[50]
22
quid? Cn. Pompeius pater rebus Italico bello maximis gestis P. Caesium, equitem Romanum, virum bonum, qui vivit, Ravennatem foederato ex populo nonne civitate donavit?
quid? cohortis duas universas Camertium
C. Marius
1
?
quid? Heracliensem
2
Alexam P. Crassus, vir amplissimus, ex ea civitate quacum prope singulare foedus Pyrrhi temporibus C. Fabricio consule ictum putatur?
quid? Massiliensem Aristonem
L.
3
Sulla?
quid? quoniam de Gaditanis agimus, idem
servos novem
4
Gaditanos?
quid? vir sanctissimus et summa religione ac modestia, Q. Metellus Pius, Q. Fabium Saguntinum?
quid? hic qui adest, a quo haec quae ego nunc percurro subtilissime sunt omnia perpolita
5
, M. Crassus, non Aveniensem
6
foederatum civitate donavit, homo cum gravitate et prudentia praestans, tum vel nimium parcus in largienda civitate?
Pro L. Cornelio Balbo. M. Tullius Cicero. ed. William Peterson. Oxford. 1909.
Sponsored by Perseus Project, Tufts University.
Funding provided by National Endowment For The Humanities (NEH).