Search the Perseus Catalog for:

← Previous Next →

ΛΖ΄ XXXVII (Duebn. XXXVII vulg. 21)

Εἰ συμβάλλεται πρὸς ἀρετὴν τὰ ἐγκύκλια μαθήματα.

Σωκράτης ἐν Πειραεῖ διαλεγόμενος πολιτικοῖς ἀνδράσιν
ἀναπλάττει τῷ λόγῳ, καθάπερ ἐν δράματι, πόλεώς τε καὶ πολιτείας ἀγαθῆς εἰκόνα, καὶ τίθεται νόμους, καὶ παῖδας τρέφει καὶ φρουροὺς τῇ πόλει, μουσικῇ καὶ γυμναστικῇ παραδοὺς τὰ τῶν πολιτῶν σώματα καὶ τὰς ψυχάς· παραστήσας ἀμφοῖν τοῖν μαθημάτοιν
διδασκάλους ἀγαθούς, ἐκκρίτους, ὥσπερ ἀγέλης ἡγεμόνας, φύλακας ὀνομάζων τοὺς ἡγεμόνας· ὄναρ, οὐχ ὕπαρ, ὡς δόξαι ἄν τινι τῶν ἀγροικοτέρων, ξυνιστὰς πόλεις.

Ἀλλὰ γὰρ τῆς παλαιᾶς φιλοσοφίας ὁ τρόπος οὗτος ἦν ἐοικὼς τοῖς χρησμοῖς.

Εἰ δὲ βούλει, τὸν
μὲν Σωκράτην ἐῶ· τὸν δὲ Ἀθηναῖον παρακαλῶμεν ξένον ἀποκρίνασθαι ἡμῖν· καὶ γὰρ αὖ καὶ τούτου ²³⁴ ἀκούω ἐν || Κρήτῃ διαλεγομένου ἀγχοῦ τοῦ Διὸς τοῦ ⁵ Δικταίου τῷ ἄντρῳ Μεγίλλῳ τῷ Λακεδαιμονίῳ, καὶ Κλεινίᾳ τῷ Κνωσίῳ, πόλει Δωρικῇ οἰκιζομένῃ τιθέντος νόμους, ἵνα πείθωνται τὸ Κρητῶν γένος μουσικὴν εἰς
τὰ τῆς ἀνδρείας ἐπιτηδεύματα εἰσοικίσαι, καὶ ἡμερῶσαι τὸν θυμὸν τῷ μέλει, ἵνα μὴ κολοβὸς αὐτοῖς ἡ ἀρετὴ μηδὲ ἀτελὴς γίγνηται·

πρὸς τὸν μὲν ἔξω πόλεμον παρασκευάζουσα καρτερεῖν καλῶς καὶ ἀνέχεσθαι πονουμένους, καὶ ἀποθνήσκειν μένοντας·

πρὸς δὲ τὸν ἐν τῇ
ψυχῇ τὸν στασιωτικὸν μηδεμίαν παρασκευὴν πορισαμένη τοῖς αὑτῆς θρέμμασιν.

Πῶς τοῦτο λέγοις, ξένε Ἀττικέ; οὕτω τὸ ἀγαθὸν ἡμῖν στενὸν καὶ γλίσχρον καὶ δύσληπτον, καὶ

⁶

ἄδηλον καὶ πραγματείας πολλῆς ἐμπεπλησμένον; |ὥστε
οὐκ ἂν αὐτοῦ τύχοιμεν, ὅτι μὴ τερετίζοντες καὶ ψάλλοντες, καὶ τὰς ἐν γεωμετρίᾳ γραμμὰς ἄνω καὶ κάτω καταγράφοντες, καὶ τριβόμενοι ἐν τούτοις, ὥσπερ ἄλλο

τι ἐθέλοντες, ἀλλʼ οὐκ ἄνθρωποι ἀγαθοὶ εἶναι; πρᾶγμα κατὰ τὴν χρείαν ὑψηλὸν καὶ μέγα καὶ ἐγγύς που τινὸς
τῆς χρείας ἀρετῆς, κατὰ δὲ τὴν κτῆσιν οὐ χαλεπὸν τῷ ⁷⁸ ἅπαξ ἐθελήσαντι τῷ εἶξαι τῷ καλῷ καὶ πρὸς τὰ αἰσχρὰ ἀντιβλέψαι.

Ἀποκρίνεται ὁ Ἀθηναῖος ξένος, ὅτι καὶ πόλεως τὸ καλούμενον δὴ τοῦτο νόμος ἄνευ πειθοῦς τῶν χρωμένων σύγγραμμά ἐστιν ἄλλως κενόν·

δεῖ δὴ αὐτῷ τοῦ δήμου πειθομένου ἑκόντος· ὁ δὲ ἐν τῇ ψυχῇ
δῆμος πολὺς καὶ ἔμπληκτος· ἀλλ᾿ ἐπειδὰν ἅπαξ εἴξας ὁμολογῆσαι τῷ νόμῳ καὶ ἕπηται, αὐτὸς ἐπικελεύῃ, τοῦτο ἂν εἴη τὸ χρῆμα πολιτεία ψυχῆς ἡ ἀρίστη, ἣν καλοῦσιν οἱ ἄνθρωποι φιλοσοφίαν.

