[25]
secutum bellum est Africanum.
graves de te rumores
1
, qui etiam furiosum illum Caecilium excitaverunt.
quo tum rex animo
2
, qui auctionatus sit seseque spoliare
3
maluerit quam tibi pecuniam non subministrare.
at eo inquit
tempore ipso Nicaeam Ephesumque mittebat qui rumores Africanos exciperent et celeriter ad se referrent.
itaque cum esset ei nuntiatum Domitium naufragio perisse, te in castello circumsederi, de Domitio dixit versum Graecum eadem sententia qua etiam nos habemus Latinum:
quod ille, si tibi esset
4
inimicissimus, numquam tamen dixisset: ipse enim mansuetus, versus immanis.
qui autem Domitio poterat esse amicus, qui tibi esset inimicus?
tibi porro inimicus cur esset a quo, cum vel interfici belli lege potuisset
5
, regem et se et filium suum constitutos esse meminisset?
pereant amici, dum inimici una intercidant.
Pro Rege Deiotaro. M. Tullius Cicero. ed. Albert Curtis Clark. Oxford. 1918.
Sponsored by Perseus Project, Tufts University.
Funding provided by National Endowment For The Humanities (NEH).