Adamantius, Physiognomonica (epitome Matritensis), ed. Richard Foerster, 2

Search the Perseus Catalog for:

← Previous

[14] Εὐνούχοις τοῖς ἐκ φύσεως κακίας σημεῖά ἐστι κἀκείνοις ἢ ἄλλοις ἀνθρώποις καὶ ὡς τὸ πολύ εἰσιν ¹ Matr. οὗτοι ὠμόφρονες, δολεροί τε καὶ κακοῦργοι, ἕτεροι δὲ ἑτέρων μᾶλλον. τῶν δὲ 〈τομιῶν〉 εὐνούχων μεταβάλλει ἅμα τῇ τομῇ σημεῖα, τὸ δὲ πλέον τῆς συγγενοῦς φύσεως ἐμμένει.

[15] Όνυχες πλατεῖς λευκοὶ ὑπόξανθοι εὐφυεῖς ἄνδρας
δηλοῦσιν, οἱ δὲ στενοὶ καὶ προμήκεις καὶ κυρτοὶ ἀναισθήτους ² Matr. καὶ θηριώδεις, οἱ δὲ σκολιοὶ [ καὶ] σφόδρα ἅρπαγας ἄν- δρας, οἱ δὲ προσφυεῖς τῇ σαρκὶ ἐπὶ πλεῖον ἅρπαγας ἄνδρας καὶ ἀναισθήτους καὶ θηριώδεις. μικροὶ πάνυ ὄνυχες πανουργίας
σημεῖον· ὁμοίως δὲ καὶ ὠχροὶ καὶ μέλανες καὶ τραχεῖς. οἱ δὲ στρογγύλοι πάνυ μοιχῶν σημεῖον· ὡς προείρηται μέντοι, ³ Matr. οὐδὲ τῶν ἄλλων τὰ πολλὰ ἀξιόλογα, εἰ [μὴ] μόνον τις καθʼ ἕκαστον ἐφʼ ἑαυτοῦ σκοπήσει, μάλιστα δὲ ὄνυχες.

[16] Οἱ δακύλους ἔχοντες συμφυεῖς ὑώδεις τουτέστι χοι- ρώδεις καὶ μιαροί· οἱ συνεσταλμένους ἔχοντες πανοῦργοι,
κακοήθεις, φιλοχρήματοι. μικροὶ δὲ πάνυ ὄντες καὶ λεπτοὶ ἀνοητοτέρους δηλοῦσιν ἄνδρας. δάκτυλοι παχεῖς κολοβοὶ ⁴ Matr. τολμητικὸν καὶ ἀπρονόητον καὶ θηριώδη ἄνδρα δηλοῦσι, καὶ οἱ πολὺ δὲ μακροὶ καὶ λεπτοὶ ἀνοητοτέρους, χαυνοτέρους, φλυαροτέρους σημαίνουσιν, οἱ δὲ εὐμεγέθεις καὶ εὐειδεῖς
δακτύλους ἔχοντες ἄριστοι οὗτοι ἄνδρες.

[17] Πόδες νευρώδεις ἀρθρώδεις γενναῖα ἤθη ἀνδρὸς σημαίνουσι καὶ ἀνδρείαν, ἀπαλοὶ δὲ πόδες καὶ σαρκωδέστεροι τοιαῦτα καὶ τὰ ἤθη παρέχουσι τουτέστιν ἁπαλὰ καὶ ἐν παντὶ ⁵ Matr. συνερχομένους τοὺς τοιούτους σημαίνουσιν ἄνδρας. πόδες κολοβοὶ καὶ παχεῖς θηριώδους ψυχῆς [σημείων] σημαντικοί· οἱ δὲ μακροὶ πάνυ πολυπράγμονος ἢ κακομηχάνου εἰσὶν ἀνδρός, μικροὶ δὲ πόδες καὶ λεπτοὶ πανοῦργον ἄνδρα ση-
μαίνουσι τὸν κεκτημένον. πόδες κυρτοὶ ἢ [ οἱ ] κάτωθεν κοῖλοι κακοί· ὁμοίως καὶ οἱ τὰ κάτω ὁμαλὰ ἔχοντες καὶ ὡς τοῖς σφυροῖς βαίνοντες πανούργους δηλοῦσι τοὺς κεκτημένους.

⁶

[18] Σφυρὰ διηκριβωμένα στερεὰ γενναῖον ἄνδρα ἐπαγγέλλουσι, τὰ δὲ μαλακὰ καὶ λεῖα ἀνανδροτέρου, λεπτὰ δὲ πάνυ δολίου καὶ ἀκολάστου σημεῖα. παχέα δὲ σφυρὰ καὶ
πτέρναι τραχεῖαι καὶ πόδες σαρκώδεις καὶ κολοβοὶ δάκτυλοι κνῆμαί τε παχεῖαι ἐξηχοῦντας ποιοῦσιν ὧς ἐπὶ τὸ πλεῖστον ἢ δαιμονίζοντας.

⁷

[19] Κνῆνμαι εὐμεγέθεις διηρθρωμέναι στερεαὶ [καὶ] γενναίους ἄνδρας καὶ εὐφυεῖς σημαίνουσιν· ἁπαλαὶ μέν, ἄν- αρθροι δὲ δειλότερον καὶ ἀνανδρότερον εἶναι τὸν ἄνδρα
δηλοῦσιν· αἱ λεπταὶ πάνυ 〈 δειλὸν καὶ〉 κακοήθη ἄνδρα δη- λοῦσιν· αἱ δὲ πρὸς τοῦτο νευρώδεις ἀκολασίας πολλῆς μέτοχον δηλοῦσιν. ὅσαι δὲ τῶν κνημῶν πλήρεις εἰσὶν εἰς τὸ μέσον παχεῖς οὖσαι, βδελυροὺς καὶ ἀσώτους καὶ ἀναιδεῖς σημαί- ⁸ Matr. νουσιν· ὡς τὸ πολὺ δὲ κνημῶν καὶ πτερνῶν παχύτης δουλοπρεπῆ ἄνδρα καὶ ἀμαθῆ δηλοῖ. ὁμοίως ταῖς κνήμαις καὶ τοῖς μηροῖς λέγε.

[20] Οἱ τὰ γόνατα ἔσω νεύοντες ὥστε συγκροτεῖν γυναι- κεῖοι, λεπτὰ δὲ ὀλιγόσαρκα ῥικνά, ὥσπερ ἐκτετηκότα, παν- οῦργον ἄνδρα δηλοῦσι· τοιαῦτα γὰρ καὶ 〈 τὰ〉 τῶν πιθήκων.