Φέρε δή, νομοθέτου δίκην παρίτω φιλοσοφία, ψυχὴν
ἄτακτον καὶ πλανωμένην κοσμήσουσα, καθάπερ δῆμον· παρακαλείτω δὲ ξυλλήπτορας ἐσομένας αὐτῇ καὶ ἄλλας τέχνας, οὐ βαναύσους, μὰ Δία, οὐδὲ χειρουργικάς, οὐδὲ οἵας συντελεῖν τὰ φαῦλα ἡμῖν·

ἀλλὰ τὴν μὲν τὸ σῶμα τῇ ψυχῇ παρασκευάζουσαν ὄχημα
εὐπειθὲς καὶ ἐρρωμένον τοῖς προστάγμασιν ὑπηρετεῖν, γυμναστικὴν ταύτην ὀνομάζουσα·

τὴν δὲ ἄγγελον τῶν τῆς ψυχῆς διανοημάτων, ῥητορικὴν ταύτην ὀνομάζουσα·

τὴν δὲ Nauck fr. adespota 247 ἀγαθὴν τιθήνην καὶ τροφὸν γνώμης νέας,
⁹¹⁰ ποιητικὴν ταύτην ὀνομάζουσα·

τὴν δὲ ἡγεμόνα τῆς ¹¹ἀριθμῶν φύσεως, ἀριθμητικὴν |ταύτην ὀνομάζουσα·

τὴν δὲ καὶ λογισμῶν διδάσκαλον, λογιστικὴν ταύτην ὀνομάζουσα·

γεωμετρίαν δὲ καὶ μουσικήν,
ξυνερίθω τὲ καὶ ξυνίστορε φιλοσοφίας, τῶν αὐτῶν νείμασα ἑκάστῃ μέρος τοῦ πόνου.

Καὶ περὶ μὲν τῶν πόνων τάχα δὴ ἑξῆς διέξειμι·

νῦν δὲ δὴ μουσικῆς πέρι, τοῦ πρεσβυτάτου τῶν ἐν ψυχῇ ἐπιτηδευμάτων, προχειρισάμενοι λέγωμεν τὰ εἰκότα·

ὡς ἔστιν καλὸν μὲν καὶ ἀνδρὶ ἑνὶ μουσική, καλὸν δʼ αὖ καὶ πόλει καὶ γένει ξύμπαντι, ᾧ τῶν θεῶν μοίρᾳ μουσικὴν συνέβη ἐπιτηδευθῆναι.

Οὔτι τοι λέγω τὴν διʼ αὐλῶν καὶ ᾠδῇς καὶ χορῶν καὶ ψαλμάτων ἄνευ λόγου || ἐπὶ τῇ ψυχῇ ἰοῦσαν, τῷ τερπνῷ τῆς ¹²
ἀκοῆς τιμηθεῖσαν.

Ταύτην μὲν γὰρ ἔοικεν ἡ ἀνθρωπίνη ἀγαπήσασα πλημμέλεια, ἑπομένη τῷ ἡδεῖ φαινομένῳ, νοθεύσασα διὰ τοῦ ἔρωτος τούτου τὴν ἀκρίβειανμένη τῆς μουσικῆς·

τὸ γὰρ νῦν ἔχον ἐξίτηλος ἡμῖν γενο ¹³¹⁴¹⁵ οἴχεται, ἀποδυσαμένη τὸ αὐτῆς κάλλος, τὸ ὑγιὲς ἐκεῖνο καὶ ἀρχαῖον, ἐξαπατῶσα ἡμᾶς, καθαπερεὶ ἑταίρας ἐπίχριστον, οὐκ αὐτοφυὲς ἄνθος·

καὶ εἰδώλῳ τινὶ μουσικῆς ξυνόντες λανθάνομεν, αὐτὴν ἐκείνην ἀληθῆ καὶ ἐκ τοῦ Ἑλικῶνος μοῦσαν, τὴν Ὁμήρῳ φίλην, τὴν
Ἡσιόδου διδάσκαλον, τὴν Ὀρφέως μητέρα, οὔτε ἔχοντες οὔτε εἰδότες·

ἡ δὲ παρανομία, κατὰ σμικρὸν συμφορηθεῖσα ἡμῖν, τὴν ψυχὴν εἰς τὸν ὄλισθον τοῦτον κατέσπασεν καὶ ἰδίᾳ καὶ δημοσίᾳ·

ὅτε Δωριεῖς μὲν οἱ ἐν Σικελίᾳ, τὴν ὄρειον ἐκείνην καὶ ἀφελῆ μουσικὴν
οἴκοι καταλιπόντες, ἣν ἐπὶ ἀγέλαις καὶ ποίμναις εἶχον, ¹⁶Συβαριτικῶν αὐλημάτων ἐρασταὶ γενόμενοι, καὶ ὄρχησιν ¹⁷ ἐπιτηδεύσαντες, οἵαν ὁ αὐλὸς ἠνάγκαζεν Ἰώνων, ἀφρονέστεροι μὲν τὸ εὐφημότατον, ἀκολαστότατοι δὲ τὸ ἀληθέστατον ἐγένοντο·

Ἀθηναίοις δὲ ἡ μὲν παλαιὰ
μοῦσα χοροὶ παίδων ἦσαν καὶ ἀνδρῶν, γῆς ἐργάται κατὰ δήμους ἱστάμενοι, ἄρτι ἀμητοῦ καὶ ἀρότου κεκονιμένοι, ¹⁸¹⁹²⁰ ᾄσματα ᾄδοντες αὐτοσχέδια·

μεταπεσοῦσα δὲ ἡ ψυχὴ ἐπὶ τέχνην ἀκορέστου χάριτος ἐν σκηνῇ καὶ θεάτροις, ἀρχὴ τῆς περὶ πολιτείαν αὐτοῖς πλημμελείας ἐγένετο.

Ἡ δὲ ἀληθὴς ἁρμονία, ἣν ᾄδει μὲν ὁ μουσῶν
χορός, ἐξάρχει δὲ αὐτῆς ὁ Ἀπόλλων ὁ μουσηγέτης, σώζει μὲν ψυχὴν μίαν, σώζει δὲ οἶκον, σώζει πόλιν, σώζει ναῦν, σώζει στρατόπεδον.

