[16]
qua re noli me ad contentionem vestrum
1
vocare, Laterensis.
etenim si populo grata est tabella, quae frontis aperit hominum, mentis tegit datque eam libertatem ut quod velint faciant, promittant autem quod rogentur, cur tu id
2
in iudicio ut fiat
3
exprimis quod non fit in campo?
hic quam ille
4
dignior perquam grave est dictu.
quo modo igitur est aequius
5
?
sic credo, quod agitur, quod satis est iudici:
hic factus est.
cur iste potius quam ego?
vel nescio vel non dico vel denique quod mihi gravissimum esset, si dicerem
6
, sed impune tamen deberem dicere:
non recte.
nam
7
quid adsequerere
8
, si illa extrema defensione uterer, populum quod voluisset fecisse, non quod debuisset?
Pro Cn. Plancio. M. Tullius Cicero. ed. Albert Curtis Clark. Oxford. 1911.
Sponsored by Perseus Project, Tufts University.
Funding provided by National Endowment For The Humanities (NEH).