Search the Perseus Catalog for:

← Previous Next →

ΚΘ΄ ¹ XXIX (Duebn. XXXV vulg. 19)

Τί τέλος φιλοσοφίας.

Ὁ μὲν Κροτωνιάτης ἐρᾷ κοτίνου Ὀλυμπικῆς, ὁ δὲ Ἀθηναῖος νίκης τριηρικῆς, ὁ δὲ Σπαρτιάτης ὁπλιτικῆς, ὁ Κρητικὸς θήρας, ὁ Συβαρίτης χλιδῆς, ὁ Θηβαῖος αὐλῶν, ὁ Ἴων χορῶν· καὶ ἔτι δ᾿ αὖ ὁ μὲν χρηματιστὴς
χρυσοῦ, ὁ δὲ φίλοινος μέθης, ὁ δὲ μουσικὸς ἔρωτος, ὁ δὲ φιλῳδὸς μελῶν, ὁ δὲ ῥήτωρ λόγων·

τουτὶ δὲ τὸ θρέμμα, ὃν καλοῦσιν οἱ ἄνθρωποι φιλόσοφον, πότερα ἀνέραστος ἡμῖν ἐστιν πάντων χρημάτων; Ἠλιθίου ἂν ³⁴⁵⁶⁷ εἴη ὁ βίος, μή τι γε ζῴου ὁρῶντος καὶ ἐμπνεομένου καὶ κινουμένου καὶ φρονοῦντος, ἔχοντος ὁρμὰς καὶ αἰσθήσεις καὶ ὀρέξεις. Ἀλλὰ ἐφίεται μέν τινος, εἰπεῖν δὲ οὐκ ἔχει ξυλλήβδην ὀνόματι ἑνί, ὅτου ἐρᾷ.

Εὐδαιμονίας,
φησί. Μακάριος τῆς εὐηθείας, εἰ οἴει τῶν παιδικῶν ἐκστήσεσθαί σοι ἕνα γέ τινα τῶν ἐκ τοῦ καταλόγου ἀνδρῶν, ἀλλʼ οὐκ ἀποκρίνεσθαι ἕκαστον, ὡς εὐδαιμονίας εἵνεκα ὁ μὲν ἀθλεῖ, ὁ δὲ πεινῇ, ὁ δὲ χρηματίζεται, ὁ δὲ κυνηγετεῖ, ὁ δὲ γεωργεῖ, ὁ δὲ πολε||μεῖ,
ὁ δὲ ἐρᾷ, ὁ δὲ ᾄδει, ὁ δὲ λέγει.

Ἤτοι, εἰ ὁ ⁸ Σαρδανάπαλλος ἐκεῖνος, ὁ τὸ σῶμα ἐκτετριμμένος, καὶ τὼ ὀφθαλμὼ ἐκτετηκώς, καὶ τὴν χαίτην διαπεπλεγμένος, καὶ ἐν πορφυρίσιν κατορωρυγμένος, καὶ ⁹¹⁰¹¹¹² ἐν βασιλείοις κατακεκλεισμένος, καὶ παλλακίσιν ἀναμιεμιγμένος, ἄλλό τι ἐδίωκεν, οὐκ εὐδαιμονίαν; οὐ γὰρ δὴ κακοδαίμων ἑκὼν ἦν.

Τί δέ; ὁ Πέρσης ὁ τὰ Αἰγυπτίων ἱερὰ ἀφανίζων πυρί, καὶ λοιδορούμενος τῷ ποταμῷ, καὶ καταθύων τὸν βοῦν τὸν Ἄπιν, ἄλλό τι

ἢ καὶ οὗτος ἐπὶ ταὐτὰ σπεύδων ταῦτα ἔδρα; ὁ μὲν γὰρ Ξέρξης καὶ ἀμφισβητῆσαι ἄν μοι δοκεῖ πρὸς τὸν Δία περὶ εὐδαιμονίας (τοσοῦτον αὐτοῦ οἶμαι ἐπειλῆφθαι | αὐτῆς), καὶ ὅτι αὐτῷ ἡ Ἀσία πρὸς τὴν Εὐρώπην ¹³ ξυνεδεῖτο θαλαττίαις ὁλκάσιν εἰς γεφύρας σχῆμα
ἐφημέρῳ δεσμῷ.

Καὶ μὴν Ὁμήρῳ ὁ Ποσειδῶν ἰσοτιμίαν ἄγει, παρὰ δὲ τούτου, ὡς ᾤετο, καὶ πληγὰς λαμβάνει, εἰς δεσμωτήριον ἐμβάλλεται.

Τί λέγω βασιλεῖς βαρβάρους; οὐχ ὁρᾷς τὸν Πεισίστρατον τὸν Ἕλληνα, τὸν Ἀθηναῖον ἐπὶ τὴν ἀκρόπολιν
ἀεὶ θέοντα, ὥσπερ τῆς εὐδαιμονίας αὐτῷ κατορωρυγμένης ¹⁴¹⁵¹⁶¹⁷ ἐκεῖ σὺν τῇ ἐλαίᾳ τῇ παλαιᾷ, κἂν ἐκπέσῃ,

μὴ ἀνεχόμενον καθʼ ἡσυχίαν ζῆν; Πολυκράτην μὲν γὰρ οὐδὲ τὸ ἐξ Αἰγύπτου νουθέτημα ἔπεισεν μὴ φρονεῖν μέγα ἐπὶ εὐδαιμονίᾳ, ὅτι ἐκέκτητο θάλατταν Ἰωνικήν,
καὶ τριήρεις πολλάς, καὶ σφενδόνην καλήν, καὶ Ἀνακρέοντα ἑταῖρον, καὶ παιδικὰ Σμερδίην. Ἀλλʼ οἵδε μὲν ἐοίκασιν οἱ δυνάσται ἐξηπατημένοις ὑπὸ ἁβρότητος καὶ ἡδονῆς, εὐπροσώπων κακῶν.