Εἰ δὲ Πυθαγόρ πειθόμεθα, ὥσπερ καὶ ἄξιον, καὶ μελῳδεῖ ὁ οὐρανός, οὐ κρουόμενος, ὥσπερ λύρα, οὐδὲ
ἐμπνεόμενος, ὥσπερ αὐλός, ἀλλʼ ἡ περιφορὰ τῶν ἐν αὐτῷ δαιμονίων καὶ μουσικῶν σωμάτων, σύμμετρός τε οὖσα καὶ ἀντίρροπος, ἦχόν τινα ἀποτελεῖ δαιμόνιον. Τῆς ᾠδῆς ταύτης τὸ κάλλος θεοῖς μὲν γνώριμον, ἡμῖν δὲ ἀναισθές, διʼ ὑπερβολὴν μὲν αὐτοῦ, ἔνδειαν δὲ
ἡμετέραν.

Τοῦτό μοι ἀμέλει καὶ Ἡσίοδος αἰνίττεται, Ἑλικῶνά τινα ὀνομάζων τὸν θεόν, καὶ χοροὺς ἠγαθέους ἐν αὐτῷ, κορυφαῖον δὲ εἴτε Ἥλιον, εἴτε Ἀπόλλωνα, εἴτέ τι ἄλλο ὄνομα φανοτάτῳ καὶ μουσικῷ πυρί.

²¹²²²³

Ἡ δέ γε ἀνθρωπίνη, καὶ περὶ τὴν ψυχὴν ἰοῦσα, τί ἂν εἴη ἄλλο, ἢ παιδαγώγημα τῶν τῆς ψυχῆς παθημάτων, τὸ μὲν ἐξᾶττον αὐτῆς καὶ φερόμενον κατεπᾴδουσα, τὸ δὲ παρειμένον καὶ ἐκλελυμένον ἔμπαλιν ἐπαίρουσα

καὶ παροξύνουσα; Δεινὴ μὲν γὰρ ἐπελαφρῦναι οἶκτον, δεινὴ δὲ ἀμβλῦναι ὀργήν, δεινὴ δὲ ἐπισχεῖν θυμόν,
ἀγαθὴ ἐπιθυμίαν σωφρονίσαι, καὶ λύπην ἰάσασθαι, καὶ ἔρωτα παραμυθήσασθαι, καὶ συμφορὰν κουφίσαι·

ἀγαθὴ καὶ ἐν θυσίαις παραστάτις, καὶ ἐν δαιτὶ σύσιτος, καὶ ἐν πολέμῳ στρατηγός· δεινὴ δὲ καὶ ἐν ἑορταῖς
εὐφρᾶναι, καὶ ἐν Διονυσίοις κωμάσαι, καὶ ἐν τελεταῖς ἐπιθειάσαι· δεινὴ καὶ πολιτείας ἦθος κεράσαι τῷ μέτρῳ.

Oὕτω Βοιωτοὺς τοὺς ἀγροίκους αὐλὸς ἐπιτηδευόμενος ἡμέρωσεν, καὶ ποιητὴς Πίνδαρος συνῳδὸς τῴ αὐλῷ· καὶ Σπαρτιάτας ἤγειρεν τὰ Τυρταίου ἔπη,
²⁴καὶ Ἀργείους τὰ Τελε σίλλης μέλη, καὶ Λεσβίους ἡ Ἀλκαίου ᾠδή· οὕτω καὶ Ἀνακρέων Σαμίοις Πολυκράτην ἡμέρωσεν, κεράσας τῇ τυραννίδι ἔρωτα, Σμερδίου καὶ Κλεοβούλου κόμην, καὶ αὐλούς Βαθύλλου, καὶ ᾠδὴν Ἰωνικήν.

Τύ δὲ τούτων ἀρχαιότερα εἰς τί χρὴ λέγειν; Ὀρφεὺς ἐκεῖνος ἦν μὲν Οἰάγρου παῖς καὶ Καλλιόπης ²⁵²⁶²⁷ αὐτῆς, ἐγένετο δὲ ἐν Θρᾴκῃ ἐν τῷ Παγγαίῳ ὄρει· νέμονται δὲ τοῦτο Θρᾳκῶν οἱ Ὀδρύσαι, ὄρειον γένος, λῃσταὶ καὶ ἄξενοι· ἀλλʼ εἵποντό γε Ὀδρύσαι ἑκόντες ἡγεμόνι Ὀρφεῖ, καλῇ κηλούμενοι τῇ ᾠδῇ.

Τοῦτο ἄρα
῾ δρῦς καὶ μαινὰς ἐγένετοʼ, ἄγειν εἰκαζόντων τὸ ἀγεννὲς τοῦ τῶν κηλουμένων τρόπου ἀψύχοις σώμασιν.

Ἄλλος ἦν περὶ Βοιωτίαν κιθαριστὴς γενναῖος, οὐ λίθους, οὐδὲ οἷον ὁ μῦθος φησίν, προσαγόμενος τῇ τέχνῃ (πῶς γὰρ ἄν γένοιτο ἐξ ᾠδῆς τεῖχος;) ἀλλʼ ὑπὸ μέλει ²⁸ἐμβατηρίῳ καὶ τακτικῷ συναγα |γὼν εἰς φάλαγγα τοὺς
Βοιωτῶν νέους τεῖχος ἄμαχον ταῖς Θήβαις περιέβαλλεν·

οἷον τεῖχος καὶ Σπταρτιάταις ἐμηχανήσατο Λυκοῦργος, ἐπιτάξας τοῖς νέοις αὐλὸν ἡγεμόνα ἐν ταῖς μάχαις· οἱ δὲ ἐπείθοντο, καὶ ἐπολέμουν χοροῦ νόμῳ.

