Florus, Lucius Annaeus, Epitome Rerum Romanorum, ed. Edward Seymour Forster, ed. John C. Rolfe, 2.20

[1] ENIMVERO et servitium armorum dedecus feras; nam etsi per fortunam in omnia obnoxii, tamen quasi secundum hominum genus sunt et in bona libertatis nostrae adoptantur: bellum Spartaco duce concitatum quo nomine appellem nescio;

[2] quippe cum servi ¹militaverint, gladiatores imperaverint, illi infimae sortis homines, hi pessumae auxere ludibriis calamitatem Romanam.

[3] Spartacus, Crixus, Oenomaus effracto Lentuli ²³ ludo cum triginta aut amplius eiusdem fortunae viris erupere Capua;⁴servisque ad vexillum ⁵vocatis cum statim decem milia amplius coissent, homines modo effugisse contenti, iam et vindicari volebant.

[4] Prima sedes velut rabidis beluis mons ⁶Vesuvius placuit. Ibi cum obsiderentur a Clodio Glabro, per fauces cavi montis vitineis delapsi vinculis ⁷ad imas eius descendere radices et exitu inviso ⁸nihil tale opinantis ducis subito impetu castra rapuerunt;

[5] inde alia castra, Vareniana, ⁹deinceps Thorani; totamque pervagantur Campaniam. Nec villarum atque vicorum vastatione contenti Nolam atque Nuceriam, Thurios ¹⁰atque Metapontum terribili strage populantur.

[6] Adfluentibus in diem copiis cum iam esset iustus exercitus, e viminibus pecudumque tegumentis inconditos sibi clipeos et ferro ergastulorum recocto gladios ac tela fecerunt.

[7] Ac ne quod decus ¹¹iusto deesset exercitui, domitis obviis etiam gregibus paratur equitatus, captaque de praetoribus insignia et fasces ad ducem detulere.

[8] Nec abnuit ille de stipendiario Thrace miles, de milite desertor, inde latro, ¹²deinde ¹³¹⁴¹⁵¹⁶¹⁷¹⁸¹⁹²⁰²¹

[9] in honorem ²²virium gladiator. Quin ²³defunctorum quoque proelio ducum funera imperatoriis ²⁴celebravit exsequiis, captivosque circa rogum iussit armis depugnare, quasi plane expiaturus omne praeteritum dedecus, si de gladiatore munerarius fuisset.

[10] Inde iam consulares ²⁵quoque adgressus in Appenino Lentuli exercitum cecidit, apud Mutinam Publi Crassi castra delevit.

[11] Quibus elatus victoriis de invadenda urbe Romana—quod satis est turpitudini nostrae—deliberavit.

[12] Tandem enim totis imperii viribus contra myrmillonem consurgitur ²⁶pudoremque Romanum Licinius Crassus adseruit; a quo pulsi fugatique—pudet dicere—

[13] hostes in extrema Italiae refugerunt. Ibi circa Brittium angulum clusi, ²⁷cum fugam in Siciliam pararent neque navigia suppeterent, ratesque ex trabibus et dolia conexa virgultis rapidissimo freto frustra experirentur, tandem eruptione facta digna 1

[14] viris obiere morte et, quod sub gladiatore duce oportuit, sine missione pugnatum est. Spartacus ipse in primo agmine fortissime dimicans quasi imperator occisus est. ²⁸²⁹³⁰³¹³²³³

Florus, Lucius Annaeus Epitome Rerum Romanorum 2.20

ed. Edward Seymour Forster, ed. John C. Rolfe

Search the Perseus Catalog for:

Current edition Perseus

Notes on the current edition

Stable identifiers