[51]
quam ob rem ab eo non modo nihil timere sed maiora et meliora exspectare debetis, neque in eo qui ad D. Brutum obsidione liberandum profectus sit timere ne memoria maneat domestici doloris quae plus apud eum possit quam salus civitatis.
audeo
1
etiam obligare fidem meam, patres conscripti, vobis populoque Romano reique publicae; quod profecto, cum me nulla vis cogeret, facere non auderem pertimesceremque in maxima re periculosam opinionem temeritatis
2
.
promitto, recipio, spondeo, patres conscripti, C. Caesarem talem semper fore civem qualis hodie sit
3
qualemque eum maxime velle esse et optare debemus.
Philippicae. M. Tullius Cicero. ed. Albert Curtis Clark. Oxford. 1918.
Sponsored by Perseus Project, Tufts University.
Funding provided by National Endowment For The Humanities (NEH).