Columella, Res Rustica, ed. Harrison Boyd Ash, ed. E. S. Forster, ed. Edward H. Heffner, 2.20

[1] Sed cum matura fuerit seges, ante quam torreatur vaporibus aestivi sideris, qui sunt vastissimi per exortum 6 Caniculae, celeriter demetatur; 7 nam dispendiosa est cunctatio, primum quod avibus praedam ceterisque animalibus praebet, deinde quod grana et ipsae spicae culmis arentibus et aristis celeriter decidunt.

[2] Si vero procellae ventorum aut turbines incesserunt,¹maior pars ad terram defluit; propter ²quae recrastinari non debet, sed aequaliter flaventibus iam satis, ante quam ex toto grana indurescant, cum rubicundum colorem traxerunt, ³⁴⁵⁶⁷⁸⁹¹⁰¹¹ messis facienda est, ut potius in area et in acervo quam in agro grandescant frumenta. Constat enim, si tempestive decisa sint, postea capere incrementum.

[3] Sunt autem metendi genera complura. Multi falcibus veruculatis atque iis vel rostratis ¹²vel denticulatis medium culmum secant, multi mergis, alii pectinibus spicam ipsam legunt, idque in rara segete facillimum, in densa difficillimum est. Quod si falcibus seges cum parte culmi demessa sit, protinus in acervum vel in nubilar ¹³congeritur et subinde opportunius solibus¹⁴torrefacta proteritur.

[4] Sin autem spicae tantummodo recisae sunt, possunt in horreum conferri et deinde per hiemem vel baculis excuti vel exteri pecudibus. At si competit ut in area teratur frumentum, nihil dubium est quin equis melius quam bubus ea res conficiatur et, si pauca iuga sunt, adicere tribulam et traheam¹⁵possis, quae res utraque culmos facillime comminuit. Ipsaeautemspicaemeliusfustibuscuduntur ¹⁶

[5] vannisque expurgantur. At ubi paleis immixta sunt frumenta, vento separantur. Ad eam rem Favonius habetur eximius, qui levis aequalisque aestivis mensibus perflat; quem tamen opperiri lenti est agricolae, ¹⁷¹⁸¹⁹²⁰²¹ quia saepe,²²dum expectatur, saeva nos hiems deprendit.

[6] Itaque in area detrita frumenta sic sunt aggeranda ut omni flatu possint cxcerni. At si compluribus diebus undique silebit aura, vannis ²³expurgentur, ne post nimiam ventorum segnitiem vasta tempestas inritum faciat totius anni laborem. Pura deinde frumenta, si in annos reconduntur, reteri ²⁴debent, nam quanto sunt expolitiora, minus a curculionibus exeduntur; sin protinus usui destinantur, nihil attinet repoliri, satisque est in umbra refrigerari et ita granario inferri. Leguminum quoque non alia cura est quam reliquorum frumentorum, nam ea quoque vel ²⁵statim absumuntur vel conduntur. Atque hoc supremum est aratoris emolumentum percipiendorum seminum quae terrae crediderit. ²⁶

Columella Res Rustica 2.20

ed. Harrison Boyd Ash, ed. E. S. Forster, ed. Edward H. Heffner

Search the Perseus Catalog for:

Current edition Perseus

Notes on the current edition

Stable identifiers