Florus, Lucius Annaeus, Epitome Rerum Romanorum, ed. Edward Seymour Forster, ed. John C. Rolfe, 2.17

[1] POSTREMO LIVIUS Drusus non tribunatus modo viribus, sed ipsius etiam senatus auctoritate totiusque Italiae consensu easdem leges adserere conatus,

[2] dum alium captat ex alio, tantum conflavit incendium, ut nec ¹primam illius flammam ²posset sustinere et subita morte correptus hereditarium in posteros suos bellum propagaret.

[3] Iudiciaria lege Gracchi diviserant populum Romanum et bicipitem ex una fecerant civitatem. Equites Romani tanta potestate subnixi, ut qui fata fortunasque principum ³⁴⁵⁶ haberent in manu, interceptis vectigalibus pecula-bantur suo iure rem publicam; senatus ⁷exilio Metelli, damnatione Rutili debilitatus omne decus maiestatis amiserat.

[4] In hoc statu rerum pares opibus animis dignitate (unde et nata Livio Druso aemulatio)⁸equitem ⁹Servilius Caepio, senatum Livius Drusus adserere.

[5] Signa, aquilae et vexilla deerant: ceterum sic urbe in una quasi in binis castris dissidebatur. Prior Caepio in senatum impetu facto reos ambitus Scaurum et Philippum principes nobilitatis elegit.

[6] His ut motibus resisteret, Drusus plebem ad se Gracchanis legibus, isdemque ¹⁰socios ad plebem spe civitatis erexit. Extat ¹¹vox ipsius, nihil se ad largitionem ulli reliquisse, nisi si quis aut caenum dividere vellet aut caelum.

[7] Aderat promulgandi dies, cum subito tanta vis hominum undique apparuit, ut hostium adventu obsessa civitas videretur.

[8] Ausus tamen obrogare legibus consul Philippus, sed adprehensum faucibus viator non ante dimisit quam sanguis in os et oculos redundaret.

[9] Sic per vim latae iussaeque leges. Et pretium rogationis statim socii flagitare, cum inparem Drusum aegrumque rerum temere ¹²¹³¹⁴¹⁵¹⁶ motarum matura, ut in tali discrimine, mors abstulit. Nec ideo minus¹⁷socii promissa Drusi a populo Romano reposcere armis desierunt.

Florus, Lucius Annaeus Epitome Rerum Romanorum 2.17

ed. Edward Seymour Forster, ed. John C. Rolfe

Search the Perseus Catalog for:

Current edition Perseus

Notes on the current edition

Stable identifiers