Βόες 〈τρεῖς〉 καὶ λέων.
[1] Ἐνέμοντο μετ᾽ ἀλλήλων τρεῖς ἀεὶ βόες. Λέων δὲ τούτους φαγεῖν θέλων διὰ τὴν αὐτῶν ὁμόνοιαν οὐκ ἠδύνατο· ὑπούλοις δὲ λόγοις διαβαλὼν ἐχώρισεν ἀπʼ ἀλλήλων, καὶ τότε ἕνα ἕκαστον αὐτῶν μεμονωμένους εὑρὼν κατεθοινήσατο.
[῞Οτι], εἰ θέλεις μάλιστα ζῆν ἀκινδύνως, τοῖς μὲν ἐχθροῖς ἀπίστει, τοῖς δὲ φίλοις πίστευε καὶ συντήρει.
[2] Ἐνέμοντο τρεῖς μετʼ ἀλλήλων βόες. Λέων δὲ τούτους φαγεῖν θέλων διὰ τὴν ὁμόνοιαν ἐδειλία· αἰμύλοις δὲ λόγοις τούτους διαχωρίσας μεμονωμένους τούτων ἕνα καθ᾽ ἕνα εὑρὼν ἀδεῶς ἤσθιεν.
[3] Τρεῖς ὁμοιότροποι ἐνέμοντο βόες. Λέων δὲ τούτοις τοῦ φαγεῖν προσορμήσας
δι᾽ ὁμόνοιαν οὐκ ἲσχυσεν οὐδʼ ὅλως.
Τοὖ δὲ ὑπούλοις διαβάλλοντος λόγοις,
ἀπεχώρισεν αὐτοὺς ἐξ ἀμφοτέρων,
καὶ τότ᾽ ἕκαστον εὑρὼν μεμονωμένον
κατεσπάραξεν οἶς τρόποις ἠβουλήθη.
δι᾽ ὁμόνοιαν οὐκ ἲσχυσεν οὐδʼ ὅλως.
Τοὖ δὲ ὑπούλοις διαβάλλοντος λόγοις,
ἀπεχώρισεν αὐτοὺς ἐξ ἀμφοτέρων,
καὶ τότ᾽ ἕκαστον εὑρὼν μεμονωμένον
κατεσπάραξεν οἶς τρόποις ἠβουλήθη.
[῝Οτι] ὁ θέλων ζῆν ἀκινδύνως τοῖς μὲν ἐχθροῖς ἀπιστείτω, πιστευέτω δὲ τοῖς φίλοις.
Fabulae. Aesop. ed. Émile Chambry. Paris. 1925.
Funding provided by Center for Hellenic Studies.