M. Tullius Cicero Philippicae 100

ed. Albert Curtis Clark

Search the Perseus Catalog for:

← Previous Next →

[100] 39 sed ad chirographa redeamus. quae tua¹ fuit cognitio? Acta enim Caesaris pacis causa confirmata sunt a senatu: quae quidem Caesar egisset, non ea quae² egisse³ Caesarem dixisset Antonius. Vnde ista erumpunt, quo auctore proferuntur? si sunt falsa, cur probantur? si vera, cur veneunt? at sic placuerat ut ex⁴ Kalendis Iuniis de Caesaris actis cum consilio cognosceretis. quod fuit consilium, quem umquam convocasti⁵, quas Kalendas Iunias exspectasti? an eas ad quas te peragratis veteranorum coloniis stipatum armis rettulisti?

O praeclaram illam percursationem tuam mense Aprili atque Maio, tum cum etiam Capuam coloniam⁶ deducere conatus es! quem ad modum illinc abieris⁷ vel potius paene non abieris⁸ scimus.

Philippicae. M. Tullius Cicero. ed. Albert Curtis Clark. Oxford. 1918.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Philippicae (Latin) (Cicero. M. Tulli Ciceronis Orationes, Vol. 6. Clark, Albert Curtis, editor. Oxford: Clarendon Press, 1918.)

Notes on the current edition

Philippicae

1. tua post fuit habent D

2. quaeque V

3. gessisse V

4. ut ex D: om. V: ut Muretus

5. advocasti D

6. coloniam om. D

7. illinc abieris Faernus: illĩ cauieris V: illam adieris D

8. abieris Faernus: habueris V: adieris D

Search the Perseus Catalog for:

Search the Perseus Catalog for:

Current edition Perseus

Notes on the current edition

Stable identifiers