93 P.L.M.
Aurea mala mihi, dulcis mea Martia, mittis,
mittis et hirsutae munera castaneae.
Omnia grata putem, sed si magis ipsa venire
ornares donum, pulcra puella, tuum.
Tu licet apportes stringentia mala palatum,
tristia mandenti est melleus ore sapor.
At si dissimulas, multum mihi cara, venire,
oscula cum pomis mitte; vorabo libens.
phi0972.phi001p. Petronius. Michael Heseltine (Editor). London. 1913.
Sponsored by Perseus Project, Tufts University.
Funding provided by Tufts University.