LATINUS ALCIMUS ALETHIUS RHETOR
NEC me nepotes impii silentii
1
reum ciebunt, Alcime,
minusque dignum, non et oblitum ferent
tuae ministrum memoriae,
opponit unum quem viris prioribus
1
5
aetas recentis temporis,
palmae forensis et camenarum decus,
exemplar unum in litteris,
quas aut Athenis docta coluit Graecia,
aut Roma per Latium colit.
10
moresne fabor et tenorem regulae
ad usque vitae terminum?
quod laude clarus, quod operatus litteris
omnem refugisti ambitum?
te nemo gravior vel fuit comis magis
15
aut liberalis indigis,
danda salute, si forum res posceret;
studio docendi, si scholam.
vivent per omnem posterorum memoriam,
quos tu sacrae famae dabas
20
et Iulianum tu magis famae dabis
quam sceptra, quae tenuit brevi.
Sallustio plus conferent libri tui,
quam consulatus addidit,
morum tuorum, decoris et facundiae
25
formam dedisti filiis.
Ignosce nostri laesus obsequio stili:
amoris hoc crimen tui est,
quod digna nequiens promere officium colo,
iniuriose sedulus.
2
30
quiesce placidus et caduci corporis
damnum repende gloria.
Commemoratio Professorum Burdigalensium. Ausonius, Decimus Magnus. ed. Hugh G. Evelyn-White. London; Cambridge, Massachusetts. 1919.
Sponsored by Perseus Project, Tufts University.
Funding provided by The Mellon Foundation.