M. Tullius Cicero Pro Rege Deiotaro 33

ed. Albert Curtis Clark

Search the Perseus Catalog for:

← Previous Next →

[33] at quam acute conlecta crimina! Blesamius inquit,—eius enim nomine, optimi viri¹ nec tibi ignoti, male dicebat tibi— ad regem inquit² scribere solebat te in invidia esse, tyrannum existimari, statua inter reges posita animos hominum vehementer offensos, plaudi tibi non solere. nonne intellegis, Caesar, ex urbanis malevolorum sermunculis haec ab istis esse conlecta? Blesamius tyrannum Caesarem scriberet? multorum enim capita civium viderat, multos iussu Caesaris vexatos, verberatos, necatos, multas adflictas et eversas domos, armatis militibus refertum forum! quae semper in civili victoria sensimus, ea te victore non vidimus.

Pro Rege Deiotaro. M. Tullius Cicero. ed. Albert Curtis Clark. Oxford. 1918.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Pro Rege Deiotaro Ad. C. Caesarem (Latin) (Cicero. M. Tulli Ciceronis Orationes, Vol. 6. Clark, Albert Curtis, editor. Oxford: Clarendon Press, 1918.)

Notes on the current edition

Pro Rege Deiotaro

1. nomine optimi viri H, Prisc. K. iii. 325: hominis nom. opt. viri CAV: nom. opt. hominis β: nom. viri opt. γ

2. inquit om. unus cod. Halmii ( cf. Phil. viii. 27) in invidia esse C αDa (in om. AD): invidiose BE

Search the Perseus Catalog for:

Search the Perseus Catalog for:

Current edition Perseus

Notes on the current edition

Stable identifiers