Τοῦτον
ἔχων καὶ Θεμιστοκλῆς τὸν αὐλὸν εἰς τὰς ναῦς ἐνεβίβασεν τὰς Ἀθήνας, οἱ δὲ ὑπʼ αὐλῷ οἱ μὲν εἴρεσσον, οἱ δὲ ἐμάχοντο, ἐνίκων δὲ ἄμφω, ξυνεπήχουν δὲ καὶ ²⁹³⁰³¹ αἱ θεαὶ τῷ χορῷ Ἐλευσινόθεν.

Ἐκεῖθεν ἐπινίκια ἕστηκεν, ἐκεῖθεν τρόπαια Λακωνικὰ καὶ Ἀττικά, θαλάττια καὶ ἠπειρωτικά, μετʼ ἐπιγραμμάτων καλῶν· τοῦτον τὸν χορὸν ἐτίκων μὲν Λακεδαιμόνιοι, ἐδίδασκεν δὲ Λεωνίδης.

Καὶ τί δεῖ πλέω λέγειν, ἢ μουσικῆς πέρι ἀπομηκύνειν; ἀγαθὴ μὲν γὰρ εἰρήνης ξυνεργός, ἀγαθὴ δὲ ἐν πολέμῳ παραστάτις, ἀγαθὴ δὲ ἐν πολιτείᾳ ξύνοικος, ἀγαθὴ δὲ καὶ παίδων τροφός.

Ταχεῖα γὰρ τῶν αἰσθήσεων ἡ ἀκοή, καὶ ὀξέως ἐπὶ τὴν ψυχὴν τὰ γνωσθέντα
ἀναπέμπουσα, καὶ προσαναγκάζουσα συμφθέγγεσθαι καὶ συνορμᾶν τοῖς αὐτῆς πάθεσιν.

Ὅθεν ἄμουσοι ψυχαὶ καὶ ἐκμελεῖς, παντὶ τῷ ἡδεῖ φαινομένῳ ἐνδιδοῦσαι,

οὐδαμῶς ἄν ποτε γένοιντο μέτοχοι ὀρθοῦ νόμου· μουσικὴν δὲ ὀνομάζουσιν τὴν αὑτῶν ἡδονὴν διʼ ὁμοιότητα
οὐ τοῦ τέλους, ἀλλὰ τῆς περὶ τὰ μέλη πραγματείας·

οἷον εἰ τις καὶ ἰατρικὴν καλοῖ τέχνην, ἀπεληλαμένην μὲν τοῦ ὑγιεινοῦ, περὶ δὲ τὰ αὐτὰ φάρμακα ἐξεταζομένην.

Οὕτως ἀμέλει καὶ γεωμετρίαν, τὸ γενναιότατον φιλοσοφίας μέρος, οἱ μὲν πολλοὶ φαῦλον, καὶ ἐπὶ
³²³³³⁴³⁵τῷ φαύλῳ τέλει, μέχρι τοῦ περὶ | τὴν χρείαν ἀναγκαίου δοκοῦντος, προσίενται, διαμετρῆσαι γῆν, καὶ ἀναστῆσαι τειχίον, καὶ πᾶν ὅσον εἰς χειρουργίαν αὐτῆς συντελεῖ, δοκιμάζοντες, πρόσω δὲ οὐχ ὁρῶντες·

ἡ δὲ οὐχ οὕτως
ἔχει, πολλοῦ γε καὶ δεῖ· οὐ γὰρ ἄν ᾠκεῖτο χεῖρον ἡ γῆ, μὴ διαμετρουμένων αὐτὴν ἀκριβῶς πενήτων γεωργῶν· ἀλλὰ τοῦτο μὲν εἴη ἄν τι τῶν ἐν γεωργίᾳ τὸ φαυλότατον·

τὸ δʼ ἔργον αὐτό, ὥσπέρ τι ὀξυωπὲς τῆς διανοίας φάρμακον, ῥώμην αὕτη οὐκ ἀγεννῆ παρασκευάζει
πρὸς τὴν θέαν τῶν ὅλων·

ἀθέατοι δὲ οἱ πολλοὶ τῆς χρείας ταύτης, καθάπερ εἴ τις ἠπειρώτης ἀνὴρ ναῦν ἰδὼν ἐν λιμένι, ἀγασθεὶς τοῦ σοφίσματος ἔνδον τῇ νηῒ || χρῷτο, πάντα κινῶν τὰ ὄργανα, τοῦτο ³⁶ οἰόμενος εἶναι τέλος τῆς νεώς.

Θαίη δʼ ἄν, οἴομαι, πρὸς αὐτὸν ἡ Ἀθηνᾶ, ἡ εὑρέτις τοῦ ἔργου τούτου· ῾Ὁρᾷς πέλαγος πλατὺ καὶ ἄπειρον, κεχυμένον ὑπὲρ τῆς γῆς, συνάπτον αὐτῆς τὰ τέρματα, ὧν πρόσθεν οὐδὲ ἀκοὴν εἶχές τε οὐδὲ ἐλπίδα τῆς θέας; ἑκάστῳ δὲ εἶς ἦν τόπος γνώριμος, ὥσπερ οἱ
φωλεοὶ τοῖς ἑρπετοῖς· φιλία δέ, καὶ ἐπιμιξία, καὶ κοι- ³⁷³⁸ νωνία, καὶ ἀμοιβὴ τῆς παρʼ ἑκάστοις εὐπορίας, ἐκποδῶν ἦν, ἕως ὑμῖν τὸ σόφισμα τοῦτο ἐμηχανευσάμην τὴν ναῦν.

