Aeschylus Libation Bearers 332

Ὀρέστης ¹

ὦ πάτερ αἰνόπατες, ² τί σοι

315

φάμενος ἢ τί ῥέξας

τύχοιμ᾽ ἂν ἕκαθεν ³ οὐρίσας,

ἔνθα σ᾽ ἔχουσιν εὐναί;

σκότῳ φάος ἀντίμοι-

ρον; ⁴ χάριτες δ᾽ ὁμοίως

320

κέκληνται γόος εὐκλεὴς

προσθοδόμοις Ἀτρείδαις.

323

Χορός ⁵

τέκνον, φρόνημα τοῦ

θανόντος οὐ δαμάζει

πυρὸς [ἡ ⁶ ] μαλερὰ γνάθος,

325

φαίνει δ᾽ ὕστερον ὀργάς:

ὀτοτύζεται δ᾽ ὁ θνῄσκων,

ἀναφαίνεται δ᾽ ὁ βλάπτων.

πατέρων τε καὶ τεκόντων

γόος ἔνδικος ματεύει

330

τἄποιν᾽ ⁷ ἀμφιλαφὴς ταραχθείς.

332

Ἠλέκτρα

κλῦθὶ νυν, ὦ πάτερ, ἐν μέρει

πολυδάκρυτα πένθη.

δίπαις τοί σ᾽ ⁸ ἐπιτύμβιος ⁹

θρῆνος ἀναστενάζει.

335

τάφος δ᾽ ἱκέτας δέδεκται

φυγάδας θ᾽ ὁμοίως.

τί τῶνδ᾽ εὖ, τί δ᾽ ἄτερ κακῶν;

οὐκ ἀτρίακτος ἄτα;

340

Χορός

ἀλλ᾽ ἔτ᾽ ἂν ἐκ τῶνδε θεὸς χρῄζων

340

θείη ¹⁰ κελάδους εὐφθογγοτέρους:

ἀντὶ δὲ θρήνων ἐπιτυμβιδίων

παιὰν ¹¹ μελάθροις ἐν βασιλείοις

νεοκρᾶτα φίλον κομίσειεν. ¹²

345

Ὀρέστης

εἰ γὰρ ὑπ᾽ Ἰλίῳ

345

πρός τινος Λυκίων, πάτερ,

δορίτμητος κατηναρίσθης, ¹³

λιπὼν ἂν εὔκλειαν ἐν δόμοισι

τέκνων τ᾽ ἐν ¹⁴ κελεύθοις

ἐπιστρεπτὸν αἰῶ ¹⁵

350

κτίσας πολύχωστον ἂν εἶχες

τάφον διαποντίου γᾶς ¹⁶

δώμασιν εὐφόρητον.

354

Χορός

φίλος φίλοισι τοῖς

ἐκεῖ καλῶς θανοῦσιν

355

κατὰ χθονὸς ἐμπρέπων

σεμνότιμος ἀνάκτωρ,

πρόπολός τε τῶν μεγίστων

χθονίων ἐκεῖ τυράννων:

βασιλεὺς γὰρ ἦν, ¹⁷ ὄφρ᾽ ἔζης, ¹⁸

360

μόριμον λάχος πιπλάντων ¹⁹

χειροῖν ²⁰ πεισιβρότοῳ τε βάκτρῳ. ²¹

363

Ἠλέκτρα

μηδ᾽ ὑπὸ Τρωίας

τείχεσι φθίμενος, πάτερ,

μετ᾽ ἄλλῳ ²² δουρικμῆτι λαῷ

365

παρὰ Σκαμάνδρου πόρον τεθάφθαι. ²³

πάρος δ᾽ οἱ κτανόντες

νιν οὕτως δαμῆναι

<φίλοις ²⁴ >, θανατηφόρον αἶσαν

πρόσω ²⁵ τινὰ πυνθάνεσθαι

370

τῶνδε πόνων ἄπειρον.

372

Χορός ²⁶

ταῦτα μέν, ὦ παῖ, κρείσσονα χρυσοῦ,

μεγάλης δὲ τύχης καὶ ὑπερβορέου

μείζονα φωνεῖς: δύνασαι ²⁷ γάρ.

