[5]
nam quod est obiectum municipibus esse adulescentem non probatum suis, nemini umquam praesenti †Praestutiani†
1
maiores honores habuerunt, iudices
2
, quam
3
absenti
M.
M
arco Caelio; quem et absentem in amplissimum ordinem cooptarunt et ea non petenti detulerunt quae multis petentibus denegarunt.
idemque nunc lectissimos viros et nostri ordinis et equites Romanos cum legatione ad hoc iudicium et cum gravissima atque ornatissima laudatione miserunt.
videor mihi iecisse
4
fundamenta defensionis meae, quae firmissima sunt si nituntur iudicio suorum.
neque enim vobis satis commendata huius aetas esse posset, si non modo parenti, tali viro, verum etiam municipio tam inlustri ac tam gravi displiceret.
equidem,
Pro M. Caelio. M. Tullius Cicero. ed. Albert Curtis Clark. Oxford. 1908.
Sponsored by Perseus Project, Tufts University.
Funding provided by National Endowment For The Humanities (NEH).