Ὁμήρου δὲ οὐκ ἀκούεις ἐγκωμιάζοντος τοὺς
(Hesiod. fr. 101) Αἰακίδας, ὅτι ἦσαν ἄνδρες πολέμῳ κεχαρηότες, ἠΰτε δαιτί; Καὶ τί ἂν εἴη πολέμου ἀχαριστότερον; ἀλλὰ καὶ ὣς τὸ ἄχαρι δήπου πρᾶγμα ἔτυχεν καὶ τοῦτο οὐ φαύλων
ἐραστῶν.

Οἷος ἦν καὶ ὁ Φίλιππος αὖθις ποτέ, ᾧ κατὰ Μακεδονίαν ἐξὸν μένειν, καὶ ζῆν ἐπὶ τοῖς Ἀμύντου ἀγαθοῖς, καὶ τῇ Περδίκκου εὐδαιμονίᾳ, ἐζήτει ταύτην περϊιὼν ἄλλοθι, ὥσπερ ἐκπεπτωκυῖαν τῆς Μακεδόνων ¹⁸¹⁹²⁰ γῆς.

Καὶ διὰ τοῦτο, ὡς ἔοικεν, Τριβαλλοῖς ἐπολέμει, Ἰλλυριοῖς ἐπῄει, ἐπολιόρκει Βυζάντιον, κατέσκαπτεν Ὄλυνθον, Ἀθηναίους ἐξηπάτα, Θετταλοῖς συνετίθετο, Θηβαίοις ἐσπένδετο, Ἐλάτειαν ἐλάμβανεν, Φωκέας ἀνίστη, ἐπιώρκει, ἐψεύδετο, ἐπηροῦτο· οὐδὲν ἦν Φιλίππῳ
²¹ ἀπώμοτον, οὐ ῥῆμα, οὐκ ἔργον, οὐκ αἰσχύ|νη, οὐκ ²² ἀδοξία. Ἐρώμεθα τὸν Φίλιππον·

‘Τίνος ἀντικαταλλάττῃ πόνους τοσούτους, καὶ κινδύνους πραγμάτων, καὶ πηρώσεις σωμάτων; κακοδαιμονίας ἐρᾶς’; Γελοῖον τὸ ἐρώτημα. Ἀλλʼ οὐχ εὗρε δήπου τὸ ζητούμενον ὁ Φίλιππος,
ἀλλʼ ἐξανασ〈τᾶσα ἔλα〉θεν αὐτὸν ἡ εὐδαιμονία. Καὶ διὰ τοῦτο ὁ Ἀλέξανδρος, χαίρειν τὲ τῇ Εὐρώπῃ φράσας, ὡς ἐρήμῳ ἀγαθῶν, εἰς τὴν Ἀσίαν ἐπεραιοῦτο, ὑποπτεύων τὴν εὐδαιμονίαν ἢ ἐν Σάρδεσιν ἐν τῷ χρυσῷ ψήγματι κατορωρύχθαι, ἢ ἐν Καρίᾳ ἐν τοῖς
²³ Μαυσωλοῦ θησαυροῖς, ἢ ἐν τοῖς Βαβυλωνίων || τείχεσιν, ἢ ἐν τοῖς Φοινίκων λιμέσιν, ἢ ἐν ταῖς Αἰγυπτίων ἠόσιν, ἢ ἐν ταῖς Ἀμμωνίων ψάμμοις.

Οὐκ ἐξήρκεσεν δʼ αὐτῷ οὐ Δαρεῖος φεύγων, οὐκ Αἴγυπτος ληφθεῖσα, οὐκ Ἄμμων πατήρ, οὐ Βαβυλὼν ἁλοῦσα·
²⁴²⁵²⁶ ἀλλʼ ἐπὶ τὴν Ἰνδῶν γῆν ἔδραμεν αὐτοῖς ὅπλοις.

Ἐρώμεθα τὸν Ἀλέξανδρον τὴν αἰτίαν τοῦ δρόμου· ‘Τί ποθεῖς; τίνος ἐρᾷς; ἐ

Ἔα μοι τοὺς βασιλεῖς καὶ τοὺς δυνάστας. Τὰ δημοτικὰ οὐχ ὁρᾷς; ὡς πᾶς ἀνὴρ πανταχόθεν ἐπὶ ταὐτὸ θεῖ, ὁ μὲν γῆς ἁπτόμενος, ὁ δὲ περὶ θάλατταν πραγματευόμενος, ὁ δὲ περὶ πολέμους ἀσχολούμενος, ὁ δὲ περὶ λόγους σχολὴν ἄγων, ὁ δὲ γάμον λαμβάνων, ὁ
δὲ παῖδας τρέφων, ὁ δὲ λῃστεύων, ὁ δὲ ὑβρίζων, ὁ δὲ δωροδοκῶν, ὁ δὲ μοιχεύων, ὁ δὲ μισθοφορῶν· κινδυνώδεις ὁδοὺς καὶ σφαλερὰς οἱ πολλοὶ ἰόντες, ἐπʼ αὐτῶν τῶν κρημνῶν καὶ τῶν βαράθρων· οὓς οἰκτείροι ἄν τις· τοῦτο δὲ οὐκ, ἂν λάθωσιν. Καὶ οὗτοι μὲν
σπουδαστικοί τινες τοῖς βίοις· τὸ δὲ ἀργὸν καὶ ἀλύον τοῦτο πλῆθος, ἆρα καὶ τοῦτο προήκατο τὴν τοῦ ἀγαθοῦ ἐλπίδα; οὐδαμῶς μὰ Δία.

