Titus Livius (Livy), Ab urbe condita, Benjamin Oliver Foster, Ph.D. (Editor), Frank Gardener Moore (Editor), Alfred C. Schlesinger, Ph.D. (Editor), 10.46

Search the Perseus Catalog for:

View: By Section

← Previous Next →

[1]

nives iam omnia oppleverant nec durari extra tecta poterat; itaque consul exercitum de Samnio deduxit.

[2] venienti Romam triumphus omnium consensu est delatus. triumphavit in magistratu, insigni, ut illorum temporum habitus erat, triumpho.

[3] pedites equitesque insignes donis transiere ac transvecti sunt; ¹ multae civicae coronae vallaresque ac murales conspectae;

[4] inspectata spolia Samnitium et decore ² ac pulchritudine paternis ³ spoliis, quae nota frequenti publicorum ornatu locorum erant, comparabantur; nobiles aliquot captivi, ⁴ clari suis patrumque factis, ducti.

[5] aeris gravis travecta viciens centum milia et quingenta ⁵ triginta tria milia; id aes redactum ex captivis dicebatur; argenti quod captum ex urbibus erat pondo mille ⁶ octingenta ⁷ triginta. omne aes argentumque in aerarium conditum, militibus nihil datum ex praeda est;

[6] auctaque ea invidia est ad plebem quod tributum etiam in stipendium militum conlatum est, cum, si spreta gloria fuisset captivae pecuniae in aerarium inlatae, et militi tum donum ⁸ dari ex praeda et stipendium militare praestari ⁹ potuisset.

[7] aedem Quirini dedicavit—quam in ipsa dimicatione votam apud neminem neminen veterem auctorem invenio neque hercule tam exiguo tempore perficere potuisset—ab dictatore patre votam filius consul dedicavit exornavitque hostium spoliis;

[8] quorum tanta multitudo fuit ut non templum tantum forumque iis ornaretur sed sociis etiam coloniisque ¹⁰ finitimis ad templorum locorumque publicorum ornatum dividerentur.

[9] ab triumpho exercitum in agrum Vescinum, ¹¹ quia regio ea infesta ab Samnitibus erat, hibernatum duxit.

[10] inter haec Carvilius consul in Etruria Troilum ¹² primum oppugnare adortus quadringentos septuaginta ditissimos, pecunia grandi pactos ut abire inde liceret, dimisit;

[11] ceteram multitudinem oppidumque ipsum vi cepit. inde quinque castella locis sita munitis expugnavit.

[12] caesa ibi hostium duo milia quadringenti, minus duo milia capta. et Faliscis pacem petentibus annuas indutias dedit, pactus centum milia gravis aeris et stipendium eius anni militibus.

[13] his rebus actis ad triumphum decessit, ut minus clarum de Samnitibus quam collegae triumphus fuerat ita cumulo Etrusci belli aequatum.

[14] aeris gravis tulit in aerarium trecenta octoginta milia; reliquo aere aedem Fortis Fortunae de manubiis faciendam locavit prope aedem eius deae ab rege Ser. tullio¹³ dedicatam,

[15] et militibus ex praeda centenos binos asses et alterum tantum centurionibus atque equitibus, malignitate collegae gratius accipientibus munus, divisit.

[16] favor consulis tutatus ad populum est L. Postumium legatum eius, qui dicta die a M. Scantio tribuno plebis fugerat legatione, ¹⁴ ut fama ferebat, populi iudicium; iactarique magis quam peragi accusatio eius poterat.

Ab urbe condita. Titus Livius (Livy). Benjamin Oliver Foster, Ph.D. (Editor), Frank Gardener Moore (Editor), Alfred C. Schlesinger, Ph.D. (Editor). Medford, MA. .

Sponsored by Perseus Project, Tufts University.

Funding provided by The National Endowment for the Humanities.

Current edition Perseus

Ab urbe condita (Latin) (Livy in Fourteen Volumes. Foster, Benjamin Oliver; Moore, Frank Gardener; Schlesinger, Alfred C., editors. Cambridge, MA: Harvard University Press; London: William Heinemann, Ltd., 1919-1959 (printing).)

Editions (2)

Ab urbe condita Perseus (Pars I-IV, Libri I-XL. Editio Stereotypica. Weissenborn, Wilhelm; Mueller, Moritz, editors. Leipzig: Teubner, 1884-1911.) — 10.46 focus

[1] Nives iam omnia oppleverant nec durari extra tecta poterat;

[2] itaque consul exercitum de Samnio deduxit. venienti Romam triumphus omnium consensu est delatus. triumphavit in magistratu insigni, ut illorum temporum habitus erat, triumpho.

[3] pedites equitesque insignes donis transiere ac transvecti sunt; multae civicae coronae vallaresque ac murales conspectae;

[4] inspectata spolia Samnitium et decore ac pulchritudine paternis spoliis, quae nota frequenti publicorum ornatu locorum erant, conparabantur;

[5] nobiles aliquot captivi, clari suis patrumque factis, ducti; aeris gravis travecta viciens centum milia et quingenta triginta tria milia — id aes redactum ex captivis dicebatur — , argenti, quod captum ex urbibus erat, pondo mille octingenta triginta. omne aes argentumque in aerarium conditum, militibus nihil datum ex praeda est.

[6] auctaque ea invidia est ad plebem, quod tributum etiam in stipendium militum conlatum est, cum, si spreta gloria fuisset captivae pecuniae in aerarium inlatae, et militi donum dari ex praeda et stipendium militare praestari potuisset.

[7] aedem Quirini dedicavit. quam in ipsa dimicatione votam apud neminem veterem auctorem invenio (neque neque hercule tam exiguo tempore perficere potuisset);

[8] ab dictatore patre votam filius consul dedicavit exornavitque hostium spoliis; quorum tanta multitudo fuit, ut non templum tantum forumque iis ornaretur, sed sociis etiam coloniisque finitumis ad templorum locorumque publicorum ornatum dividerentur.

[9] ab triumpho exercitum in agrum Vescinum, quia regio ea infesta ab Samnitibus erat, hibernatum duxit.

[10] inter haec Carvilius consul in Etruria Troilum primum oppugnare adortus quadringentos septuaginta ditissimos,

[11] pecunia grandi pactos, ut abire inde liceret, dimisit, ceteram multitudinem oppidumque ipsum vi cepit. inde quinque castella locis sita munitis expugnavit. caesa ibi hostium duo milia quadringenti, minus duo milia capta.

[12] et Faliscis pacem petentibus annuas indutias dedit, pactus centum milia gravis aeris et stipendium eius anni militibus.

[13] his rebus actis ad triumphum decessit, ut minus clarum de Samnitibus, quam collegae triumphus fuerat, ita cumulo Etrusci belli aequatum.

[14] aeris gravis tulit in aerarium trecenta octoginta milia; reliquo aere aedem Fortis Fortunae de manubiis faciendam locavit prope aedem eius deae ab rege Servio Tullio dedicatam,

[15] et militibus ex praeda centenos binos asses et alterum tantum centurionibus atque equitibus, malignitate collegae gratius accipientibus munus, divisit.

[16] favor consulis tutatus ad populum est L. Postumium, legatum eius, qui, dicta die a M. Scantio tribuno plebis, fugerat in legatione, ut fama ferebat, populi iudicium; iactarique magis quam peragi accusatio eius poterat.

Ab urbe condita Perseus (Conway, Robert Seymour; Walters, Charles Flamstead; Johnson, Stephen Keymer, editors. Oxford: Oxford University Press, 1914-1935. (Oxford Classical Texts)) — 10.46 focus