M. Tullius Cicero Pro Cn. Plancio 22

[22] 9 omnia quae dico de Plancio dico expertus in nobis; sumus enim finitimi Atinatibus. laudanda est vel etiam amanda vicinitas retinens veterem illum offici morem ¹ , non infuscata malivolentia, non adsueta mendaciis, non fucosa ² , non fallax, non erudita artificio simulationis vel suburbano vel etiam urbano. nemo Arpinas non Plancio studuit, nemo Soranus ³ , nemo Casinas ⁴ , nemo Aquinas. tractus ⁵ ille celeberrimus Venafranus, Allifanus ⁶ , tota denique ea nostra ita ⁷ aspera et montuosa et fidelis et simplex et fautrix suorum regio se huius honore ornari, se augeri dignitate arbitrabatur, isdemque nunc ex municipiis adsunt equites Romani publice cum legatione ⁸ et ⁹ testimonio, nec minore nunc sunt sollicitudine quam tum erant studio. etenim est gravius spoliari fortunis quam non augeri dignitate.