Τοῦτό γε τὸ ὄχημα, ἀράμενον ὄρνιθος δίκην, διαπτήσεται πανταχοῦ· εἰ δὲ ἀπιστεῖς, πείρᾳ μάθεʼ.

Τοῦτο καὶ περὶ γεωμετρίας λέγει τὶς θεῶν, ἢ ἐκείνη
ἡ θεὸς ἡ Ἀθηνᾶ λέγει· ῾ Ἐκεῖσε βλέψον· ὁρᾷς τουτὶ τὸ ὑπὲρ κεφαλῆς θέαμα, τὸ καλόν, τὸ ποικίλον, ἐληλαμένον περὶ γῆν ἐν κύκλῳ καὶ περὶ αὐτὴν ἑλιττόμενον, μεστὸν ἄστρων, ἥλιον φέρον, σελήνην ἔχον;

τοῦτο ὅ, τι μέν ἐστιν |οὐκ οἶσθα, δοκεῖς δὲ ὁρᾶν καὶ ³⁹ εἰδέναι. Ἀλλὰ ἐγώ σε, ὦ οὗτος, ἀνάξω κεῖσε ἠπειρώτην
ὄντα, ὄχημά σοι πηξαμένη κοῦφον, παραδοῦσα γεωμετρίᾳ·

ἥ σε τὰ μὲν πρῶτα ἔνδον ἐν τῷ λιμένι ὀχήσει, ἐθίζουσα ἀνέχεσθαι τῆς πορείας, καὶ μὴ ἰλιγγιᾶν πρὸς τὸ πέλαγος, μηδὲ ἀποδειλιᾶν πρὸς τὸ πέλαγος·

ἔπειτα ἀγαγοῦσα ἔξω τοῦ λιμένος, εἰς καθαρὸν καὶ εὔδρομον τὸ τῶν ὄντων πέλαγος ἀνάξει, κεῖσʼ,

⁴⁰

ὅθι τʼ ἠοῦς ἠριγενείης

οἰκία καὶ χοροί εἰσι, καὶ ἀντολαὶ ἠελίοιο

⁴¹⁴² καὶ σελήνης αὐγαὶ καὶ τῶν ἄλλων ἀκηράτων σωμάτων. Ἕως δὲ ἀθέατος τούτων εἶ, μένεις εὐδαιμονίας ἀμέτοχος, ἄμοιρος.ʼ

Dialexeis. Maximus of Tyre. ed. Hermann Hobein. United States. 2017.

Funding provided by Harvard Library Arcadia Fund.

Current edition First1KGreek

Dialexeis (Greek) (Maximus of Tyre. Maximi Tyrii philosophumena. Hobein, Hermann, editor. Leipzig: Teubner, 1910.)

Notes on the current edition

Dialexeis

1. λα΄

2. 5 Σωκράτης sq. cf. Plat. republ. VI init || 11 ὥσπερ ἀγέλης vi. or. 35 2f ἀλλʼ ὥσπερ sq. || 12 φύλακας ὀνομάζων cf. Plat. republ. II 374 d || 12.13 ὄναρ, οὐχ ὕπαρ vi. or. 9.7 i || 13 ὡς δόξαι ἄν τινι τῶν ἀγροικοτέρων ═ or. 32. 5 b ὡς μὲν εἴποι sq. 14 τῆς παλαιᾶς φιλοσοφίας sq. vi. or. 26. 2 h τὰ παλαιὰ sq. 16.17 τὸν .. Ἀθηναῖον . . . ξένον sq. e Plat. legg l 624 a sq.

3. Codices RMN α (═ Stephanus) φ (═ Paccius); H (teste Davisio)

4. 1 ΛΖ' R! || 3 in mge λα' R καʹ M |εἰ — 4 μαθήματα R τοῦ αὐτοῦ συμβάλλεται (om εἰ) — μαθήματα M additis λόγος καʹ φα || 5 πειραιεῖ Nα(θ) Pyraeo σ || 8 τῇ πόλει 〈ἐπιτάττει (τάττει)〉 Heins (Meiser) 〈καθίστησι〉 τῇ πόλει Mark.. τῇ πόλει *** Duebn. || 11 〈καὶ〉 ἐκκρίτους Ϛ (δΔ0) καὶ ἐγκρίτους Duk. || 14 πό- λιν α (δΔ0) ||16 ἐῶμεν φ α(δ Δ0) || 17 ἀποκρίνεσθαι nescio unde Δ

5. Ed. Duebn. P. 145

6. 128 a

7. 1.2 ἐν Κρήτῃ . . ἀγχοῦ τοῦ Διὸς τοῦ Δικταίου τῷ ἄντρῳ ut or. 10. 1 b ; 38 2 c cf Plat. legg. l 625 b || 9.10 πόλεμον . . τὸν ἐν τῇ ψυχῇ vi. or. 35. 7 e; 39. 2 c

8. 1 〈ἀγχοῦ〉 τοῦ Διὸς Hob. 〈ἐν〉 τοῦ Διὸς Markl. 〈παρὰ〉 τοῦ Διὸς Dav. ἐν Διὸς Reiske (Duebn.) 〈ἐγγὺς γενομένου〉 τοῦ Διὸς Meiser τοῦ Διὸς del Duk. || 1.2 τοῦ Δικταίου] ἐν τῷ Δικ- ταίῳ φα(δ) ἐν τῷ Ἰδαίῳ Heins. || 2 τῷ (ante ἄντρῳ) om. φ α(δ) Heins. | Μετίλλω RH φ α(δ) corr. Steph. (cum MN) || 3 Κλινίᾳ Δ (σ2) | 〈καὶ〉 πόλει Markl. || 9 καὶ (ante ἀποθνήσκειν)] κἂν Markl μένοντας] μέλλοντας Markl. | |12 λέγοις RMN (Dav.2)λέγεις cett (δΔ) et ita Boissonade (anecd. IV 417) Hahn 18 θέλοντες ϛ(δ Δ0) 19 κατὰ 〈μὲν〉 τὴν Markl.(Duk. Duebn ..) ὑψηλὸν μέγα (suprascr. καὶ) R! | που τινὸς] που γένος Hahn || 20 τῆς χρείας] θείας Dav. (Δ) τῆς θείας Hahn θεσπεσίας Meiser sed cf. Plat. legg V 722 b εἰς ἀρετὴν τῆς χρείας