⁹

[21] Δῆλον ἀπὸ τῶν προλεγομένων, σημαίνει ἡ μέλαινα χροιὰ 〈δειλίαν〉 καὶ πολυμηχανίαν ἔχειν τὸν ἄνδρα, ἡ δὲ λευκὴ καὶ ὑπόξανθος ἀλκὴν καὶ θυμὸν λέγει, τὸ δὲ πάνυ λευκὸν ἄκρατον εἰς ἀνανδρίαν φέρει, πυρρὸν δὲ τὸ
¹⁰ Matr. σῶμα πᾶν δολερίαν καὶ πολυτροπίαν τοῦ ἀνδρὸς ση- μαίνει. χροιὰ δὲ ἀνατετραμμένη ὑπόχλωρος δειλίαν ἄμα καὶ κακομηχανίαν δηλοῖ, εἰ μὴ ὑπὸ νόσου γενόμενον. τὸ δὲ μελί-
χλωρον καλούμενον χρῶμα δειλόν, γαστρίμαργον, λάλον, ὀργί- λον, γλωσσαλγῆ, τὸ δὲ φλογοειδὲς χρῶμα ἐμμανές ἐστι· τὸ δὲ ¹¹ Matr. πράως ἐρυθρὸν εὐφυές ἐστιν, εὐμαθές, ὀξυκίνητον.

[22] ταῦτα μὲν περὶ παντὸς τοῦ σώματος· κατὰ μέρος 〈δὲ〉 τὰ στέρνα ὑπερυθριῶντα ζέειν ἔνδον τὴν ὀργὴν ἀγγέλλει, ὥσπερ τὰς τῶν αὐχένων φλέβας καὶ τὰς ἐν τοῖς κροτάφοις δεῖ σκοπεῖν.

¹²

[23] Πρόσωπα τὴν χροιὰν αὐτὰ καθʼ ἑαυτὰ ἐρυθρὰ τραχεῖς ἄνδρας δηλοῖ· εἰ δὲ μόναι αἱ παρειαὶ τοιαῦται εἶεν, οἰνόφλυγας εἶναι τοὺς ἄνδρας σκόπει.

[24] Περὶ δὲ τῶν ἐν ὀφθαλμοῖς χροιῶν εἴρηται μὲν πρόσθεν, λεχθήσεται δὲ καὶ ὧδε ὅσα ἡ χρεία ἀπαιτεῖ. ὅσοι ὀφθαλμοὶ ὑποφοινίσσουσιν εἰ μὲν ἅμα ξηρότητι, ὀργίλους ¹³ Matr. τοὺς ἀνθρώπους δηλοῦσιν, εἰ δʼ ἅμα ὑγρότητι, σημαί- νουσιν οἰνόφλυγας. γλαυκότης ἐν ὀφθαλμοῖς ἀγριώτερον ἄνδρα εἶναι λέγει· γλαυκὰ γὰρ τῶν ἀγρίων ζώων τὰ πλείονα ὑπ-
άρχει, τὰ δὲ ἥμερα μελανόμματά πως εὑρήσεις. τῶν δὲ γλαυκῶν τὸ μὲν λίαν λευκὸν δειλόν, τὸ δὲ χολῶδες ἄγριον ἄνδρα δηλοῖ· τὸ δὲ ταῖς ἐλαίαις τὴν χροιὰν ὅμοιον δυνατὸν ἄνδρα σημαίνει. τοῦ γε μὴν μέλανος τὸ μὲν πάνυ μέλαν ¹⁴ Matr. δειλόν τε καὶ δολερόν, τὸ δὲ ὑπόξανθον ἰσχυρόν τε καὶ
μεγαλόψυχον ἄνδρα δηλοῖ. τὰ μαρμαρύσσοντα ὄμματα ματαίους ἄνδρας δηλοῖ, ὠχρὰ δὲ ὄμματα καὶ ἀλλοχροίας ἔχοντα χαί- ροντα ἄνδρα καὶ ὑπονοούμενον εἰς κλεψοσύνας τὸν τοιοῦτον σημαίνει· στίλβοντες ὀφθαλμοὶ ἀφροδισιαστικοὺς καὶ δειλοὺς δηλοῦσιν.

