View:
By Line
Gallus lectica a felibus vectus: Nimiam securitatem saepe in periculum homines ducere.
Feles habebat gallus lecticarios.
1
Hunc gloriosum vulpes ut vidit vehi,
Sic est locuta: Moneo praecaveas dolum;
Istorum vultus namque si consideras,
Praedam portare iudices, non sarcinam.
5
Postquam esurire coepit societas fera,
Discerpsit dominum et fecit partes facinoris.
Fabulae. Phaedrus. ed. Lucian Mueller. Leipzig. 1876.
Sponsored by Perseus Project, Tufts University.
Funding provided by NSF, NEH: Digital Libraries Initiative, Phase 2.