ἀλλὰ διπλῆς γὰρ τῆσδε μαράγνης ²⁸

375

δοῦπος ἱκνεῖται: τῶν μὲν ἀρωγοὶ

κατὰ γῆς ἤδη, τῶν δὲ κρατούντων

χέρες οὐχ ὅσιαι στυγερῶν τούτων,

†πᾶσι δὲ μᾶλλον γεγένηται. ²⁹

380

Ὀρέστης

τοῦτο διαμπερὲς οὖς ³⁰

380

ἵκεθ᾽ ³¹ ἅπερ τι ³² βέλος.

Ζεῦ Ζεῦ, κάτωθεν ἀμπέμπων

ὑστερόποινον ἄταν

βροτῶν τλάμονι καὶ πανούργῳ

χειρί, τοκεῦσι δ᾽ ὅμως τελεῖται.

385

386

Χορός

ἐφυμνῆσαι γένοιτό μοι πυκά-

εντ᾽ ³³ ὀλολυγμὸν ἀνδρὸς

θεινομένου, γυναικός τ᾽

ὀλλυμένας: τί γὰρ κεύθω φρενὸς οἷον ³⁴ ἔμπας

ποτᾶται; πάροιθεν δὲ πρῴρας

390

δριμὺς ἄηται κραδίας ³⁵

θυμὸς ἔγκοτον στύγος.

394

Ὀρέστησ??? ³⁶

καὶ πότ᾽ ³⁷ ἂν ἀμφιθαλὴς

Ζεὺς ἐπὶ χεῖρα βάλοι,

395

φεῦ φεῦ, κάρανα δαΐξας;

πιστὰ γένοιτο χώρᾳ.

δίκαν δ᾽ ἐξ ἀδίκων ἀπαιτῶ.

κλῦτε δὲ Γᾶ χθονίων τε τιμαί. ³⁸

400

Χορός

ἀλλὰ νόμος ³⁹ μὲν φονίας σταγόνας

400

χυμένας ἐς πέδον ἄλλο προσαιτεῖν

αἷμα. βοᾷ γὰρ λοιγὸς Ἐρινὺν ⁴⁰

παρὰ τῶν πρότερον ⁴¹ φθιμένων ἄτην

ἑτέραν ἐπάγουσαν ἐπ᾽ ἄτῃ.

405

Ἠλέκτρα???

πόποι δᾶ ⁴² νερτέρων τυραννίδες <τ᾽>, ⁴³

405

ἴδετε πολυκρατεῖς Ἀραὶ τεθυμένων, ⁴⁴

ἴδεσθ᾽ Ἀτρειδᾶν τὰ λοίπ᾽ ἀμηχάνως

ἔχοντα καὶ δωμάτων

ἄτιμα. πᾷ τις τράποιτ᾽ ἄν, ⁴⁵ ὦ Ζεῦ;

410

Χορός ⁴⁶

πέπαλται ⁴⁷ δ᾽ αὖτέ μοι φίλον κέαρ

410

τόνδε κλύουσαν οἶκτον.

καὶ τότε μὲν δύσελπις,

σπλάγχνα δέ μοι ⁴⁸ κελαινοῦ-

ται πρὸς ἔπος κλυούσᾳ.

ὅταν δ᾽ αὖτ᾽ ἐπ᾽ ἀλκῆς ἐπάρῃ <μ᾽

415

ἐλπίς,> ἀπέστασεν ἄχος

προσφανεῖσά ⁴⁹ μοι καλῶς.

418

Ὀρέστησ??? ⁵⁰

τί δ᾽ ἂν φάντες ⁵¹ τύχοιμεν; ἢ ⁵² τάπερ

πάθομεν ἄχεα ⁵³ πρός γε τῶν τεκομένων;

πάρεστι σαίνειν, τὰ δ᾽ οὔτι θέλγεται.

420

λύκος γὰρ ὥστ᾽ ὠμόφρων

ἄσαντος ἐκ ματρός ἐστι θυμός.

423

Χορός

ἔκοψα κομμὸν Ἄριον ἔν τε Κισσίας ⁵⁴

νόμοις ἰηλεμιστρίας, ⁵⁵

ἀπριγδόπληκτα πολυπλάνητα ⁵⁶ δ᾽ ἦν ⁵⁷ ἰδεῖν

425

ἐπασσυτεροτριβῆ τὰ χερὸς ὀρέγματα

ἄνωθεν ἀνέκαθεν, κτύπῳ δ᾽ ἐπερρόθει

κροτητὸν ἀμὸν καὶ πανάθλιον κάρα.