¹⁵

[25] Ἄνδρα οὐλότριχα πάνυ δειλὸν καὶ κερδαλέον εἶναι λέγε χωρὶς πάσης ἀντιλογίας, τὸν δὲ εὐθύτριχα ἀγριώτερον καὶ ἀνοητότερον. ἀρίστη δὲ κόμη ἡ τὸ μέσον τούτων ἔχουσα. πυκνότης τριχῶν ἄκρως θηριώδη ἄνδρα σημαίνει· οὕτω γὰρ καὶ τῶν θηρίων . . . . . . . . τὸ δὲ τῶν τριχῶν μέσον ἐπαινε-
¹⁶ Matr. τόν. μαλακαῖς δὲ πάνυ θριξὶ τετριχῶσθαι γυναικεῖον· οὐ μέντοι γυπὸς τὸ ἦθος ἔχουσι. σκληραὶ τρίχες ἀγαθαί· ἀγριό-
τητος γὰρ τὸ τοιοῦτον σημεῖόν ἐστι. μέλαινα κόνμη δειλίαν καὶ πολυκερδίαν δηλοῖ, ἡ δὲ ἄγαν ξανθὴ καὶ ὑπόλευκος, ὁποία Σκυθῶν καὶ Κελτῶν, ἀμάθειαν καὶ σκαιότητα καὶ ἀγριότητα παριστᾷ, τὸ δὲ πράως ὑπόξανθον εἰς εὐμαθίαν καὶ ἡμερότητα καὶ εὐτυχίαν τείνει. πυρρότης δὲ ἄκρατος ¹⁷ Matr. ὡς τὸ ῥοιᾶς ἄνθος οὐκ ἀγαθῶν ἀνδρῶν τουτὶ τὸ ση- μεῖον. ὡς ἐπὶ πλεῖστον γὰρ αὐτῶν εἰσι τὰ ἤθη θηριώδη. σκέλη τετριχωμένα πάνυ θριξὶ πυκναῖς καὶ μεγάλαις δυσμάθειαν
καὶ ἀγριότητα σημαίνει· ὅσοις δὲ ὀσφύες καὶ μηροὶ χωρὶς τῶν ἄλλων μερῶν πολύτριχές εἰσι, λάγνοι οὗτοι οἱ ἄνδρες 〈καὶ〉 μοιχοί. γαστέρα καὶ στήθη ἐπὶ πολὺ κομῶντα ἰδὼν ¹⁸ Μatr. κουφόνυν καὶ ἀλλοπρόσαλλον καὶ ἀσελγῆ λέγε τὸν τοι- οῦτον εἶναι ἄνδρα. στέρνα δὲ αὐτὰ καθʼ ἑαυτὰ τετριχωμένα θριξὶ δασείαις θερμοβούλους, εὐψύχους ἄνδρας σημαίνει. ὤμους
δὲ καὶ μετάφρενα τετριχῶσθαι παρομοίους δηλοῖ τοῖς ὄρνι- σιν ἐν ταῖς ψυχαῖς· ὑψηλὰ γὰρ νοήματα καὶ σταθηρὰ δεί- κνυται αὐτῶν τὰ βουλεύματα. τὸ δὲ πᾶν σῶμα σύντριχον πυκνῶς βοώδη τὸν ἄνδρα δηλοῖ ἐν τοῖς νοήμασιν αὐτοῦ. ¹⁹ Matr. τοῦ δὲ αὐχένος τοῦ πρὸς τῇ κεφαλῇ δασέος ὄντος δυ- νατὸν καὶ εὔψυχον τὸν ἄνδρα νόει. καὶ τοῦ μετώπου δὲ εἰς τὸ μέσον ἐπιβαίνοντος ἡ χαίτη δὲ ἑκατέρωθεν ὑποχωρεῖ, μεγα- λοψυχίας καὶ πλήρη δυνάμεως δείκνυσι. τρίχες δὲ ὀρθαὶ
ἑστῶσαι δειλίαν καὶ κακομηχανίαν τοῦ ἀνδρὸς κατηγοροῦσιν. ὅσοις τῶν ὀφρύων τὰ μὲν πρὸς τὴν ῥῖνα κάτω νεύει, τὰ ²⁰
Matr. δὲ ἐφʼ ἑκάτερα εἰς τοὺς κροτάφους χωρεῖ, τούτους τοῖς χοίροις εἴκαζε· τοιοῦτοι γὰρ καὶ τῇ γνώμῃ καὶ τῇ ψυχῇ. οἱ δὲ σφόδρα συνόφρυες ἀνιαροί· πρέπει γὰρ αὐτοῖς ἡ λύπη.

²¹

[26] Οἱ μακρὰ βαίνοντές εἰσι τελεστικοὶ παντὸς
πράγματος, μεγαλόνοοι· οἱ μικρὰ βαίνοντες ἄπρακτοι, πικροὶ καὶ ... ... ... λαθραῖα βουλευόμενοι· οἱ δὲ ταχυκίνητοι ἅμα μὲν ὀρθότητι καὶ λαμπρότητι εἴδους θερμόβουλον, ἐπιχειρητήν, οὐ δράστην σημαίνει. .... .... ἅμα δὲ κινήσει ταχείᾳ τά- ²² Matr. ραχος ἐν ὀφθαλμοῖς καὶ κεφαλῆς ἀστασία καὶ ἆσθμα ταῦτα εἴδη κακορέκτου καὶ μεγαλορέκτου καὶ φευκτοῦ ἀνδρός.
ὁ δὲ ταχὺ μέν, μικρὰ 〈δὲ〉 βαίνων φιλοκερδής, κακοῦργος, δειλίας εἰς ἄκρον μεστός. σχολαία βάσις εἰ μὲν αὐτοφυής, νωθε- στέρα καὶ βαθυγνώμονα σημαίνει τὸν ἄνδρα, πραεῖα δέ, εἰ μὴ ἀντιλέγοι τὰ μείζω σημεῖα. εἰ δὲ ἑκὼν βραδύνει, ἐφιστά- μενος δὲ ἐν ταῖς ὁδοῖς περιβλέπει, ὑψαύχενα ἤθη αὐτῶν
καὶ ὑβριστὰς καὶ ὑπερηφάνους καὶ μοιχικοὺς δηλοῖ.

[27] χεῖρας ²³ Matr. δὲ καὶ πόδας καλόν ἐστι κατὰ ταὐτὸν πάντη ἔχειν φορᾶς τε καὶ κινήσεως. ὁ δὲ ἐν τοῖς ὤμοις ὑποκινούμενος καὶ ἅμα πράως κεκυφὼς μεγαλονοίας καὶ ἀνδρείας καλῶς μέτοχος. ὁ δὲ ἐν τοῖς ὤμοις ὑποκινούμενος, ὀρθὸς δὲ ὢν καὶ ὑψαυ-
χενῶν ἀπειθὴς καὶ αὐθάδης καὶ ὑβριστής, ὡς γὰρ ταὐτὸ βαίνει καὶ ἵππος. καὶ τὰ λοιπὰ δὲ ὁμοίως ἀπὸ τούτων συμ- βαλεῖν 〈ἂν〉 δύναιο. οἱ δὲ παντὶ τῷ σώματι κινούμενοι ὁμοῦ τε καὶ καθʼ ἕκαστον τῶν μελῶν ἀνδρόγυνοί εἰσι. τοῦτο γὰρ ἄντικρυς γυναικεῖον. ἀνδρόγυνοι δὲ καὶ οἱ κλίνοντες
ἑαυτοὺς εἰς τὰ δεξιὰ ἐν τῇ κινήσει. οἱ δὲ εἰς τὰ ἀριστερὰ ²⁴ Matr. ἀποκλίνοντες ἀνοητότεροι ὑπάρχουσιν. ὅσοι δὲ κατα- κλῶσιν ἑαυτοὺς ἐγκλίνοντες, κόλακές εἰσιν.