9. 5. 6 ὁ ἔν τῇ ψυχῇ δῆμος sq. vi.ad or.7.2c 12 ξυλλήπτορας ut or. 8 7 k etiam or. 38. 6 k || 15 τὸ σῶμα . . ὄχημα sq ut Plat. Tim. 69 c ὄχημα . . πᾶν τὸ σῶμα ἔδοσαν 17 γυμναστικὴν sq. cf. Plat. Gorg. 450 a οὐκοῦν καὶ ἡ γυμναστικὴ περὶ λόγους ἐστὶ τοὺς περὶ εὐεξίαν τε τῶν σωμάτων καὶ καχεξίαν etiam legg. 7. 795 d 18. ῥητορικὴν cf. Plat. Phaedr 261 a ἆῤ οὖν οὐ ἡ ῥητορικὴ ἂν εἴη τέχνη ψυχαγωγία τις διὰ λόγων || 20 τιθήνην καὶ τροφὸν cf. plat. Tim. 88 d ἣν τροφὸν καὶ τιθήνην τοῦ παντὸς προσείπομεν

10. 1 τὸ εἶξαι Dav. τῷ del. Markl. (Δ) || 2 ἀντιβλέψαι RH ἀντι- λέξαι cett. (δ) | 〈καὶ〉 ἀποκρίνεται α (δ) || 4 ἄλλως] ὅλως Dav. 1 || 5 ὁ δὲ] ὅ, τε Markl. || 7 ὁμολογήσῃ φ α(δ Δ) 14 ἡμῖν] ‘quae vobis vilia conferant’ σ2 unde ὑμῖν fuisse in φ suspicatur Combes || 15 τῇ ÷ ÷ ψυχῇ 20 τιθήνην del Schottus | καὶ τροφὸν] τρόφων α(δ) |νέας] ἐκ νέας Combes

11. 128 b

12. Ed. Duebn. p. 146

13. 5 ξυνερίθω cf. Plat. republ. VII 533 d συνερίθοις καὶ συμ- περιαγωγοῖς χρωμένη αἷς διήλθομεν τέχναις etiam legg. Χ 889 d 8 μουσικῆς πέρι sq. cf. Plat legg. lII 700 a sq. republ. III 398 c Plut π. μουσικῆς 15 || 16.17 ἑπομένῃ τῷ ἡδεῖ φαινομένῳ ut infra § VII c vi. etiam or. 18. 3 c ἐὰν γὰρ sq. or. 31. 2 a ἀγαθοῦ φαν- τασίᾳ sq || 17 νοθεύσασα cf. or. 14.8 f vers. finem

14. 13 ψαλμάτων in mge repetit. (schol. vet. a) R!

15. 4 δὲ (ante καὶ) om. MN || 6 τῶν αὐτῶν] τὸ αὐτὸ Meiser τὸ αὐτῆς Schottus τὸ αὐτῶν Heins τὸ αὑτῶν Markl. τῶν αὐτῆς Reiske (Duebn.) || 7 πόνων (i. e de ῾ exercitationibusʼ scil. artis gymnasticae (cf. τοὺς ἐπὶ τὰ γυμνάσια καὶ πόνους ἰόντας Plat. legg. 1.646c)de qua res est p.428 13sq et paulo ante vers 6 μέρος τοῦ πόνου; quibus opponuntur τὰ ἐν ψυχῇ ἐπιτηδεύματα eorum- que vetustissima ars scil. musica)] πέντε Meiser λοιπῶν Dav ἄλλων Duk. ||8. 9 ἐν τῇ ψυχῆ α (δ) || 11 δὲ αὖ nescio unde Δ 13 ᾠδῶν ϛ (δ Δ0) || 14 τὴν ψυχὴν Markl. (Duebn .) || 16 ἀγαπήσα πλημμέλεια (suprascr. σα) R || 17 νοθεῦσαι Markl. (Duebn.)

16. ΜΑ΄

17. 129 a

18. 5 Ὁμήρου .. Ἡσιόδου . . Ὀρφέως vi. or. 17 3 b || 7 ἡ δὲ πα- ρανομία sq. cf Plat legg. ΙΙΙ 700 d Plut. π μουσικῆς 6 διθυραμ- βικὴν λέξιν ᾖδεν (Τέρπανδρος), ὅπως μὴ εὐθὺς φανῇ παρανομῶν εἰς τὴν ἀρχαίαν μουσικήν || 9 ὅτε Δωριεῖς — 15 ἐγένοντο ═ or 14. 8 f sq.

19. 3 ἐπίχριστον in mge repetit. (schol. vet. a) R!