Οὐ γὰρ ἂν οὔτε οἱ ²⁷ κόλακες πράγ|ματα εἶχον τὰς τῶν πλησίον ἐπιθυμίας θεραπεύοντες, οὔτε οἱ βωμολόχοι τῶν θαλιῶν καὶ γελώτων
κθηρώμενοι γενέσεις τὲ καὶ ἀγωγάς, οὔτε οἱ ²⁸²⁹³⁰τὰ θαύματα ἐπιδεικνύμενοι, ἐκκλώμενοί τε καὶ στρεβλούμενοι τὰ σώματα, οὔτε ἄλλος ἄλλό τι ἐπιμηχανώμενος σπουδῇ, κἂν μάταιον ᾖ.

Ἦλθεν εἰς Βαβυλῶνα ἀνὴρ Ἴων παρὰ τὸν μέγαν βασιλέα, τέχνην τινὰ ἐπιδεικνύμενος διαφέρουσαν εὐμηχανίᾳ.
Ἁμάξας στέατος ποιούμενος μικρὰς στρογγύλας, κατὰ βελόνης ὀρθίου πόρρωθεν ἀφιείς, τῆς βελόνης ἄκρας ἐτύγχανεν, καὶ ᾤετο δήπου μέγα εἶναι αὐτῷ ἀγαθὸν τὴν εὐστοχίαν τῆς βελόνης, οὐχ ἧττον ἢ ὁ Ἀχιλλεὺς τὴν τῆς μελίας τῆς ἐκ τοῦ Πηλίου

Καὶ
ἐν Λιβύῃ ἀνὴρ Λίβυς, Ψάφων ὄνομα, ἐραστὴς εὐδαιμονίας οὐ ταπεινῆς, μὰ Δία, οὐδὲ τῆς περιθεούσης ταύτης, ἀλλὰ ἤθελεν γὰρ θεὸς εἶναι δοκεῖν·

ξυλλαβὼν οὖν τῶν ᾠδικῶν ὀρνίθων πολλούς, ἐδίδασκεν ᾄδειν τοὺς ὄρνιθας· ‘Μέγας θεὸς Ψάφων’· καὶ ἠφίει αὖθις
³¹³²³³³⁴ ἐπὶ τὰ ὄρη. Οἱ δὲ οἱ αὐτοί τε ᾖδον, καὶ οἱ ἄλλοι ὄρνιθες ἐθιζόμενοι τῇ φωνῇ.

Λίβυες δὲ θείαν νομίσαντες εἶναι τὴν φήμην, ἔθυον Ψάφωνι, καὶ ἦν αὐτοῖς θεὸς ὑπὸ ὀρνίθων κεχειροτονημένος· οὐδὲν οἶμαι τοῦ
Περσικοῦ φαυλότερος, ὃν οὐ πρότερον προσεκύνησαν Πέρσαι, πρὶν αὐτὸν ἐχειροτόνησεν ἐπὶ τὴν ἀρχὴν ὑβριστὴς ἵππος.

Οὕτως ἄρα οὐδὲν ἕτερον ἑτέρῳ ὁμολογεῖ τῶν ἀνθρωπίνων, ἀλλὰ πάντες ἔρωτος κοινωνοῦντες ἑνὸς τοῦ
πρὸς τὸ ἀγαθόν, ἵενται πολλὰς καὶ παντοδαπὰς ὁδούς, ἄλλος ἄλλης πράξεως νενεμημένος καὶ μοῖραν καὶ τύχην. ³⁵Καὶ κοινὸς μὲν πᾶσιν ὁ τοῦ ἀγαθοῦ πόθος, τυγχάνει δὲ τοῦ ζητουμένου οὐδὲν μᾶλλον ἄλλος ἄλλου·

ἀλλὰ ὥσπερ οἱ ἐν σκότῳ χρυσὸν καὶ ἄργυρον μαστεύοντες,
ἄποροι ὄντες τοῦ τὸ θηρώμενον ἐλέγξοντος φθόγγου, βρίθει καὶ ἐπαφῇ ἄπιστον εἰκασίαν λαβόντες, περιπίπτοντες ἀλλήλοις καὶ διαδάκνοντες, οὔτε ἀφιέναι τολμῶσιν, μὴ || ἄρα ἔχωσιν, οὔτε παύσασθαι πονούμενοι, ³⁶ μὴ ἄρα οὐκ ἔχωσιν·

ἔνθα δὴ θόρυβος, καὶ στάσεις,
καὶ παρακελεύσεις· φωναὶ ζητούντων, στενόντων, διωκόντων, ὀδυρομένων, ἁρπαζόντων, ἀφαιρουμένων· καὶ βοῶσιν μὲν πάντες καὶ παιωνίζουσιν, ὡς δῆτα ³⁷³⁸ ἐντετυχηκότες τῷ ἀγαθῷ, ἔχει δὲ οὐδείς, ὑπὸ δὲ ἀπιστίας τὰ τοῦ πλησίον ἕκαστος ῥήματα διερευνᾶται.

Τοῦτο τὸ πάθος ταράττει τὴν γῆν καὶ τὴν θάλατταν, τοῦτο ἀθροίζει τὰς ἐκκλησίας, τοῦτο συνάγει τὰ δικαστήρια, τοῦτο πληροῖ τὰ δεσμωτήρια, τοῦτο
πήγνυσιν ναῦν, τοῦτο τριήρεις καθέλκει, τοῦτο πολέμους συντάττει, τοῦτο ἀνεβίβασεν ἐπὶ ἵππους ἱππέας, ἐπὶ ἅρματα ἡνιόχους, ἐπὶ ἀκρόπολιν τυράννους.

Διὰ τοῦτο ξεναγοί, διὰ τοῦτο μισθοφόροι, ³⁹ ἄνδρας μὲν κτείνουσι, πόλιν δέ τε πῦρ ἀμαθύνει,
τέκνα δέ τʼ ἄλλοι ἄγουσι βαθυζώνους τὲ γυναῖκας. Καὶ ἄλλων μυρίων κακῶν ἀνέχονται οἱ ἄνθρωποι διʼ οὐδὲν ἄλλο, ἢ διʼ ἐλπίδα ἀγαθοῦ καὶ ἄγνοιαν.