[28] Πνεῦμα τὸ ἀεὶ ἀτρεμοῦν, ὡς ἄπνοον ἐοικέναι, φρον- τιστοῦ ἀνδρός. ποταπὴ δὲ ἡ φροντίς, παρὰ τῶν ὀφθαλμῶν τὸ ἀκριβὲς δεῖ ἐκμανθάνειν καὶ οὐκ ἀγνοεῖν. εἰ δὲ ἀτρενμὲς ὂν ἐπὶ πολὺ ἀθρόως λαλοῦντος φαίνοιτο ὥσπερ καὶ παλιρ- ²⁵ Matr. ροίας καὶ πλημμυρίδος, λύπῃ τινὶ συνέχεται. εἰ δὲ κεφαλὴν ἐπικινῶν ἅμα ἐπιστενάζει, μετανοεῖν ἔοικε κακόν τι ποιήσας ἢ ἰδών. ἐὰν δεδορκὼς τοῖς ὀφθαλμοῖς, ταῦτα προβουλεύει κακὰ μᾶλλον ἢ μετανοεῖ. πνεῦμα ἰὸν σχολῇ καὶ ἀκτύπως
χωροῦν γνώμην καλῶς ἔχειν δηλοῖ. ὅταν δὲ ὑποβρύχῃ καὶ μέγα ἀναπνέῃ, ἀγριότητα καὶ οἰνοφλυγίαν κατηγορεῖ. οἱ δὲ ²⁶ Matr. ἀσθματίαι, ὁπόσοις καθάπερ ἐκ δρόμου τὸ πνεῦμα ἐλαύνεται, ἄβουλοι, κακόθυμοι . . . . παντολόγοι. ταῖς
ῥισὶν ἐμπνέοντες δειλοί εἰσιν καὶ ἀθυμοῦντες· γίνονται δὲ καὶ ἀνδρόγυνοι, ὅταν τὰ ἄλλα σημεῖα τούτοις συμμαρτυρῇ.

²⁷

[29] Φθέγγεσθαι βαρὺ πάνυ καὶ σαθρὸν ἀνόητον καὶ ὑβριστὴν δηλοῖ καὶ γαστρίνμαργον. ἠχὴ δὲ κακοηχεστέρα καὶ βληχωδεστέρα ἀναίσθητον ἄνδρα δηλοῖ. ὅσοις δὲ ἀπὸ βαρέος ἀρξαμένοις φθόγγου εἰς ὀξὺ τελευτᾷ, ὀδύρται καὶ δύσθυμοι ὑπάρχουσιν οἱ τοιοῦτοι. ὀξὺ δὲ καὶ λυπηρὸν
²⁸ Matr. φθέγγεσθαι ποικίλου ἀνδρός ἐστι σημεῖον, ἐὰν ὀξὺ καὶ αὐχνμηρόν. εἰ δὲ ὀξὺ καὶ μαλακὸν 〈καὶ〉 εὐκαμπὲς φθέγ-
γοιτο, ἀνδρόγυνον ἐπισημαίνει εἶναι τὸν τοιοῦτον. ὅσοι δὲ κοῖλον καὶ βαρὺ καὶ ἀκαμπὲς ἠχοῦσι, γενναῖα τούτοις τὰ ἤθη καὶ μέγα νόει περὶ αὐτῶν. ὅσοι δὲ μαλακόν τε καὶ βαρὺ φθέγγονται, ἀγαθὰ καὶ τούτοις τὰ νοήματα τίθει. οἱ δὲ κλαγγηδὸν φθεγγόμενοι τοῦτό ἐστιν ἐμβοῶντες ὀξὺ καὶ
ὀρνίθειον, οὗτοι μάταια καὶ χαῦνα καὶ ὑψηλὰ νοοῦντές εἰσιν. ²⁹ Matr. ἀσθενὴς δὲ φωνὴ καὶ ἅμα ὑποκλαίουσα φιλοκερδῆ καὶ λυπηρὸν καὶ ἐν πᾶσιν ὑπονοούμενον ἄνδρα σημαίνει. ὁπόσοι δὲ ἐν ῥινὶ φθέγγονται, ψευδεῖς καὶ κακοήθεις καὶ φθονεροί,
βλάβαις ἄλλων χαίροντες καὶ ἀπλῶς εἰσι δεινοί. σφοδρὸν δὲ φθέγγεσθαι 〈καὶ〉 ὑπόσαθρον ὀργὴν καὶ βίαν 〈καὶ ἀνομίαν〉 καὶ μισανθρωπίαν δηλοῖ. ὀξὺ δὲ καὶ ἀσθενὲς φθέγγεσθαι δειλίας καὶ βασκανίας σημεῖον τοῦ ἀνδρὸς ὑπάρχει, βραχὺ ³⁰ Matr. φθέγγεσθαι ἀργίας καὶ δειλίας σημεῖον· ταχὺ δὲ ἀβού- λευτον καὶ ἀνόητον ἄνδρα 〈δηλοῖ〉 . οἱ χαλεπῶς φεγγόμενοι
κακοὶ καὶ ἀνόητοι ὡς ἐπὶ τὸ πολὺ δηλοῦνται εἶναι. εἰ δέ τι ἄλλο ....................................

³¹

[30] Εἷδος ἀνδρεῖον ὄρθιον τὸ πᾶν σχῆμα, πλευραὶ καὶ ἄρθρα τοῦ σώματος πάντα ἐρρωμένα, ὀστᾶ μεγάλα, κόμη
³² Matr. σκληρά, κοιλία πλατεῖα καὶ κοίλη, μοι καρτεροί, ὠμο- πλάται εὐρεῖαι διεστηκυῖαι, στέρνα ῥωμαλέα καὶ μετάφρενα,
ἰσχία σκληρά, σκέλη σαρκώδη, περὶ τοῖς σφυροῖς καρτερία, πόδες ἀρθρώδεις, χρῶμα ὀξύτερον, βλέμμα ὑγρόν, οὐ μεγάλοι ὀφθαλμοὶ οὐδὲ πάλιν ἀνεῳγμένοι οὐ μὴν οὐδὲ σφαλίζοντες, ὀφρύες [τε] οὐ τεταμέναι, μέτωπον τέλειον οὐ μήν τε ὀλίγον ³³ Matr. φωνή τε ἀπηνεστέρα ἰσχυρὰ μεγάλη, πνεῦμα εὐσταθές. τοιοῦτος μὲν ὁ εὔψυχος καὶ καρτερός.

[31] Εἴδους δειλοῦ σημεῖα τοιαῦτα· τρίχες μαλακαί, τὸ
πᾶν σχῆμα ἀνειμένος, τράχηλος μακρός, τὸ χρῶμα μελίχρωον, τὰ ὄμματα ταραχώδη, βλέφαρα ταχυκίνητα, ἄσθματι ἀσθμώ- δης, σκέλη λεπτά, ὀσφὺς μακρά, στέρνα ἀσθενῆ, μακρόχειρ, φωνὴ λιγυρὰ μαλακή.

