View:
By Line
V
Ne valeam, si non totis, Deciane, diebus
1
Et tecum totis noctibus esse velim.
Sed duo sunt quae nos disiungunt milia passum:
Quattuor haec fiunt, cum rediturus eam.
Saepe domi non es, cum sis quoque, saepe negaris:
5
Vel tantum causis vel tibi saepe vacas.
Te tamen ut videam, duo milia non piget ire:
Ut te non videam, quattuor ire piget.
Epigrammata. Martial. ed. Wilhelm Heraeus. Medford, MA. 2011-03-14.
Sponsored by Perseus Project, Tufts University.
Funding provided by The Mellon Foundation.