Ἐνέφυσεν
γάρ τι ὁ θεὸς ζώπυρον τῷ τῶν ἀνθρώπων γένει τῆς προσδοκίας τοῦ ἀγαθοῦ, ἀπέκρυψεν δὲ αὐτοῦ τὴν εὕρεσιν· ⁴⁰ ῥίζῃ μὲν μέλαν ἔσκε, γάλακτι δὲ εἴκελον ἄνθος·

οὐ γὰρ ἐξαπατήσει με Ὅμηρος τῷ ὀνόματι. Ὁρῶ τὸ
μῶλυ, καὶ συνίημι τοῦ αἰνίγματος, καὶ σαφῶς οἶδα, ὡς χα|λεπὸν εὑρεῖν τὸ χρῆμα τοῦτο ⁴¹⁴² ἀνδράσι γε θνητοῖσι· θεοὶ δέ τε πάντα ἴσασιν.

⁴³⁴⁴⁴⁵⁴⁶

Νῦν δὲ τοῖς ἀνθρώποις περὶ μὲν ἀτόπου λέβητος ὁ Ἀπόλλων λέγει ἑψομένου ἐν Λυδοῖς, καὶ τὸ ξύλινον τεῖχος λέγει, καὶ τὸ στένυγρον ἰσθμόν, καὶ σεισμὸν μέλλοντα, καὶ ἐπιόντα πόλεμον, καὶ κατιόντα
λοιμόν·

τὸν δὲ τούτων πρεσβύτερον χρησμὸν οὐ λέγει, ὅπως πόλεμος μὴ γένηται, πῶς τείχους μὴ δεηθῶ, πῶς λοιμὸν μὴ φοβηθῶ.

Ἀλλʼ ὁ μὲν Ἀπόλλων ταῦτα ἐκ Δελφῶν οὐ λέγει, οὐδὲ ὁ Ζεὺς ἐκ Δωδώνης λέγει, οὐδὲ ἐξ ἄλλης γῆς ἄλλος θεός· φιλοσοφία δὲ λέγει.
Ὢ χρησμοῦ καλοῦ, καὶ μαντικῆς πολυωφελεστάτης·

πείσομαι τῇ χρησμῳδίᾳ, ἐὰν ὡμολογημένην ταύτην ἴδω. Ἀστασίαστόν μοι χρησμὸν λέγε· τοιαύτης δέομαι μαντικῆς, ᾗ πεισθεὶς βιώσομαι ἀσφαλῶς.

Ποῖ πέμπεις τὸ τῶν ἀνθρώπων γένος; τίνας ὁδούς; ἐπὶ ποῖον τέλος;
ἓν τοῦτο ἔστω, κοινὸν ἔστω.

Νῦν δὲ καὶ φιλοσοφίας ὁρῶ πολλὰς ἀποικίας, ἄλλον ἀλλαχοῦ στελλόμενον· ὡς ἐπὶ Βοιωτίαν Κάδμον, ὡς Ἀρχίαν ἐπὶ Συρακούσας, ⁴⁷⁴⁸⁴⁹⁵⁰ ὡς Φίλανθον ἐπὶ Τάραντα, ὡς Νηρέα ἐπὶ Μίλητον, ὡς Τληπόλεμον ἐπὶ Ῥόδον.

Ἢ τὴν μὲν γῆν ἀνάγκη νενεμῆσθαι τοῖς τόποις, καὶ οἰκεῖν ταύτης ἄλλους ἄλλην μοῖραν· τὸ δὲ ἀγαθὸν ἕν, ἀνέμητον, ἄφθονον, ἀνενδεές, πολυαρκὲς πάσῃ φύσει λογιστικῇ καὶ διανοητικῇ· ὡς
ἥλιος εἷς ἀγαθὸν ἓν φύσεως ὁρατικῆς, καὶ μουσικὴ μία ἀγαθὸν ἓν φύσεως ἀκουστικῆς, καὶ ὑγίεια μία φύσεως σαρκίνης.

Ἀλλὰ τοῖς μὲν ἄλλοις ζῴοις κατ᾿ ⁵¹ἀγέλην || ἑκάστην ἀποκέκριται πρὸς σωτηρίαν ἀγαθὸν ἕν, καὶ κοινωνεῖ ἴσου βίου καὶ τέλους ἑνὸς τὰ ὅμοια
τοῖς ὁμοίοις, ἕκαστα ἑκάστοις, τὰ πετό|μενα, τὰ βαδίζοντα, ⁵² τὰ ἕρποντα, τὰ τὴν ὑγρὰν δίαιταν ἀσπαζόμενα, τὰ σαρκοφάγα, τὰ ποιηφάγα, τὰ καρποφάγα, τὰ ἀγελαστικά, τὰ ἥμερα, τὰ ἄγρια, τὰ εὔκερω, τὰ ἄκερω· κἂν μεταθῇς τοὺς βίους, παρανομεῖς περὶ τὴν φύσιν.

Τὴν δὲ τῶν ἀνθρώπων ἀγέλην, τὴν σύννομον, τὴν ἡμερωτάτην, τὴν κοινωνικοτάτην, τὴν λογικωτάτην, ⁵³⁵⁴⁵⁵ κινδυνεύει διαλύειν καὶ διασπᾶν οὐκ ἐπιθυμία δημώδης μόνον, οὐδὲ ὀρέξεις ἄλογοι, οὐδὲ ἔρωτες κενοί, ἀλλὰ καὶ τὸ βεβαιότατον τῶν ὄντων φιλοσοφία·

πολλοὺς καὶ αὕτη δήμους ποιεῖ καὶ νομοθέτας μυρίους,
διασπᾷ καὶ διασκίδνησιν τὴν ἀγέλην, καὶ πέμπει ἄλλον ἀλλαχοῦ, Πυθαγόραν μὲν ἐπὶ μουσικήν, Θαλῆ δὲ ἐπὶ ἀστρονομίαν, Ἡράκλειτον δὲ ἐπὶ ἐρημίαν, Σωκράτην δὲ ἐπὶ ἔρωτας, Καρνεάδην δὲ ἐπὶ

Ὁρᾷς τὸ πλῆθος
τῶν ἡγεμόνων· ὁρᾷς τὸ πλῆθος τῶν συνθημάτων. Ποῖ τις τράπηται; ποῖον αὐτῶν καταδέξωμαι; τίνι πεισθῶ τῶν παραγγελμάτων;

⁵⁶⁵⁷⁵⁸

Dialexeis. Maximus of Tyre. ed. Hermann Hobein. United States. 2017.

