Claudian In Rufinum 1.pr

ed. Maurice Platnauer

View: By Line

Phoebeo domitus Python cum decidit arcu

membraque Cirrhaeo fudit anhela iugo,

qui spiris tegeret montes, hauriret hiatu

flumina, sanguineis tangeret astra iubis:

iam liber Parnasus erat nexuque soluto

coeperat erecta surgere fronde nemus

concussaeque diu spatiosis tractibus orni

securas ventis explicuere comas

et qui vipereo spumavit saepe veneno

Cephisos nitidis purior ibat aquis.

omnis " io Paean " regie sonat; omnia Phoebum

rura canunt; tripodas plenior aura rotat,

auditoque procul Musarum carmine dulci

ad Themidis coeunt antra severa dei.

Nunc alio domini telis Pythone perempto

convenit ad nostram sacra caterva lyram,

qui stabilem servans Augustis fratribus orbem

iustitia pacem, viribus arma regit.

In Rufinum. Claudian. ed. Maurice Platnauer. Cambridge, MA. 1922.

Sponsored by Perseus Project, Tufts University.

Funding provided by The Mellon Foundation.

In Rufinum (Latin) (Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.)

Translations (1)

Against Rufinus Perseus (Claudian, Volume 1. Platnauer, Maurice, translator. Harvard University Press: Cambridge, MA; London, England, 1922.)

No corresponding passage available