Maximini Duo 11

1 Fuit etiam sub eodem factio desciscentibus sagittariis Osrhoenis ab eodem ob amorem Alexandri et desiderium, quem a Maximino apud eos occisum 2 esse constabat, nec aliud persuaderi potuerat, denique etiam ipsi Titum, ¹ unum ex suis, sibi ducem atque imperatorem fecerunt, quem Maximinus privatum 3 iam dimiserat, quem quidem et purpura circumdederunt, regio adparatu ornarunt et quasi sui milites ^{2 3 4} 4 obsaepserunt, et invitum quidem, sed hic dormiens domi suae ab uno ex amicis suis interfectus est, qui sibi doluit illum esse praepositum, Macedonio nomine, qui eum Maximino prodidit quique caput eius ad 5 imperatorem detulit, sed Maximinus primo ei gratias egit, postea tamen ut proditorem odio habuit et occidit. 6 his rebus in dies inmanior fiebat, ferarum more, quae vulneratae magis exulcerantur. 7 Post haec transiit in Germaniam cum omni exercitu et Mauris et Osrhoenis et Parthis et omnibus quos 8 secum Alexander ducebat ad bellum, et ob hoc maxime orientalia secum trahebat auxilia, quod nulli magis contra Germanos quam expediti sagittarii valent. 9 mirandum autem adparatum belli Alexander habuit,