Funding provided by Harvard Library Arcadia Fund.

Current edition First1KGreek

Dialexeis (Greek) (Maximus of Tyre. Maximi Tyrii philosophumena. Hobein, Hermann, editor. Leipzig: Teubner, 1910.)

Notes on the current edition

Dialexeis

1. 120a

2. κθ΄

3. 1 ὑγίειαν scil. ἀρετὴν nam valetudo corporis virtus, aegri- tudo malitia cf. Plat. republ. lV 444d || 3 ἡ ὑπεροψία sq. scil. ἡ ἀπάθεια illa stoica cf. Epict. diss. IIl 22. 40 sq. IV 1. 76 sq. al. || 7 sq. in universum vi. or. 17. 2 a sq. | Κροτωνιάτης scil. ἀθλητής nam Κροτωνιατῶν ἔσχατος τῶν ἄλλων Ἑλλήνων πρῶτος Eustath. ad Dionys. Per. 369 | Ὀλυμπικῆς vi. or. 1. 4a; 34. 8c || 9 Κρητικὸς θήρας vi or. 17. 2 b | Συβαρίτης χλιδῆς ═ or. 21. 5 d vi. etiam or. 14. 2 b; 30. 5 f; 32. 3 b || 9 10 Θηβαῖος αὐλῶν vi. or. 17. 2 b || 11 μουσικὸς scil. vir (vel amator) probus qualis vel Socrates (vi. or. 19. 2 f) vel Anacreon (vi. or. 20.1 e)

4. 2 καὶ 〈ἡ〉 περὶ C | τουτὶ om. C

5. Codices RMNα(═ Stephanus)φ (═ Paccius); H(teste Davisio)

6. 7 ὁ μὲν — 10 χορῶν n | ὁ μὲν — 12 λόγων p

7. 4 (et 6 in mge) ΚΘ΄(κθ΄) R! || 6 τί τέλος φιλοσοφίας RN add. λόγος ιθ΄ φα τοῦ αὐτοῦ τί sq. M || 8 δὲ om. p || 9 σιβαρίτης MN || 11 μουσικὸς] φιλήδονος Meiser || 12 φιλῳδὸς pφα(δ Δ) φείδωλὸς (i. e. φειλωδοϲ) R! φειδωλὸς MN | ὁ δὲ ῥήτωρ λόγων om. φ || 13 πότερον nescio unde Δ || 14 ἀνέραστον Dav.2 | ἦ λίθου Scaliger(Δ)

8. Ed. Duebn. p. 137

9. 8 εὐδαιμονίας εἵνεκα sq. cf. Lucian. cyn. 8 Teles (Hense 38 sq.) | ὁ δὲ πεινῇ scil. avarus ille Tantali instar cf. Horat. sat. I 68 sq. || 12 τὼ ὀφθαλμὼ ἐκτετηκώς scil. propter libidinem vi. or. 31. 5 e || 13 ἐν πορφυρίσιν κατορωρυγμένος velut in sepulcro cf. Plut. Alex. fort. lI 3 τὸν Σαρδαναπάλου βίον ἄν τις ἢ τάφον

10. 4. 5 εὐδαιμονίας — 7 χρηματίζεται p

11. 11 in mge σαρδανάπαλλος (schol. recent.) R! | in mge infer. fol. 120a (vet. schol. a) R! (in mge) M ἐρῶντες ἐρώμενα κροτωνιάτης κότινος ὀλυμπικὴ ἀθηναῖος νίκη τριηρικὴ σπαρτιάτης νίκη ὁπλιτικὴ κρῆς θήρα συβαρίτης χλιδὴ θηβαῖος αὐλοὶ ἴων χοροὶ (inferiore litterarum parte plane abscisa R!)

12. 1 ὁ (ante βίος) om. (err. typ., non a Scaligero deletum ut falso adn. Duebn.) Δ⁰ | ἐμπνεομένου] ἐμπνέοντος Meiser || 6 ἐκ 〈τούτου〉 τοῦ Heins. || 7 ἀποκρινεῖσθαι Markl. || 8 πεινεῖ RN πεινᾶ p πίνει φ Markl. (Duebn.) πονεῖ Mα(θ) || 9 γεωργεῖ| χορεύει Markl. || 10 ἤτοι εἰ (subaudi ἀποκρινεῖται)] ἢ οἴει Markl. (Δ) ἢ τί οἴει Reiske || 11 ἐντετριμμένος Dav.2 (Duebn ἐκτεθρυμμένος Steph.

13. 120b

14. (οὐδὲν γὰρ οἶμαι διαφέρειν) θεασάμενος εἴποι τοῦτο τῶν τῆς τύχης ἀγαθῶν τρόπαιον εἶναι ceterum similitudinem suppeditavit or. 7. 5 e

15. 1. 2 παλλακίσιν ἀναμεμιγμένος vi. or. 4.9e cf. Plut. Alex. fort. II 3 Dio Chrys. 62.5 || 3 ὁ Πέρσης scil. Cambyses (ὁ δεσπότης cf. Themist. 19. 233) cf. Herod. IIl 16 sq. al. || 5 τὸν βοῦν τὸν Ἄπιν vi. or. 2. 5 a; 16. 6 a || 9 ἡ Ἀσία sq. vi. or. 14. 8 b ἀνίσταται sq. || 11. 12 ὁ Ποσειδῶν ἰσοτιμίαν ἄγει vi. or. 26. 7 f || 12. 13 πληγὰς λαμβάνει vi. or. 14. 8 b μαστιγοῦται sq. || 16 τῆς εὐδαιμονίας αὐτῷ κατορω- ρυγμένης ἐκεῖ vi. infra § lI f ἢ ἐν Σάρδεσιν sq. etiam or. 20. 6 h

16. 7 in mge ξέρξης 14 πεισίστρατος (schol. recentis.) R!