³⁴

[32] Εὐφυοῦς σημεῖα τοιαῦτα· μεγέθους εὖ ἔχοντα λευκὸν αὐτὸν ὄντα καὶ ὑπέρυθρον, οὐ πάνυ δὲ οὖλον οὐδὲ
εὐθύτριχα, τὸ πᾶν σῶμα ὄρθιον, τὰ ἄρθρα ἀπολελυμένα ἀλλήλων, σὰρξ μετρία ἁπαλή, σκέλη τε καὶ μηροὶ εὐτραφεῖς, σφυρὰ καρτερά, ποδῶν καὶ χειρῶν ἄρθρα γενναῖα, δάκτυλοι ἀπαλοὶ εὐμήκεις διεστῶτες ἀπʼ ἀλλήλων, ἐπηρμένα πρόσωπα ³⁵ Matr. καὶ σαρκώδη οὐδὲ μὴν λεπτά, ὀφθαλμοὶ ὑγροὶ εὐλαμπεῖς χαροποί, τὸ ἐν αὐτοῖς〉ἦθος〉 γεγηθός.

[33] Τοῦ ἀναισθήτου σημεῖα ταῦτά ἐστι· λευκὸς πάνυ ἢ μέλας πάνυ, σαρκώδης ἢ προγάστωρ, παχυσκελής, τὰ δὲ ἄρθρα μικρὰ συνδεδεμένα, κλεῖδας συμπεφυκυίας καὶ τράχη- λον κολοβὸν παχύν ἔχων, ἄκρα ἀτελῆ, παρειὰς σαρκώδεις, μέτωπον στρογγύλον, βλέμμα κωφὸν ἀχανές.

³⁶

[34] Μatr. 34. Ἀναισχύντου ἀνδρὸς σημεῖα τάδε· ὀφθαλμοὶ ἀνεπτυγμένοι λαμπροί, βλέφαρα ἐκπεπετασμένα παχέα, παχύ-
πους, παχύρρινος, ἀντίον ὁρῶν, ἄνω τείνων ἑαυτόν, πυρρὸς τὴν χροιάν, τὴν φωνὴν ὀξύς.

[35] Ὁ δὲ κόσμιος βαρὺ φθέγγεται, βραχὺ μέν, τὰ δὲ ³⁷ Matr. βλέφαρα κινεῖ μέσως, οὔτε συνεχῶς οὔτε διὰ χρόνου, χαροπὸς οὐ λαμπρόν, ὑγρὸν δὲ ὁρῶν, ἐρυθήματος ὑπόπλεως.

[36] Σημεῖα εὐθύμου· μέτωπον σαρκῶδες λεῖον χθαμα- λόν, καὶ τὸ πᾶν πρόσωπον σαρκωδέστερον, τὸ δὲ εἶδος ὑπνη-
λόν, ὀφθαλμοὶ εὐλαμπεῖς, οὐ δεδορκότες, κίνησις σχολαία, φωνὴ ἠπία. τοιαῦτα τοῦ εὐθύμου σημεῖα.

³⁸

[37] Σημεῖα ἀνιαροῦ ταῦτα· πρόσωπα ἰσχνά, ὀφρύες ἐπεστραμμέναι, βλέφαρα ἐντεταμένα, κινεῖται ὥσπερ ὑπέρινοι.

[38] Σημεῖα ἀνδρογύνου ταῦτα· ὑγρὸν βλέπει καὶ ἰταμόν,
καὶ δονεῖται τὰ ὄμματα καὶ περιτρέχει, μέτωπον σπᾷ καὶ παρειάς, αἱ ὀφρύες〉οὐ〉 μένουσιν εἰς χώραν, τράχηλος ³⁹ Matr. κέκλιται, ὀσφὺς οὐκ ἀτρεμεῖ, κινεῖται πάντα τὰ μέλη καὶ ἁλματίας ἐστί, γονύκροτος, χειρῶν φέρεται ὡς ἀνάταυρος, παραβλέπει ἑαυτὸν καὶ περιβλέπει, φωνὴ λεπτὴ κράζουσα λιγυρὰ σχολαία πάνυ καὶ ἐπίτρονμος.

[39] Πικρὸν ἄνδρα σεσηρέναι. τραχὺ καὶ ξηρὸν
⁴⁰ Matr. βλέπειν, μέτωπον ἔχειν ῥυσσόν, [φορεῖν] φθέγγεσθαι σφοδρόν, ἀσθμαίνειν καὶ χεῖρας συγκροτεῖν ἢ ἀνατρίβειν, πολλάκις πόδας ἐπιρρήσσειν.

[40] Ὁ πρᾶος πέφυκε καρτερὸς τὸ πᾶν σῶμα, εὔσαρκος,
σὰρξ ὑγρὰ μαλθακή, τοῖς μέλεσι σύμμετρος, τὸ βλέμμα ⁴¹ Matr. εὐσταθές, βραχὺ κίνημα καὶ σκολιόν, φωνὴ βαρεῖα μαλακή, τῶν τριχῶν ὁ περίδρομος ἀναθρώσκων.

[41] εἴρων καὶ ἐναντιόβουλος τοὺς ὀφθαλμοὺς χαλα- ροὺς ἔχει, τὸ βλέιμμα ὑπόκομψον, φωνὴν ὑφειμένην, βαίνει
εὔστροφα καὶ κινεῖται τὰ πάντα εὐρύθμως.

⁴²

[42] Τὸν δὲ φιλοχρήματον ἄνδρα τοιοῦτον εἶναι 〈νόει〉· μικρομελῆ, μικρόμματον, μικροπρόσωπον, ταχυπερί- πατον, ἐγκεκυφότα, ταχύφωνον, ὀξύφωνον, τὴν χροιὰν ὑπὸ-
φοινίσσοντα.

[43] Δασὺς ἀνὴρ θριξὶν εὐθυγένειος ἢ μέλας, δασεῖαν τὴν ὑπήνην ἔχων, κροτάφους........ μαρμαρύσσον, φιλό- ⁴³ Matr. κωμος, φιλορχηστής, φίλοινος. ταῦτα τῶν δύο εἰδῶν εἰσι τὰ σημεῖα.

