Marcus Antoninus Philosophus 3

1 tantum autem studium in eo philosophiae fuit ut adscitus iam in ¹ imperatoriam tamen ad 2 domum Apollonii discendi causa veniret, audivit et Sextum Chaeronensem Plutarchi nepotem, Iunium Rusticum, Claudium Maximum et Cinnam Catulum, ^{2 3 4 5 6 7 8} 3 Stoicos. Peripateticae vero studiosum ⁹ audivit Claudium Severum et praecipue Iunium Rusticum, quem et reveritus est et sectatus, qui domi militiaeque 4 pollebat, Stoicae disciplinae peritissimum; cum quo omnia communicavit publica privataque consilia, cui etiam ante praefectos praetorio semper osculum dedit, 5 quem et consulem iterum designavit, cui post obitum a senatu statuas postulavit, tantum autem honoris magistris suis detulit ut imagines eorum aureas in larario haberet ac sepulchra eorum aditu hostiis floribus 6 semper honoraret. studuit et iuri, audiens Lucium 7 Volusium Maecianum. tantumque operis et laboris studiis impendit ut corpus adficeret atque in 8 hoc solo pueritia eius reprehenderetur. frequentavit et declamatorum scholas publicas amavitque e ¹⁰ condiscipulis praecipuos senatorii ordinis Seium Fuscianum et Aufidium Victorinum, ex equestri Baebium 9 Longum et Calenum, in quos maxime liberalis fuit, et ita quidem ut quos non posset ob qualitatem vitae rei publicae praeponere, locupletatos teneret. ^{11 12}