View:
By Subsection
DE ITERANDIS AGRIS, DE MESSE TRITICEA, DE EXTIRPANDIS VEPRIBVS ET FILECTIS, DE ARBORIBVS OPERIENDIS, DE PVLVERANDIS NOVELLIS.
Hoc mense agri, qui aprili proscissi fuerant, circa calendas iterentur. nunc locis temperatis tritici messis expletur more, quo dictum est. siluestres agri utillime extirpabuntur arboribus atque uirgultis, cum luna decrescit, desectis radicibus atque conbustis. hoc mense arbores, quae in messe steterant, sectis messibus obruantur adgestione terrarum propter nimios solis ardores. opera una uiginti maximas obruet. nunc et nouellae uites mane et uespere iam calore deposito effodi debent et auerso gramine puluerari. hoc mense utiliter uel ante caniculares dies filices extirpabis et caricem.
Opus Agriculturae. Rutilius Taurus Aemilianus Palladius. ed. Schmitt, J. C.. Leipzig. 1898.
Funding provided by University of Notre Dame.