[44] Γίνονται δὲ καὶ μωροπόνηροι οἱ μικτὰ ἔχοντες τὰ σημεῖα πονηρίας καὶ μωρίας. ἕτεροι δὲ τὰ τῆς μωρίας ση-
μεῖα ἔχουσι τὰ αὐτὰ καὶ χαλεπώτεροι καὶ ἀγριώτεροι πε- ποίηνται. ἐκ τούτου οὖν εἰσι μωροπόνηροι, ὥσπερ τῶν θηρίων τοῦ αὐτοῦ γένους ὄντα τὰ μὲν ἥμερα, τὰ δὲ ἄγριά ⁴⁴ Matr. εἰσιν, ....... εὐηθικώτερα ... καὶ ταραχωδέστερα [καὶ] ὡς τὸ πολύ. ὅπερ ἂν ἐπισκέψαιο καὶ μάλιστα ἐπὶ αἰγῶν ἀγρίων καὶ
προβάτων, ἔτι δὲ καὶ ἵππων καὶ ὄνων καὶ ὅσα τοιαῦτα· ἐοικότα τοῖς εἴδεσιν ὅμως τὰ μὲν ἥμερα πραότερα καὶ λειότερα,........ ⁴⁵ Matr. καὶ τὰ ἤθη οὖν αὐτῶν τοῖς εἴδεσιν ἀκολουθεῖ. καὶ ἐπὶ ἀνθρώπων τοίνυν οὕτω χρὴ διαιρεῖν· τὸ γὰρ διπλοῦν τοῦτο τῆς ἰδέας ἐν ἀνθρώποις φαίνεται καθʼ ἕκαστον σημεῖον. δί-
καιοι γὰρ ἀπὸ τῶν αὐτῶν σημείων γίνονται. ἀλλʼ οἱ μὲν ἀγριώτερα ἤθη, οἱ δὲ ἡμερώτερα ἔχουσι καὶ σώφρονες ὁμοίως ⁴⁶ Matr. καὶ ἀνδρεῖοι. τὸ δὲ διάφορον τῶν σημείων τραχύτητι καὶ λειότητι καὶ σκληρίᾳ καὶ μαλακίᾳ καὶ ἀγωνίᾳ καὶ πραό- τητι καὶ τῷ ὑγρῷ τε καὶ ξηρῷ διαιρετέον. οὕτω δὲ καὶ
ἐπὶ ἀδικίας καὶ ἀκολασίας ἔχει καὶ ἐν τούτοις γὰρ τοῖς σημείοις τοῖς αὐτοῖς οὖσι τὸ ἥμερόν τε καὶ ἄγριον προσ- πεφυκὸς τὴν μὲν ἀγριωτέραν ἀδικίαν, τὴν δὲ ἠπιωτέραν ⁴⁷ Matr. δείκνυσι, κἀν τοῖς ἀνδρογύνοις οἱ μὲν πολλοὶ ἄγριοι, ἕτεροι δὲ τιθασοί εἰσι. καὶ τούτων οὐκ ὄντα ἕτερα σημεῖα μόνοις οἷς εἶπον διαιρεῖται.

⁴⁸

Physiognomonica (epitome Matritensis). Adamantius. ed. Richard Foerster. United States. 2017.

Funding provided by Harvard Library Arcadia Fund.

Current edition First1KGreek

Physiognomonica (epitome Matritensis) (Greek) (Adamantius, Scriptores physiognomonici Graeci et Latini, Volume 1 Foerster, Teubner, 1893)

Notes on the current edition

Physiognomonica (epitome Matritensis)

1. Matr. 12. Εὐνοὐχοις τοῖς] Ὄνυχες πλατεῖς Ma antecedente titulo m. rubr. περὶ εὐνούχων καὶ ὀνύχων 13. ἐστι κἀκείνοις ἢ] locus labem contraxit

2. Matr. 7. ὠμόφρονες] τούτοις ὁμόφρονες Ma 8. 〈τομιῶν+003E inserui 9. τομῇ] τόλμῃ Ma 10. ante Ὄνυχες titulus περὶ ὀνύχων m. rubr. Ma

3. Matr. 7. θηριώδεις] θηλυντικούς Ma καὶ delevi 11. μοιχῶν] μυχῶν Ma

4. Matr. 7. μὴ delevi τις] τοῖς Ma 8. ἐφʼ] ἀφʼ Ma σκοπήσει] σκοπῶσι Ma ὄνυχες] ὄνυχας Ma 9. ante Οἱ titulus περὶ δακτύλων in marg. m. rubr. Ma 10. μιαροί μωροί Ma

5. Matr. 8. μακροὶ] μικροὶ Ma 11. ante Πόδες titulus περὶ ποδῶν m. rubr. Ma

6. Matr. 8. σημείων uncis inclusi 10. δὲ πόδες] πόδες τὲ Ma 11. οἱ uncis inclusi 12. ὡς scripsi οἱ Ma

7. Matr. 7. ante Σφυρὰ titulus περὶ σφυρῶν m. rubr. Ma 8. μαλακὰ] μανά, Ma λεῖα] λίαν Ma ἀνανδροτέρου] ἀνανδρεστέρου Ma

8. Matr. 8. ante Κνῆμαι titulus περὶ κνημῶν καὶ μηρῶν m. rubr. Ma στερεαὶ] στερεοὺς Ma καὶ uncis inclusi 11. 〈δειλὸν καὶ〉 inserui 12. νευρώδεις] εὐρώδεις Ma 14. βδε- λυροὺς] βδελυροὺς Ma ἀσώτους] ἀνώτους Ma

9. Matr. 10. ante Οἱ titulus περὶ γονάτων καὶ ἰσχίων m. rubr. in marg. Ma νεύοντες] μένοντες Ma γυναικεῖοι] γυναικείοις Ma 12. 〈 τὰ) inserui post πιθήκων in M sequitur c. 21 περὶ χροιῶν p. 386, 12 sq.; quae apud Ada- mantium intercedunt exciderunt.

10. Matr. 12. ante Δῆλον titulus περὶ χροιῶν m. rubr. Ma Δῆλον] Δειλόν Ma 13. 〈δειλίαν〉 inserui πολυμηχανίαν] πολυμηχανίας. Ma 14. θυμὸν] μῦθον Ma 15. ἀνανδρίαν] ἀνδρείαν Ma

11. Matr. 9. εἰ μὴ] σημεῖον Ma γενόμενον| γένοιτο? 10. δειλόν] δηλοῖ Ma 11. ἐμμανές] ἐμμερές a, γρ. ἐμμανές m. rubr. in mrg.

