M. Tullius Cicero Pro L. Cornelio Balbo 4

[4] quo mihi difficilior est hic extremus ¹ perorandi locus. etenim ei succedo orationi quae non praetervecta sit auris vestras, sed in animis omnium penitus insederit, ut plus voluptatis ex recordatione illius orationis quam non modo ex mea, sed ² ex cuiusquam oratione capere possitis. 2 sed mos est gerundus ³ non modo Cornelio, cuius ego voluntati in eius periculis nullo modo deesse possum, sed etiam Cn. Pompeio, qui sui facti, sui iudici, sui benefici voluit me esse, ut apud eosdem vos, iudices, nuper in alia causa fuerim, et praedicatorem et actorem ⁴ .