20. 2 ἀρχαῖον (αι in ras.) R! | καθαπερ(εὶ) ἑταίρας Eldich suspic. p. 11 (Hob.) καθὰ περιστερᾶς codd. (-ρὰς R et ita Schottus) δ Δ καθάπερ περιστερᾶς Markl. || 3 ἐπίχαλκον MN α(δ) ἐπίπλαστον Markl. | αὐτοφυὲς (αυ in ras.) R! 4 λανθάνομεν 〈οἰόμενοι〉 MNα(δ) |〈τὴν〉 ἀληθῆ MNα(δ) ||5 μοῦσαν ἔχειν τὴν MNα(δ) || 5. 6 τὴν (ante Ἡσιόδου)] καὶ α(δ) corr. Markl. 7 σμικρὰ MNα(δ) || 9 ὅτε] ὥσπερ Dav οὕτω Markl. || 10 ὄρειον (ex ὄριον corr.) R! || 11 οἴκοι] εἰκῇ Meiser del. Markl. || 12 in mge MΑʹ numerus quaternionis R! ||13 αὐλὸς] αὐτὸς Duk. 14 ἀκολαστότεροι α(δ Δ) || 16 ἦσαν] οὖσα MNα(δ) |καὶ (ante ἀνδρῶν) in ras. R! || 17 ἀρότου 〈πεπαυμένοι〉 κεκονιμένοι Reiske

21. 8 εἰ δὲ Πυθαγόρᾳ πειθόμεθα sq cf Plut π. μουσικῆς 44 τὴν τῶν ὄντων φορὰν καὶ τὴν τῶν ἀστέρων κίνησιν οἱ περὶ Πυθαγόραν . . οὐκ ἄνευ μουσικῆς γίνεσθαι καὶ συνεστάναι ἔφασκον || 15 καὶ Ἡσίοδος αἰνίττεται sq. vi etiam or 38. 2 b

22. 14 ἀναισθές in mge repetit. (schol vet. a) R!

23. 1.2 ἡ ψυχὴ] ἡσυχῆ Markl. (Duebn.) || 2 ἀκορέστου] ἀχα- ρίστου Reiske || 6 ψυχὴν] φυλὴν Reiske | μίαν] κοσμίαν Meiser σώζει πόλιν om. MN φα(δ) || 8 καὶ (ante ἄξιον) om α (δ Δ0) 11 δαιμονίων RH δαιμόνων cett. (δ) ἀνομοίων Markl. || 12 δαι- μόνιον] ἐναρμόνιον Markl. || 14 διʼ (ante ὑπερβολὴν) in ras. R! 15 ἀμέλει Heins. et ita Schenkl ἄσκει (i. e. AϵΛϵl accentu super Λ ita posito ut k inde erueret librarius??) codd. Ἀσκραῖος Steph. Scaliger δοκεῖ Schottus (Δ) δοκεῖν Reiske καὶ (ante Ἡσίοδος) del. Steph. Scaliger |αἰνίττεσθαι Markl. || 16 τῶν θεῶν MΝ φα(θ) καὶ τῶν θεῶν Markl. (τὸν) ζάθεον Duebn. (Schenkl qui et τὸν θεῖον·) | καὶ (ante χοροὺς) del Markl || 18 φανωτάτῳ α (δ Δ0) εὐφωνοτάτῳ Reiske

24. Ed Duebn. p. 147

25. 15 τὰ Τυρταίου ἔπη vi. ad or 25. 7 a || 16 Τελεσίλλης μέλη cf Plut mul virt 4 Clem. Alex. atr. 4 19 Lucian. amor 30 Athen 11 467f || 17 Ἀνακρέων sq. vi. or 18.9 l sq. or 29.2 b

26. 15 Σπαρτιάτας — 17 ᾠδή p || 21. 22 Ὀρφεὺς — p. 433.4 ᾠδῇ p

27. 1 περὶ] ἐπὶ Μarkl. |ἰοῦσα] οὖσα (vel ἰδίουσα) Reiske μοῦσα Meiser || 9 ἀγαθῶν φ α(δ) | παραστάτις (τις in ras .) R! | σύσσιτος ϛ (δΔ) || 10 συστράτηγος Reiske (Duebn .) || 12 πολιτείαις nescio unde Δ corr. Markl. || 19 αὐλοὺς] κάλλος Markl. || 21 εἰς τί] εἴ τι Combes || 21. 22 Ὀρφεὺς δὲ ἐκεῖνος p

28. 130 a

29. 4 καλῇ κηλούμενοι τῇ ᾠδῇ sq. cf. Dio Chrys. 53.8 ὑπερ- βάλλεσθαι τὸν Ὀρφέα· τὸ γὰρ λίθους τε καὶ φυτὰ καὶ θηρία κηλεῖν καὶ ἄγειν τί ἐστιν ἕτερον ἢ τὸ βαρβάρους ἀνθρώπους ἀσυνέτους τῆς Ἑλληνικῆς φωνῆς οὕτως ἄγαν χειρώσασθαι.. ἀτεχνῶς . . πρὸς κιθάραν κηλουμένους cf. etiam lambl. vit. Pyth 62 Lucian. imag. 14 astrol. 10 Horat. od. I 12.2 epist. lI 3. 392 || 6. 7 ἄλλος ἦν sq. scil. Amphion cf. Plat. Gorg. 485 e Horat. ep. lI 3. 394 Lucian. imag. 14

30. 5 δρῦς — ἐγένετο Apostolius Cent. XI 10 (,,pro proverbio venditans “unde recepit ea Erasmus Adag. p. 71)

31. 2 τούτων MN || 3 ἑκόντες Ὀδρύσαι MNα(δ) || 5 μαινὰς (αι in ras.) R! πέτρας Dav. μελίας Scaliger (Duebn. ) | ἐγένετο] ἐλέγετο Markl. | ἀγενὲς (pr. man.) R! || 8 οὐδὲ om α (θ) || 11 περιέβαλεν ϛ (δ Δ) || 14 〈ἐν〉 χοροῦ Reiske (Duebn.) ||16 ὁ (pro οἱ) δὲ MN (in mge corr. ) ὅτε α(δ Δ0) | ἤρεσσον α(δ Δ) sed cf. ἐσθίω εἴσθιον Thucyd. III 49 al Crönert l l. 255 adn. 3

32. 2. 3 θαλάττια καὶ ἠπειρωτικά ut or. 35. 3 b συμβολαίων sq 11 προσαναγκάζουσα συμφθέγγεσθαι sq. ut or. 33.8 d vers. finem 13 παντὶ τῷ ἡδεῖ φαινομένῳ vi. supra § l 4e || 18 περὶ..τὰ αὐτὰ φάρμακα sq nam nulla τέχνη θεωρηματικὴ ἑαυτῆς vi or. 27. 3 a τέλος δὲ sq. et quae ibi adnotavi

33. 1 ἐλευσινόθεν in mge repetit. (schol. vet. a) R!