12. Matr. 8. περὶ] παρὰ Ma κατά μέρος 〈δὲ〉 τὰ] πᾶν μέρος: τὰ δὲ Ma 9. ὑπερυθριῶντα] ὥσπερ ἰθρύοντα Ma ζέειν] ζέσιν Ma

13. Matr. 9. οἰνόφλυγας] τοιούτους Ma σκόπει] σημαίνει, ut p. 395, 9? 10. ante Περὶ titulus περὶ ὀφθαλμῶν χροιῶν m. tubr. Ma

14. Matr. 8. σημαίνουσιν] οἷον Ma 13. ταῖς ἐλαίαις] τέ- λειον Ma

15. Matr. 12. κλεψοσύνας] κλεπτοσύνας?

16. Matr. 6. ante Ἄνδρα titulus περὶ εἴδους τριχῶν m. rubr. et in marg. περὶ τριχῶν m. rubr. Ma κερδαλέον m2 corr. e κερδαλαῖον Ma 8. ἀνοητότερον] νοητότερον Ma 10. post θηρίων exciderunt verba qualia sunt apud Adamantium καὶ ψεδνότης δὲ κακοηθείας καὶ δόλου σημεῖον τὸ δὲ τῶν τριχῶν μέσον m. rubr. in marg., in textu καὶ τῶν τριχῶν μέσον Ma

17. Matr. 8. πάνυ] πάλιν Ma θριξὶ m. rubr. e θρηξὶ corr. Ma 9. οὐ μέντοι — ἀγαθαί verba labem contraxerunt 11. πολυκερδίαν] πολυκαρδίαν Ma 12. ὁποία] ὁποῖα Ma 14. ἄκρατος] ἀκρατῶς Ma

18. Matr. 9. αὐτῶν] ἀτύ et supra τ m. tubr. οι Ma 12. λάγνοι] λαγωοί Ma 13. 〈καὶ〉 inserui μοιχοί] μυχοί Ma κομῶντα ἰδὼν κουφόνουν καὶ ἀλλοπρόσαλλον καὶ ἀσελγῆ] κο- μῶντες εἰδῶν καὶ φόνων καὶ ἄλλο πρὸς ἄλλο· καὶ ἃ στέγρ Ma

19. Matr. 9. ad δασείαις in marg. m. rubr. scriptum est ίνα δα- σεῖαι εὐχάριστα 10. ὄρνισιν] ὀρνίθεσιν Μa 13. αὐτοῦ] αὐτοῦ Μa

20. Matr. 7. κεφαλῇ] κενῆ Ma 8. τοῦ μετώπου — 9 ἡ χαίτη δὲ verba labem contraxerunt 11. κατηγοροῦσιν] ἐγ- χωρεῖ Ma, del. m. rubr.

21. Matr. 15. ἐφʼ ἑκάτερα] ἐφεκάτερα Ma 17. συνόφρυες] συνοφρῦες Ma Adam. § 38 deest

22. Matr. 15. ante Οἱ titulus περὶ κινήσεως m. rubr. Ma 17. post καὶ lacunam indicavi οἱ δὲ ταχυκίνητοι] ἡ δὲ ταχυ- κίνησις? 19. οὐ δράστην] φυλακτήν Ma verba qualia sunt apud Adamantium 14 εἰ δὲ ταχὺ — 399, 3 παρέχει τεκμήρια desunt

23. Matr. 13. κεφαλῆς | κεφαλῆ Ma 14. μεγαλορέκτου] μεγαλολέκτου Ma 15 〈δέ〉 inserui 16 σχολαία] σκολια Ma 17. βαθυγνώμονα] παχυγνώμονα Ma 18. ἑκὼν] ἐκ τούτων Ma 20. ὑπερηφάνους] ὑπερηφανοῦς Ma μοιχικοὺς] μυχικούς Ma

24. Matr. 12. κατὰ ταὐτὸν] κατʼ αὐτὸν Μa 14. καλῶς] κα- λῆς Ma 16. ὡς γὰρ] ὥσπερ Ma 18. 〈 = 〈ἂν〉 inserui 19. μελῶν] μέλων Ma

25. Matr. 8. ὑπάρχουσιν] ὑπχοίρ Ma κατακλῶσιν] ἐγκαλοῦσιν Ma 9. ἐγκλίνοντες] ἐκκλίνοντες Ma 10. ante Πνεῦμα titu- lus περὶ πνεύματος m. rubr. Ma ἀτρεμοῦν] ἀνατρέμον Ma 12. ἐκμανθάνειν] εκμαθάνειν Ma 13. καὶ] ἐκ?

26. Matr. 8. ἐπιστενάζει] ἐπιστενάξει Ma 9. προβουλεύει κακὲ] προβουλεύῃ καὶ Ma 10. μετανοεῖ | μετανοῆ Ma ἀκτύ- πως] ἀκτὐπῳ Ma 11. γνώμην καλῶς] γνώμῃ καλόν Ma

27. Matr. 8. ἀσθματίαι] ἄσθματι ἀεί Ma δρόμου] δρόμοις Μa 9. post κακόθυμοι vox qualis est apud Adamantium παντορέκται, Ante ταῖς ῥισὶν verba qualia 3 ὅσοι δὲ μετάρσιον — 4 πνεῦμα ἐν exciderunt παντολόγοι] παντολόγοι Ma 11. συμμαρτυρῇ] συμμαρτυρεῖ Ma

28. Matr. 6. ante Φθέγγεσθαι titulus περὶ φωνῆς m. rubr. Ma 7. δηλοῖ] δεῖ νοεῖν Ma ἠχὴ] ἤθη Ma κακοηχε- στέρα] κακοηθέστερα Ma 8. βληχωδεστέρα] βηχηδέστερα Ma δηλοῖ] δηλοῦσιν Ma 9. ὀδύρται] ὀδυρταὶ Ma 10. δύσ- θυμοι] δύσφημοι Ma

29. Matr. 8. σημεῖον, ἐὰν] σημεῖον: Ἑὰν Ma 9. 〈καὶ〉 in- serui φθέγγοιτο] φθέγξοιτο Ma 11. κοῖλον| κηλόν Ma ἀκαμπὲς| εὐκαμπές Ma 13. ἀγαθὰ] ἄγαν Ma 15. ὀρνί- θειον] ὀρνιθεί Ma

30. Matr. 12.〉καὶ〉 inserui〉καὶ ἀνομίαν〉 inserui 14. βραχὺ] βραδὺ?

31. Matr. 9. ἀνόητον] ἀνόσιον Ma〉δηλοῖ〉 inserui 11. post ἄλλο verba qualia sunt apud Adamantium 2 καὶ φωνὴν — 408, 3 κακόν in Ma nullo lacunae indicio exciderunt

32. Matr. 9. ante Εἶδος titulus Ὅροι ἰ(corr. ex εἰ) δεῶν ἀν- θρώπων· περὶ ἀνδρείου εἴδους m. rubr. Ma πλευραὶ] πλευρὰ Ma

33. Matr. 9. ῥωμαλέα] ῥωμαλαῖα Ma 10. περὶ] παρὰ Ma 12. σφαλίζοντες] ἀσφαλίζοντες Ma 13. τε uncis inclusi τέ- λειον οὐ μήν τε ὀλίγον] οὔτε λεῖον οὔτε μὴν τραχὺ λίαν?