429

Ἠλέκτρα

ἰὼ ⁵⁸ δαΐα

πάντολμε μᾶτερ, δαΐαις ἐν ἐκφοραῖς

430

ἄνευ πολιτᾶν ἄνακτ᾽,

ἄνευ δὲ πενθημάτων

ἔτλας ἀνοίμωκτον ἄνδρα θάψαι.

434

Ὀρέστης ⁵⁹

ταφὰς ἀτίμους ⁶⁰ ἔλεξας, οἴμοι.

πατρὸς δ᾽ ἀτίμωσιν ἆρα ⁶¹ τείσει

435

ἕκατι μὲν δαιμόνων,

ἕκατι δ᾽ ἀμᾶν χερῶν.

ἔπειτ᾽ ἐγὼ νοσφίσας ὀλοίμαν. ⁶²

439

Χορός ⁶³

ἐμασχαλίσθη ⁶⁴ δέ γ᾽, ὡς τόδ᾽ εἰδῇς, ⁶⁵

ἔπρασσε δ᾽ ᾇπέρ ⁶⁶ νιν ὧδε θάπτει,

440

μόρον κτίσαι ⁶⁷ μωμένα

ἄφερτον ⁶⁸ αἰῶνι σῷ.

κλύεις ⁶⁹ πατρῴους δύας ἀτίμους. ⁷⁰

445

Ἠλέκτρα ⁷¹

λέγεις πατρῷον μόρον: ἐγὼ δ᾽ ἀπεστάτουν

445

ἄτιμος, οὐδὲν ἀξία.

μυχῷ ⁷² δ᾽ ἄφερκτος πολυσινοῦς κυνὸς δίκαν

ἑτοιμότερα γέλωτος ἀνέφερον λίβη,

χέουσα ⁷³ πολύδακρυν γόον κεκρυμμένα.

τοιαῦτ᾽ ἀκούων ἐν φρεσὶν γράφου, <πάτερ. ⁷⁴ >

450

451

Χορός ⁷⁵

δι᾽ ὤτων δὲ συν-

τέτραινε μῦθον ἡσύχῳ φρενῶν ⁷⁶ βάσει.

τὰ μὲν γὰρ οὕτως ἔχει,

τὰ δ᾽ αὐτὸς ὄργα ⁷⁷ μαθεῖν.

πρέπει δ᾽ ἀκάμπτῳ μένει καθήκειν.

455

456

Ὀρέστης

σὲ τοι λέγω, ξυγγενοῦ, πάτερ, φίλοις. ⁷⁸

Ἠλέκτρα

ἐγὼ δ᾽ ἐπιφθέγγομαι κεκλαυμένα.

Χορός

στάσις δὲ πάγκοινος ἅδ᾽ ἐπιρροθεῖ:

ἄκουσον ἐς φάος μολών,

ξὺν δὲ γενοῦ πρὸς ἐχθρούς.

460

461

Ὀρέστης

Ἄρης Ἄρει ξυμβαλεῖ, ⁷⁹ Δίκᾳ Δίκα.

Ἠλέκτρα

ἰὼ θεοί, κραίνετ᾽ ἐνδίκως <δίκας ⁸⁰ >.

Χορός

τρόμος μ᾽ ὑφέρπει κλύουσαν εὐγμάτων.

τὸ μόρσιμον μένει πάλαι,

εὐχομένοις δ᾽ ἂν ἔλθοι.

465

466

Χορός

ὦ ⁸¹ πόνος ἐγγενὴς

καὶ παράμουσος Ἄτας ⁸²

αἱματόεσσα πλαγά.

ἰὼ δύστον᾽ ἄφερτα κήδη:

ἰὼ δυσκατάπαυστον ἄλγος.

470

471

Χορός

δώμασιν ἔμμοτον

τῶνδ᾽ ἄκος, ⁸³ οὐδ᾽ ἀπ᾽ ἄλλων

ἔκτοθεν, ἀλλ᾽ ἀπ᾽ αὐτῶν,

διώκειν ἔριν ⁸⁴ αἱματηράν.

θεῶν <τῶν ⁸⁵ > κατὰ γᾶς ὅδ᾽ ὕμνος.

475

476

Χορός

ἀλλὰ κλύοντες, μάκαρες χθόνιοι,

τῆσδε κατευχῆς πέμπετ᾽ ἀρωγὴν

παισὶν προφρόνως ἐπὶ νίκῃ. ^{86 87}

479

ΧΟ.