Columella, Res Rustica, ed. Harrison Boyd Ash, ed. E. S. Forster, ed. Edward H. Heffner, 4.14

[1] Sed et malleolorum similis cura agenda est, ut ad unam aut duas gemmas deputati autumno vel vere, prius quam germinent, iugentur.1 Iis, ut dixi, cantherius propius 2 a terra quam vitibus ordinariis summittendus est; neque enim editior esse debet pedali altitudine, ut sit quem teneri adhuc pampini capreolis suis illigent nec 3 ventis explantentur. Insequitur deinde fossor, qui crebris bidentibus aequaliter et minute ¹soli terga comminuat.²Hanc planam fossuram maxime nos probamus.

[2] Nam illa, quam in Hispania hibernam appellant, cum terra vitibus detrahitur, et in media spatia interordiniorum confertur, supervacua nobis videtur, quia iam praecessit autumnalis ablaqueatio, quae et ³nudavit summas et ad inferiores radiculas ⁴transmisit hibernos imbres. Numerus autem fossionis aut idem debet esse ⁵qui primi anni, aut una minus; nam ⁶utique frequenter solum exercendum est, dum id incremento suo vites inumbrent, nec patiantur herbam subcrescere.

[3] Pampinationis eadem debet esse ratio huius anni atque prioris. Adhuc enim compescenda quasi pueritia seminum est, nec plus quam in unum flagellum est summittenda; tanto quidem ⁷⁸⁹¹⁰¹¹¹²¹³¹⁴¹⁵ magis, quod tenera aetas eius non sustinet et fetu et materiis onerari.

Columella Res Rustica 4.14

ed. Harrison Boyd Ash, ed. E. S. Forster, ed. Edward H. Heffner

Search the Perseus Catalog for:

Current edition Perseus

Notes on the current edition

Stable identifiers