17. 2 εὐδαιμονίαν, οὐ· 〈οὐ〉 γὰρ Reiske || 3 Πέρσης — 4 πυρί om. MNα(δ) || 4 ὁ καὶ λοιδορούμενος Dav.2 (Duk.) || 5 Ἄπιν Duebn. || 6 ἢ] ἦ Dav.2 del. Markl. οὗτος ἢ ἐπὶ Markl. | ταὐτὰ] ταῦτα α(θ) ταύτην Reiske ταὐτὸ Markl. (Duebn.) | σπένδων α Heins.1 (err. typ.) || 8 αὐτὸν φα(δ Δ) αὑτὸν Dav.2 | οἶμαι] οἴεται Dav.2 || 9 καὶ ὅτι] διότι Dav.2 ὅτι καὶ ὅτι Markl. καὶ del. Duk. 〈ἄλλως τε〉 καὶ ὅτι Meiser | αὐτῷ 〈καὶ〉 ἡ Ἀσία Duk. || 11 μὴν 〈παῤ〉 Ὁμήρῳ φα(δΔ⁰ ) 11. 12 Ποσειδῶν 〈τῷ Διὶ〉 ἰσοτιμίαν σ2 Steph. (δΔ) || 13 〈καὶ〉 εἰς φα(δ Δ⁰ )

18. 2 Πολυκράτην sq. vi. etiam or. 30. 5 e || 5. 6 Ἀνακρέοντα sq. vi. or. 37. 5f || 6 Σμερδίην vi. or. 20.1 a || 7 ἐξηπατημένοις sq. vi. or. 20. 6 h ἐξαπατᾶται sq. || 8 εὐπροσώπων vi. or. 35. 6 c; 36. 2 a καὶ χρυσὸν sq. | Ὁμήρου immo Hesiodi si fides Polybio V 2 Suid. l 1. 1189 (Bernh.) (cf. Nauck Mel. Grec. Rom. IV 389) sed etiam apud Homerum ἄνδρες πολέμοιο δαήμονες (cert Hom. et Hes. 290) unde fortasse error Maximi || 13 τί . . πολέμου ἀχαριστότερον vi. or. 24. 6 b; 32.10k || 16 ἐξὸν sq. simil. de Achille vi. or. 34. 7 b ἐξῆν sq. or. 15. 9 a de Platone vi. etiam or. 41. 1 d

19. 1 in mge ἐλαία ἡ παλαιά 2 πολυκράτης 5 σφενδόνη | ἀνα- κρέων 6 σμερδίης (schol. recentiss.) R! || 15 in mge σημείωσαι· περὶ φιλίππου τοῦ μακεδόνος N

20. 1 ἐλαίᾳ (αιᾳ in ras.) R! | κἂν] καὶ RM fortasse recte 6 παιδι-κὰ R! | Σμερδί ην R! || 7 δυνάσται] δικασταὶ M || 12 κεχαρηότας Hesiodus || 14 τὸ εὔχαρι M || 15 ποτέ, ᾧ (τε ῳ in ras.) R! | ᾧ] ὃς Dav.2 || 17 Περδίκου R

21. ΜΓ΄

22. 121a

23. Ed. Duebn. p. 138

24. 14. 15 τὴν εὐδαιμονίαν . . κατορωρύχθαι vi. supra § lla ὥσπερ sq. || 16 ἐν τοῖς Βαβυλωνίων τείχεσιν vi. or. 21. 3 g cf. Dio Chrys. VI 37 || 18 Ἀμμωνίων ut Lucian. dial. mort. 13.1 οἱ τῶν Ἀμ- μωνίων προφῆται || 20 Ἄμμων πατήρ vi. or. 41. 1 a cf. lulian. l 46 a Lucian. dial. mort. 13. 1

25. 12 in mge ἀλέξανδρος 16 μαυσωλός (schol. recentiss.) R1

26. 6 in mge ΜΓ΄ (numerus quaternionis) R! || 9 σωμάτων] ὀμ- μάτων Markl. (Duebn.) || 10 ἐρώτημα (τη in ras.) R! || 11 ἐξανασ- 〈τᾶσα ἔλα〉θεν (vel ἐξανέσ〈τησεν δῆ〉θεν?)Hob. ἐξαναισθεν R (sine acc.) MN ἐξαναισθών α ἐξαναλυθέν H ἐξανέστησεν φ(δ Δ) ἐξέστη Reiske ἐξώλισθεν Meiser de ἐξαναισθητόω cogitat Schenkl || 12 χαίρειν τῇ (om. τὲ) nescio unde δ Δ || 13 ἐπεραιοῦτο R! Mφ Reiske ἐκπεραιοῦται cett. (δΔ) || 18 ἠόσιν (ut p. 25. 9 R p. 144. 12 M) RM ἠϊόσιν cett. (δ Δ) | οὐκ om. α(δ) 20 Ἅμμων R!

