα πῶς οἱ Ἰσραηλῖται ὅπλα ἔσχον ἄνοπλοι ἐξελθόντες. ἔφασαν γὰρ τριῶν ἡμερῶν ὁδὸν
ἐξελθόντας καὶ θυσιάσαντας πάλιν ἀνακάμψειν. φαίνεται οὖν τοὺς μὴ κατακλυσθέντας τοῖς ἐκείνων ὅπλοις χρήσασθαι.’

Eusebius Praeparatio Evangelica 9.29.16

ed. Wilhelm Dindorf

Search the Perseus Catalog for:

Current edition First1KGreek

Stable identifiers