Avidius Casius 3

1 Sed nos hominis naturam et mores breviter explicabimus. neque enim plura de his sciri possunt, quorum vitam et inlustrare nullus audet eorum causa 2 a quibus oppressi fuerint, addemus autem quemadmodum ad imperium venerit et quemadmodum sit 3 occisus et ubi victus. proposui enim, Diocletiane Auguste, omnes qui imperatorum nomen sive iusta causa sive iniusta ¹ habuerunt, in litteras mittere, ut omnes purpuratos Augustos cognosceres. 4 Fuit his moribus, ut nonnumquam trux et asper videretur, aliquando mitis et lenis, saepe religiosus, alias contemptor sacrorum, avidus vini item abstinens, ^{2 3 4} cibi adpetens et mediae patiens, Veneris cupidus et 5 castitatis amator, nec defuerunt qui illum Catilinam vocarent, cum et ipse se ita gauderet appellari, addens futurum se Sergium si dialogistam occidisset. Antoninum 6 hoc nomine significans, qui tantum enituit in philosophia, ut iturus ad bellum Marcomannicum, timentibus cunctis ne quid fatale proveniret, rogatus sit non adulatione sed serio, ut praecepta philosophiae 7 ederet, nec ille timuit, sed per ordinem paraeneseos ⁵ 8 per triduum disputavit, fuit praeterea disciplinae militaris Avidius Cassius tenax et qui se Marium dici vellet.