34. 1 χορῷ (ω in ras .) R! || 6 πλείω ϛ (δ Δ) || 7 ἀγαθὴ — ξυνεργός om. θ | εἰρήνης (ης in ras.) R! || 8 ἀγαθὴ ἥδε ἐν Markl. 9 〈πάνυ〉 ταχεῖα Reiske || 12 αὐτῆς (τῆς in ras. ) R! αὐτοῖς MN φ α(θ) || 13 in mge σημείωσαι N || 15 ὀνομάζουσα α(δ) |αὑτῶν] αὐτὴν α(δ) || 17 καλεῖ MNα(δ) corr Heins. ἀπολελειμμένην Reiske || 18 δὲ αὐτὰ τὰ φάρμακα φ α(δ Δ0) || 20 πολλοὶ τὸ φαῦλον Reiske (Duebn.)

35. 130 b

36. Ed. Duebn P. 148

37. 8 τὸ δʼ ἔργον sq. cf Plat republ. VII 561 a sq. Plut Ei ap. Delph. 6 vi. etiam ad or 24. 6 c ||11 καθάπερ εἴ τις ἠπειρώτης sq. simil or 8. 4 c || 16 πέλαγος πλατὺ sq. ut or 30. 2 b 21. 8 a 17 κεχυμένον sq vi. simil. or 34. 4 c || 19. 20 ὥσπερ οἱ φωλεοὶ τοῖς ἑρπετοῖς vi. or. 27. 5 h

38. 1 τῷ φαύλῳ del Duebn ||3 αὐτὴ Markl. (Duebn.) || 7 τι] τοι Meiser del. Reiske γεωργίᾳ (quam non solum ipsam agri cul- turam, sed etiam philosophiam quandam esse docet p. 294. 11) RMN γεωμετρίᾳ cett. (δ Δ) || 8 αὐτό] αὐτῆς φ α(δ Δ0) || 9 αὕτη (τη in ras.) R! αὐτῇ φ α(δ Δ0) || 9 10 παρασκεύαζειν Markl. (Duk.) 11 εἴ τις om .α(δ) corr. Heins || 13 νηῒ in ras. R! || 15 οἶμαι nescio unde δΔ 16 〈τὸ〉 πέλαγος α(δ) || 17 〈καὶ〉 κεχυμένον α(δ) | ὑπὲρ] περὶ Markl. | τὴν γῆν Markl. || 18 πρόσθεν] πρῶτον M (pr. man.) N φ α(δ) πρότερον Markl. | εἶχές τε] εἴχετε Schottus εἶχές γε Dav.

39. 131 a

40. (μ 3/4)

41. 2 τὸ σόφισμα τοῦτο ut philosophia Chrysippi aliorum vi. or. 4.3 b; 26 2 f ex eadem sententia Daedali τέχναι ἄτοποι dicuntur or. 31. 3 d || 3. 4 ὄρνιθος δίκην ut or 36. 5 b: etiam or. 10.2 f 4 διαπτήσεται πανταχοῦ ut anima Aristeae or. 10. 2 f || 9 φέρον . ἔχον ut or. 8. 6 d κόρυν φέρουσαν || 15. 16 ἀποδειλιᾶν πρὸς τὸ πέλαγος sq. vi.or. 30 1 f or. 33. 3 b vers finem || 16. 17 ἀγαγοῦσα .. εἰς . . πέλαγος vi. simil or. 30. 4 f ἄγε λαβὼν sq.

42. 1 ἑκάστης α(δ) corr Markl. || 2 ἐμηχανευσάμην R! ἐμηχανη- σάμην cett. (δΔ) || 3 τοῦτό σε Reiske (Duebn.) || 4 διαπτήσεται || 4. 5 μάθε τοῦτο· καὶ Ϛ(δ Δ) || 5 λέγω τὶς MN λεγέτω τὶς φα(δ) λέγοι τις Markl. |ἢ ἐκείνη — 6 λέγει del. Heins. || 6 θεὸς ἡ] θεὸς αὐτὴ Reiske | λέγοι Markl. λεγέτω Reiske | βλέψαι MN α (δ) || 10 δοκεῖς] ποθεῖς Markl | δὲ ὁρᾶν] διορᾶν Markl. || 15 πρὸς τὸ πέλαγος del Schenkl || 15.16 πρὸς τὸ πέλαγος om. MN φα(δ) del Lennep (ad Phalar. 44) πρὸς τὸ πλάτος Meiser πέλαγος suspectat etiam Duebn || 17 κεῖσʼ κεῖσε R! κἀκεῖσ᾿ MN κα- κεῖσε α δ || 18 ὅθι (ι in ras. ) R! | ἠριγενείας α(δ)

Maximus of Tyre Dialexeis 37

ed. Hermann Hobein

Search the Perseus Catalog for:

ΛΖ΄ XXXVII (Duebn. XXXVII vulg. 21)

Current edition First1KGreek

Notes on the current edition

Stable identifiers