27. 121b

28. 6 πᾶς ἀνὴρ sq. quae omnia vir vere cynicus respuit vi. or. 36. 2 a sq. || 7 ὁ . . γῆς ἁπτόμενος — 9 σχολὴν ἄγων vi. or. 15. 1 b simil. etiam or. 26. 1 a; 36. 6 b || 9 ὁ γάμον λαμβάνων sq. vi. or. 36. 6 b || 10 ὁ λῃστεύων sq. vi. or. 5. 7 b || 11.12 κινδυνώδεις ὁδοὺς sq. vi. or. 8. 7 e; 30. 2 d || 15. 16 τὸ ἀργὸν . . τοῦτο πλῆθος vi. or. 16. 4 g || 17. 18 οἱ κόλακες sq. vi. or. 35. 3 c

29. 1 τὴν in ras. R! || 3 ἄλλο τὶ ϛ(δ Δ) || 9 ἄγων (γων in ras.) R! || 13 τῶν (ante βαράθρων) om. MNα(δ Δ⁰) | βάθρων R βόθρων H (Dav.2) || 14 τοῦτο δὲ οὐκ] τοῦτο 〈ποιοῦντας, ὃ ποιοῦντες〉 οὐκ Reiske τοῦτο 〈παθόντες〉 (del. οὐκ) Meiser sed intellege: quorum est sane quem misereat, id quidem non tum, cum illi errant neque sentiunt (possunt enim sentire dumomodo philosophia duce usi ire voluerint) | οὐκ⌋ ἂν οὐκ, κἂν Duk. || 18 πλησίον] πλουσίων Merkl. (Duebn.) || 19 θαλιῶν (vel θαλειῶν cf. Plat. republ. IX 573 d) Hob. θάμων R (sine acc.) MN (lac. relicta) θαμβῶν φα(δ Δ) ἰάμβων Reiske μίμων Meiser ὕθλων Schenkl

30. CH

31. 11 Ψάφων sq. immo Hanno ὁ Καρχηδόνιος si fides est Aeliano (v. hist. XIV 30) vel Apsephas si scholiastae Dion. Chrys. I 3

32. 10.11 καὶ ἐν — p. 345. 4 κεχειροτονημένος p || 11 ἐν — p. 345. 4 κεχειροτονημένος Apostolius Cent. XVIII 48 (═ Arsen. LV 8) (:Ψά- φωνος ὄρνιθες· ἐπὶ τῶν μεγίστην ἑαυτοῖς δόξαν θηρωμένων)

33. 4 in mge σημείωσαι· περὶ τοῦ ἐξ ἰωνίας μηχανικοῦ καὶ τῶν ἀμαξῶν τῶν κατὰ ὀρθιβελόνας ἀφιεμένων (schol. vet. a) R! || 10. 11 in mge σημείωσαι· περὶ ψάφωνος τοῦ λίβυος καὶ τῆς τῶν ὀρνίθων παῤ αὐτοῦ διδαχῆς (schol. vet. a) R! ||

34. 1 in mge ϲη(μειωψαι) (schol. vet. u) R ! || 6 ἁμάξας (═ ἁμα- ξίδας placentae genus teste schol. ad Aristoph. nub. 864)] ἁμα- ξίδας Combes μάζας Scaliger Leopardus (Emendat. XVIII 28) σφαίρας Hemsterhus ad Polluc. VII 189 | στέατος Dav.2 στέατι Markl. (Duebn.) τὲ ἅτε RMN τινὰς α(δΔ⁰) ceterum simile est artificium in theatris nostris ‘varietati artium’ destinatis non- numquam visum scil. cum ioculator ille (‘jongleur’) pomis vel pomorum similibus quibusdam rebus farina et aqua fictis (vel στέατος) inter spectatores distributis hos iubeat hinc illinc e se- dibus comminus eminus in scenam deicere ubi aculeo quodam in fronte alligato (βελόνης ὀρθίου) ipse ea excipit || 11 Λίβυς (λιβ in ras.) R! | ἐρασθεὶς Apost. || 13 ἀλλὰ 〈μείζονος〉 ἤθελε Pantinus

35. 122a

36. Ed. Duebn. p. 139

37. 2 ἐθιζόμενοι τῇ φωνῇ vi. or. 1. 7 b || 7 ὑβριστὴς ἵππος cf. Herod. lII 85 || 9 πάντες sq. cf. lulian. l 3 c || 10 πολλὰς καὶ παν- τοδαπὰς ὁδούς sq. vi. or. 11. 6 a || 14 ὥσπερ οἱ ἐν σκότῳ sq. vi. or. 11. 2 a αὐτὸ ἐκεῖνο sq. || 20 ζητούντων sq. vi. simil. or. 1. 4 e; 26. 1 a; 35. 5 c

38. 1 ὄρη] ἤθη (cum Aeliano) Meiser | οἱ (ante αὐτοὶ) om. Apost. (Δ) δὴ Markl. || 2. 3 νομίζοντες p || 3 φήμην] φωνήν Pan- tinus || 4 χειροτονούμενος Apost. || 10 ἴενται R || 12 κοινὸς] καινὸς Duk. || 15 τοῦ τὸ] τοῦτο R | θηρώμενον (ρω in ras.) R | ἐξελέγξοντος α(δ) || 16 φθόγγου ÷ (θογ in ras.) R ! φέγγους Heins. φθόγγῳ Dav.2 (Duebn.) || 18 (et 19) ἆρα R || 20 〈καὶ〉 φωναὶ nescio unde δ Δ || 22 παιανίζουσιν α(δ)

39. (I 593/4)

40. (κ 304)

41. 122b

42. (κ 306)

43. 3 τοῦτο τὸ πάθος sq. vi. simil. or. 35. 7 b et 3 c || 14 καὶ ἄλλων sq. vi. or. 1. 5 f || 15 16 ἐνέφυσεν sq. vi. or. 1. 5 e || 20.21 τὸ μῶλυ scil. virtutem vi. or. 26. 9 h || 22 χαλεπὸν εὑρεῖν ut or. 1. 8 a al.

44. 15. 16 ἐνέφυσεν — 18 εὕρεσιν n | ἐνέφυσεν — 19 ἄνθος p

45. 20 in mge ὅμηρος (schol. recentis.) R!