34. Matr. 8. ἀπηνεστέρα] ταπεινοτέρα Ma 10. ante Εἴδους titulus περὶ εἴδους δειλοῦ m. rubr. in marg. Ma Εἴδους] Εἴδη Ma 11. ἀνειμένος] ἀνήμερος Ma 12. ταραχώδη] τρα- χώδη Ma 11. λιγυρά] λυγρά Ma

35. Matr. 8. ante Εὐφυοῦς titulus περὶ εἴδους εὐφυεῦς m. rubr. Ma, εὐφυοῦς m. rubr. in marg. μεγέθους] μέγεθος Ma ἔχοντα] ἔχοντος Ma 13. διεστῶτες] μὴ ἑστῶτες Ma ἀλλή- λων, ἐπηρμένα πρόσωπα καὶ] ἀλλήλων ἐπηρμένα· καὶ πρόσ- ωπα Ma

36. Matr. 10.〉ἦθος〉 inserui 11. ante Τοῦ titulus περὶ εἴδους ἀναισθήτου m. rubr. Ma, ἀφυοῦς m. rubr. in marg. 13. κλεῖδας] πληγάς Ma 14. ἔχων] ἔχοντος Ma ἀτελῆ, παρειὰς σαρκώδεις] τε λιπαρά, εὐσαρκώδους Ma

37. Matr. 8. ante Ἀναισχύντου titulus περὶ εἴδους ἀναισχύντου in Ma 9. ἀνεπτυγμένοι] ἀνεπτηγμένοι Ma 10. παχύρρινος] παχύρινος Ma ἀντίον ὁρῶν] ἀντίορος Ma πυρρὸς] πύρρος Ma 12. ante titulus περὶ εἴδους κοσμίου m. rubr. Ma μέν] βαίνει?

38. Matr. 8. λαμπρόν] λαμπρός Ma ἐρυθήματος] βοηθήμα- τος Ma 9. ante Σημεῖα titulus περὶ εἴδους εὐθύμου m. rubr. Ma 11. σχολαία] σκολιά Ma 12. ἠπία] ὕπτια Ma

39. Matr. 7. ante Σημεῖα titulus περὶ σὴ ἀνιαροῦ m. rubr. Ma 8. ὑπέρινοι] ὑπεροινῶν Ma 9. ante Σημεῖα titulus σημεῖα ἀνδρογύνου m. rubr. in marg. Ma 11. παρειάς, αἱ ὀφρύες] παρειαί εὐφυεῖς Ma〉οὐ〉 inserui

40. Matr. 7. ἁλματίας| ἄλματι Ma φέρεται ὡς ἀνάταυρος] φο- ραί, ὡσὰν γαῦρος an ὡς ὁ ταὼς περιβλέπει, ut Synes. or. p. 39c καθάπερ ὁ ταως περιαθρῶν ἑαυτόν? in ἀνάταυρος secundum α in Ma certo dispici iam non potest 9. σχολαία] σκολιά Ma 10. ante Πικρὸν titulus σὴ πικροῦ m. rubr. Ma σεσηρέναι] σεσειρέναι Ma post σεσηρέναι excidit χρὴ καὶ ὕπωχρον εἶναι τραχὺ] ταχύ· Ma ξηρὸν] ξηρά Ma

41. Matr. 6. φορεῖν uncis inclusi, sed fortasse in σφοδρὸν mutandum φθέγγεσθαι σφοδρόν, ἀσθμαίνειν] φθέγγεσθαι· σφοδρόν ἀσθμαίνειν Ma 8. ἐπιρρήσσειν] ἐπιρρύσσειν Ma, m. rubr. α supr υ pos. 9. ante titulus περὶ πράου m. ruhr. Ma

42. Matr. 9. ante Ὁ titulus περὶ εἴδους εἴρωνος m. rubr. Ma 10. ὑπόκομψον] ὑπόκαμψον Ma ὑφειμένην] ὑφιεμένην Ma

43. Matr. 7. ante Τὸν titulus περὶ εἴδους φιλοχρημάτου m. rubr. Ma 8. 〈νόει〉 inserui 11. ante Δασὺς titulus περὶ εἴδους φιλοκόσμου καὶ οἰνόφλυγος m. rubr. Ma ἀνὴρ θριξὶν] ἀνήρ· θριξίν Ma 12. post κροτάφους exciderunt verba qualia sunt in Po 420, 15 δασεῖς — στίλβον καὶ μαρμαρύσσον] μαρύσσων Ma φιλόκωμος] φιλόκοιμος Ma

44. Matr. 7. φιλορχηστής] φιλόχρηστος Ma εἰδῶν] αἰτιῶν Ma 9. μικτά| μὴ Ma 11. τὰ αὐτὰ — ἀγριώτεροι] τὰ αὐτὰ δὲ χαλεπώτερα καὶ ἀγριώτερα? 13. post ἄγριά εἰσιν verba qualia sunt apud Adamantium 6 τούτων γὰρ — 421, 2 ἡμέρων ἐστὶν exciderunt

45. Matr. 8. εὐηθικώτερα] εὐηθηκότερα Ma post hanc vocem nonnulla exciderunt ταραχωδέστερα] τραχωδέστερα Ma [καὶ] uncis inclusi 9. ἐπισκέψαιο] ἐπισκέψαιτο Ma ἐπὶ] ὅτι Ma 11. post λειότερα exciderunt qualia sunt apud Adamantium 422, 1 καὶ ἠπιώτερα — 2 καὶ ξηρότερα

46. Matr. 10. φαίνεται] φύεται Ma 11. ἀλλʼ οἱ] ἄλλα Ma

47. Matr. 8. ἀγωνίᾳ m. rubr. in marg., in textu ἀτονίᾳ Ma 9. διαιρετέον] διαιρετόν Ma 12. ἠπιωτέραν] πιοτέραν Ma ἡ m. rubr. ante π pos.

48. Matr. 10. voce διαιρεῖται desinit Ma

Adamantius Physiognomonica (epitome Matritensis) 2

ed. Richard Foerster

Search the Perseus Catalog for:

Current edition First1KGreek

Notes on the current edition

Stable identifiers