46. 2 ῥήματα] εὑρήματα Markl. Wilamovitz ῥίμματα Meiser || 6 ναῦς φα(δ Δ) || 7 συντάττει] συνάπτει Markl. (Duebn.) || 14 καὶ 〈τῶν〉 ἄλλων α(δ Δ⁰) || 23 ἴσασιν] δύνανται Homerus

47. 1 περὶ . . ἀτόπου λέβητος sq. vi. or. 11. 6 c || 2. 3 τὸ ξύλινον τεῖχος vi. or. 13. 1 c, d || 4 ἐπιόντα πόλεμον vi. or. 11 6 d || 7. 8 Ἀπόλλων . . ἐκ Δελφῶν . . Ζεὺς ἐκ Δωδώνης vi. or. 8. 1 b || 12 τοιαύτης . . μαντικῆς sq. vi. or. 13. 8 a || 15. 16 φιλοσοφίας ὁρῶ πολλὰς ἀποικίας sq. vi. or. 26. 2 f; 30.1 f cf. Themist. π. ἀρετῆς 22. 443 lulian. VI 184c

48. 7 ὁ μὲν Ἀπόλλων — p. 348. 2 Ῥόδον p (om. tamen 8 λέγει (posteriore) — 15 νῦν δὲ)

49. 17 in mge κάδμος | ἀρχίας (schol. recentis.) R!

50. 2 Ἀπόλλων (ων in ras.) R! || 3 στενυγρὸν α(δΔ⁰) || 6 ὅπως (ὅ in ras.) | τείχους (ει in ras.) R! τύχους (τοίχους) M(N) pr. man. || 7 ταῦτα om. p || 8 οὐ om. p | οὐδὲ ὁ⌋ ὁ δὲ p | Δωδώνης (δω in ras.) R! || 9 φιλοσοφία λέγει (suprascr. δὲ) R! || 11 ὁμολογη- μένην R! (pr. man.) N || 13 πέμπεις (ει in ras.) R!

51. Ed. Duebn. p. 140

52. 123a

53. 2 τὴν μὲν γῆν sq. vi. or. 36. 2 a κληρουχήσαντες sq. || 4 τὸ ἀγα- θὸν ἕν vi. or. 39. 5 e cf. Ps. Plut. vit. Hom. 146 Apul. dogm. Plat. lII 5 Albin. 29 Plat. ap. Hippolyt. (Diels dox. 569. 18) | ἀνέμητον ἄφθονον ἀνενδεές ═ or. 39. 1 h || 6 ἥλιος sq. vi. etiam or. 20. 8 e τί γὰρ sq. || 6 7 μουσικὴ μία . . . ὑγίεια μία vi. or. 39. 2b et d cf. etiam Plat. symp. 187 a || 8 τοῖς . . ζῴοις . . . ἀποκέ- κριται sq. vi. or. 20. 6 c; 31. 4 a; 10. 5 f || 15 κἂν μεταθῇς sq. vi. or. 23. 4 b βοῦς ἀροῖ sq. etiam or. 31. 3 b || 16 τὴν . . ἀνθρώπων ἀγέλην sq. vi. or. 41. 5 d | σύννομον vi. or. 15. 4 a ἄνθρωπος sq.

54. 1 in mge φίλανθος | νηρεὺς | 2 τληπόλεμος (schol. recen- tiss.) R!

55. 1 Φίλανθον (cf. Eustath ad Dion. Perieg. 376)] Φάλανθον φ α(δ Δ) | Νιρέα α(δ) Νηλέα H (man. alt.) Heins. (Δ) || 2 ἦ φα(δ) || 5 λογικῇ Markl. (Duebn.) || 6 ἀγαθὸν (ον in ras.) R! || 7 ὑγεία α(θ) || 12 ἕρποντα τὴν (suprascr. τὰ) R! || 13 τὰ ποιη- φάγα om. MN φα(δ) || 14 εὔκερα, τὰ ἄκερα Nα(δ) || 16 τὴν τῶν (suprascr. δὲ) R! || 17 λογιστικωτάτην MNα(δ) corr. Markl.

56. 2 ὀρέξεις ἄλογοι ut ἐπιθυμίαι ἄλογοι or. 21. 7 c vers. finem 4 δήμους sq. vel στρατόπεδα vi. or. 26. 2 f vel ἀποικίας ut supra § VIII f || 6 Θαλῆ . . Ἡράκλειτον . . Διογένην . . . Ἐπί- κουρον sq. vi. or. 26. 2 f || 9. 10 τὸ πλῆθος ἡγεμόνων vel διδασ- κάλων vi. or. 1. 8 a || 10. 11 ποῖ τις τράπηται ut or. 23. 7 c; 35. 8 a

57. 3 ἀλλὰ — 9 ἡδονήν n || 3. 4 πολλοὺς — 9 ἡδονήν p

58. 4 αὕτη] ἡ φιλοσοφία p | ποιεῖ] ποιοῦσα Markl. || 6 Θαλῆν nα(δ Δ) || 8 ἔρωτα Markl. | ἄγνοιαν H et ita Clericus (silv. cr. IX 270) (Δ) | Διογένην δὲ n || 10 συν ÷ θημάτων R! | ποῖ] πῆ α(δ Δ⁰) || 11 καταδέξομαι N(Δ⁰) | τίνι (νι in ras.) R! | πεισθῶ (ω in ras.) R!

Maximus of Tyre Dialexeis 29

ed. Hermann Hobein

Search the Perseus Catalog for:

ΚΘ΄ ¹ XXIX (Duebn. XXXV vulg. 19)

Current edition First1KGreek

Notes on the current edition

Stable identifiers

Search the Perseus Catalog for:

Search the Perseus Catalog for:

ΚΘ΄ 1 XXIX (Duebn. XXXV vulg. 19)

Current edition First1KGreek

Notes on the current edition

Stable identifiers

ΚΘ΄ ¹ XXIX (Duebn. XXXV vulg. 19)